Sɔɔmɔ Kpee He Gbɛjianɔtoo
Otsi ni Jeɔ Shishi April 8
Lala 39
13 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó hewalɛ ni mɔ fɛɛ mɔ akwɛ vidio ni ji Young People Ask—How Can I Make Real Friends? (Oblahii kɛ Oblayei Biɔ Akɛ—Te Mafee Tɛŋŋ Mabɔ Nanemɛi Kpakpai?) lɛ, koni akɛsaa he aha ehe sanegbaa yɛ April 22 otsi lɛ Sɔɔmɔ Kpee lɛ mli. Okɛ ŋaawoi ni akɛha yɛ baafa 8 lɛ atsu nii ni oha akɛfee nɔkwɛmɔnii srɔtoi enyɔ yɛ bɔ ni aaafee ni akɛ April 15 Buu-Mɔɔ kɛ April 22 Awake! lɛ aha lɛ nɔ. Yɛ eko fɛɛ eko mli lɛ, tsɔɔmɔ gbɛ kroko ni abaanyɛ atsɔ nɔ atsu mɔ ni tsiɔ sanegbaa naa akɛ “miyɛ mi diɛŋtsɛ mijamɔ lɛ naa” lɛ he nii.—Kwɛmɔ Reasoning wolo lɛ, baafai 18-19.
12 min: Asafoŋ hiamɔ nii.
20 min: “Nyɛfea Mɛi Fɛɛ Ejurɔ.”* Yɛ sanebimɔ kɛ hetoo he sanegbaa lɛ sɛɛ lɛ, bi shiɛlɔ kome loo enyɔ ni amɛtsɔɔ bɔ ni amɛlɛɛɔ amɛsɔɔmɔ nitsumɔ lɛ mli yɛ.
Lala 157 kɛ naagbee sɔlemɔ.
Otsi ni Jeɔ Shishi April 15
Lala 101
10 min: Asafoŋ adafitswai. Shika he akɔntaabuu.
15 min: Gbɛgbalɔi Yaa Nɔ Amɛyeɔ Amɛbuaa Mɛi Krokomɛi. Sɔɔmɔ nitsumɔ nɔkwɛlɔ lɛ kɛ Asafo Woloŋ Nikasemɔ nɔkwɛlɔ ko, gbɛgbalɔ, kɛ shiɛlɔ ko baagba sane. Sɔɔmɔ nitsumɔ nɔkwɛlɔ lɛ ati Gbɛgbalɔi Yeɔ Buaa Mɛi Krokomɛi gbɛjianɔtoo lɛ mli taakɛ atsɔɔ yɛ September afi 1998 Wɔ Maŋtsɛyeli Sɔɔmɔ lɛ, baafa 4 lɛ mli lɛ. Kɛkɛ lɛ, ekɛ amɛteŋ mɔ fɛɛ mɔ ni yɔɔ kuu lɛ mli lɛ baagba gbɛfaŋnɔ ni etsuɔ he nii yɛ gbɛjianɔtoo lɛ mli lɛ he sane kɛ bɔ ni etsuɔ yiŋtoo hewɔ ni ato he gbɛjianɔ lɛ he nii. Mɛni áfee koni aha eye omanye? Sɔɔmɔ nitsumɔ nɔkwɛlɔ lɛ baafɔ̃ nine etsɛ shiɛlɔi fɛɛ koni amɛha ele kɛji amɛmiisumɔ ni amɛnine ashɛ yelikɛbuamɔ nɔ yɛ sɔɔmɔ nitsumɔ lɛ mli. Ekolɛ abaanyɛ akɛ mɛi ni aye abua be ni eho lɛ afata he ekoŋŋ koni amɛná yelikɛbuamɔ ni yaa hiɛ lolo yɛ sɔɔmɔ nitsumɔ lɛ fã kroko mli.
20 min: “Miishɛɛ ni Yɔɔ Be-Fɛɛ Sɔɔmɔ lɛ mli.”* Wó oblahii kɛ oblayei hewalɛ koni amɛkɛ amɛhe awo gbɛgbalɔi awamɔ nitsumɔ lɛ mli yɛ May kɛ September mli.
Lala 199 kɛ naagbee sɔlemɔ.
