Sɔɔmɔ Kpee He Gbɛjianɔtoo
Otsi ni Jeɔ Shishi May 12
Lala 1
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni yɔɔ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ May 15 Buu-Mɔɔ lɛ kɛ May 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ akɛtsɔɔ. Tsĩi oniatsumɔ gbɛjianɔtoo lɛ hu tã.
20 min: Fɔlɔi—Nyɛyea Nyɛbuaa Nyɛbii lɛ ni Amɛya Hiɛ. Wiemɔ ni akɛbaasusu saji otii ni yɔɔ Sɔɔmɔ Skul wolo lɛ baafa 9-12 kɛ 21-38 lɛ he. Wo fɔlɔi hewalɛ koni amɛkɛ saji nɛɛ eko atsu nii yɛ amɛweku nikasemɔ lɛ mli, kɛ yiŋtoo akɛ amɛkɛmiitsɔse amɛbii lɛ koni amɛya amɛhiɛ yɛ sɔɔmɔ nitsumɔ lɛ mli. Gbalamɔ jwɛŋmɔ kɛya saji otii pɔtɛɛi ni abaanyɛ akɛtsu nii kɛye abua gbekɛbii koni amɛná hesaai ni he hiaa lɛ anɔ.
15 min: “Atuu Sanekpakpa lɛ Awo Wɔdɛŋ.” Too gbɛjianɔ kɛtsɔ hiɛ koni shiɛlɔ kome loo enyɔ atsɔɔ bɔ ni amɛnyɛ amɛtsake amɛshihilɛi koni amɛtsu babaoo yɛ shiɛmɔ nitsumɔ lɛ mli lɛ mli kuku.
Lala 46 kɛ naagbee sɔlemɔ.
Otsi ni Jeɔ Shishi May 19
Lala 62
15 min: Asafoŋ adafitswai. Shika he akɔntaabuu. Nyɛsusua “Majimaji Ateŋ Maŋtsɛyeli Asa Tsumaa yɛ Europa Shikpɔji Komɛi Anɔ” lɛ he. Tsĩi tã otsɔɔ akɛ atsɔɔ oniai ni atsuɔ awoɔ Maŋtsɛyeli Asa Tsumaa Fotro lɛ mli lɛ anɔ amamɔɔ Maŋtsɛyeli Asai ni yɔɔ maji ni shika fioo pɛ amɛyɔɔ lɛ amli, kɛ nɔ ni yɔɔ maŋ lɛ mli nitsumɔhe nine lɛ hu mli.
15 min: “Shiɛmɔyaa He Akɔntaabuu ni Kpeɔ Sɛɛ—Ani Eji Onaagba?” Esa akɛ shiɛmɔ nitsumɔ nɔkwɛlɔ lɛ atsu he nii. Kɛ́ eeehi lɛ tsĩi shiɛmɔyaa he akɔntaabuu ni kpe sɛɛ yɛ nyɔji ekpaa ni eho lɛ amli lɛ tã.
15 min: “Jiemɔ Yehowa Yi Kɛtsɔ Trukaa Odaseyeli Nɔ.” Wiemɔ kɛ toibolɔi ni akɛaagba sane. Kɛ́ aasusu kuku 3 lɛ he lɛ, bi toibolɔi lɛ ni amɛtsɔɔ nɔ ni abaanyɛ akɛɛ kɛje Biblia mli sanegbaa shishi yɛ shihilɛi ni nyiɛ sɛɛ lɛ ekomɛi amli: (1) beni ato sɛrɛnɛɛ kɛdamɔ shi ni aamɛ koni awo nibii ni aheɔ lɛ he nyɔmɔ, (2) beni ata tsɔne ni maŋbii taraa mli lɛ mli, (3) atsɔɔ akutsoŋnyo ko ni miitsu nii yɛ eyale mli, (4) atsɔɔ naanyo nitsulɔ ko yɛ onitsumɔhe, kɛ (5) atsɔɔ klasnyo ko yɛ skul. Too gbɛjianɔ kɛtsɔ hiɛ koni asafoŋ shiɛlɔ ko agba gbɛ ni etsɔ nɔ eye trukaa odase yɛ omanyeyeli mli lɛ he sane etsɔɔ.
Lala 135 kɛ naagbee sɔlemɔ.
Otsi ni Jeɔ Shishi May 26
Lala 174
10 min: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabui kɛha May aha. Okɛ gbɛtsɔɔmɔi ni yɔɔ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ June 1 Buu-Mɔɔ lɛ kɛ June 8 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ akɛtsɔɔ. Yɛ nɔkwɛmɔnii lɛ ekome naagbee lɛ, ashi dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ aha shiatsɛ ni heee woji tɛtrɛbii lɛ.
10 min: Sanebimɔ He. Wiemɔ ni abaaha. Tĩi ŋaawoi kɛha tɛlifoŋ nɔ shiɛmɔ wiemɔi ni je kpo yɛ February 2001 Wɔ Maŋtsɛyeli Sɔɔmɔ lɛ baafa 6, kuku 12-15 lɛ ekomɛi, loo ŋaawoi krokomɛi ni eye omanye yɛ nyɛshikpɔŋkuku lɛ mli lɛ amli kuku.
25 min: “Nyɔŋmɔ Wiemɔ lɛ Ji Anɔkwale.” Okɛ sanebimɔi ni akɛha lɛ atsu nii. Bi toibolɔi koni amɛtsɔɔ bɔ ni Biblia lɛ ni shiɛlɔi lɛ kɛtsu nii kɛha amɛsanebimɔi lɛ ahetoo lɛ ye ebua amɛ ni amɛkase anɔkwale lɛ. Kɛ́ aasusu kuku 4 lɛ he lɛ, ha shiɛlɔ ko ni he esa kɛ ŋaawoi ni je kpo yɛ saneyitso ni ji “Jaa Nyɔŋmɔ Wiemɔ lɛ Mli Pɛpɛɛpɛ” lɛ mli lɛ eko afee bɔ ni akɛ Biblia lɛ tsuɔ nii yɛ klɛŋklɛŋ saramɔ mli lɛ he nɔkwɛmɔnɔ.—km-GA 12/01 bf. 1 kk. 3-4.
Lala 188 kɛ naagbee sɔlemɔ.
Otsi ni Jeɔ Shishi June 2
Lala 210
10 min: Asafoŋ adafitswai. Tĩi ŋaawoi ni yɔɔ nɔ ni aŋma ahɔ January 2002 Wɔ Maŋtsɛyeli Sɔɔmɔ lɛ mli ni tsɔɔ bɔ ni akɛ Taoɔ wolo bibioo lɛ kɛ Nilee wolo lɛ haa lɛ ekome loo enyɔ mli.
20 min: Gbalashihilɛ ni Yɔɔ Nyam—Ŋwɛi Taomɔ Nɔ Ko. Wiemɔ kɛ toibolɔi ni akɛaagba sane. Yɛ shikpɔji babaoo nɔ lɛ, ewaaa akɛ aaana akɛ nuu kɛ yoo miihi shi yɛ he kome ni amɛboteko gbalashihilɛ mli yɛ mla naa. Mɛi komɛi kɛɔ akɛ enɛ yeɔ ebuaa diɛŋtsɛ. Maa nɔ ni Biblia lɛ kɛɔ yɛ he lɛ nɔ mi, ni oma nɔ mi akɛ gbalashihilɛ ji Nyɔŋmɔ gbɛjianɔtoo. (rs bf. 248-249) Shi ni ahiɔ yɛ he kome beni aboteko gbalashihilɛ mli lɛ ji ajwamaŋbɔɔ. (fy-GA bf. 17) Nɔ ni tamɔɔɔ nɔ ni mɛi babaoo heɔ yeɔ lɛ, niiamlitaomɔ etsɔɔ akɛ ekome ni afeɔ kɛhiɔ shi yɛ he kome dani aboteɔ gbalashihilɛ mli lɛ baa bɔ ni eeenyɛ eba akɛ gbalashihilɛ lɛ baaye omanye lɛ shi. (g02 3/8 bf. 29; g92 9/8 bf. 28; g91 5/8 bf. 28) Kristofoi kɛ woo haa Yehowa kɛtsɔ emlai anaa ni amɛhiɔ shi yɛ lɛ nɔ. Amɛ diɛŋtsɛ hu amɛnáa he sɛɛ yɛ no feemɔ mli.—Yes. 48:17, 18.
15 min: Te Onáa He Sɛɛ Ohaa Tɛŋŋ? Toibolɔi kɛ sanegbaa ni skul nɔkwɛlɔ lɛ baatsu he nii. Wɔje Teokrase Sɔɔmɔ Skul gbɛjianɔtoo hee ko shishi kɛjɛ January shishijee mli. Tĩi skul lɛ mli nibii heei lɛ ekomɛi amli kuku. Maa sɛɛnamɔi diɛŋtsɛ ni aná kɛbashi amrɔ nɛɛ lɛ anɔ mi. Ani mɛi babaoo kɛ amɛhe ewo skul lɛ mli? Ani anáa he miishɛɛ waa ákɛ akɛ he aaawo mli? Te skulbii lɛ náa gbɛjianɔtoi heei ni akɛwoɔ ŋaa lɛ he sɛɛ amɛhaa tɛŋŋ? Bi toibolɔi lɛ koni amɛtsɔɔ bɔ ni amɛ diɛŋtsɛ amɛná he sɛɛ kɛbashi amrɔ nɛɛ, kɛ bɔ ni amɛsusuɔ akɛ gbɛjianɔtoo hee lɛ baaye abua amɛ wɔsɛɛ ko lɛ mli.
Lala 225 kɛ naagbee sɔlemɔ.
Footnotes]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.