Otsi ni Jeɔ Shishi April 22
Lala 90
10 min: Asafoŋ adafitswai. Okɛ ŋaawoi ni akɛha yɛ baafa 8 lɛ atsu nii koni oha asafoŋ sɔɔlɔ ko afee bɔ ni aaafee akɛ May 1 Buu-Mɔɔ lɛ aha lɛ he nɔkwɛmɔnɔ koni oha nyɛmi yoo ko atsɔɔ bɔ ni aaafee ni akɛ May 8 Awake! lɛ aha. Yɛ nɔkwɛmɔnɔ lɛ eko fɛɛ eko sɛɛ lɛ, saamɔ owie hiɛkpamɔ wiemɔ lɛ loo enyɔ ni akɛtsu nii kɛtee shiatsɛ lɛ miishɛɛ shi lɛ he.
10 min: Yaa yɛ Be Naa Pɛpɛɛpɛ! Wiemɔ ni abaaha. Nifeemɔi ni kɔɔ wɔjamɔ kɛ sɔɔmɔ he lɛ ji saji ni he hiaa, ni biɔ ni akɛ “be ní ato” atsu nii. (Jaj. 3:1) Wɔmiisumɔ ni wɔná teokrase he gbɛjianɔi ni ato kɛha sɔɔmɔ ni wɔkɛhaa Nyɔŋmɔ lɛ he sɛɛ kɛmɔ shi jogbaŋŋ. Esa akɛ aje asafoŋ kpeei kɛ kpeei kɛha shiɛmɔyaa lɛ shishi amrɔ nɔŋŋ yɛ bei ni ato lɛ naa. Yehowa ekpeee sɛɛ kɔkɔɔkɔ yɛ enifeemɔi lɛ ahe nitsumɔ mli. (Hab. 2:3) Ani ehe miihia ni wɔya wɔhiɛ yɛ enɛ feemɔ mli? Bɔ fɛɛ bɔ ni ji lɛ, bei komɛi lɛ, ekolɛ aŋkroaŋkroi komɛi baakpe sɛɛ. Shi kɛtsɔ gbɛjianɔtoo kpakpa nɔ lɛ, ehe ehiaaa ni wɔkpe sɛɛ be fɛɛ be, ní wɔba kpeei beni ala ni asɔle sɛɛ loo be mli ni ato shiɛmɔyaa he gbɛjianɔ agbe naa sɛɛ. Tsɔɔmɔ gbɛ̀i kpakpa ni abaanyɛ atsɔ nɔ aná sui kpakpai ni baaha wɔba mra kɛha mumɔŋ nifeemɔi fɛɛ.—Kwɛmɔ June 15, 1990, Buu-Mɔɔ, baafa 29.
25 min: “Akɛ Miishɛɛ Diɛŋtsɛ Here Nɔ!”* Yɛ kuku 1 lɛ mli lɛ, ŋmɛɛ asafo lɛ gbɛ koni amɛkɛ wiemɔi fioo komɛi afata he kɛtsɔɔ nɔ ni amɛsusuɔ yɛ vidio ni ji Young People Ask—How Can I Make Real Friends? (Oblahii kɛ Oblayei Biɔ Akɛ—Te Mafee Tɛŋŋ Mabɔ Nanemɛi Kpakpai?) lɛ he. No sɛɛ lɛ jee shishi amrɔ nɔŋŋ kɛtsɔ toibolɔi ni okɛaagba sane yɛ sanebimɔi ni akɛha lɛ eko fɛɛ eko mli yɛ kukuji 2-7 lɛ mli. Wɔbaati vidio ni ji Our Whole Association of Brothers lɛ mli yɛ June mli.
Lala 191 kɛ naagbee sɔlemɔ.
Otsi ni Jeɔ Shishi April 29
Lala 162
10 min: Asafoŋ adafitswai. Kaimɔ shiɛlɔi ni amɛkɛ April shiɛmɔyaa he akɔntaabuu aha.
15 min: “Maŋtsɛyeli lɛ Shiɛmɔ Yeɔ Ebuaa Kɛhereɔ Mɛi Ayiwala!” * Taomɔ saji ahetoo kɛjɛ toibolɔi lɛ adɛŋ ni tsɔɔ bɔ ni ŋmalɛi lɛ tsuɔ enɛ he nii.
20 min: Niiamlitaomɔ Kɛtsɔ Reasoning Wolo lɛ kɛ Nitsumɔ Nɔ. Toibolɔi kɛ sanegbaa. Bei pii lɛ, sanebimɔi teɔ shi yɛ sɔɔmɔ nitsumɔ lɛ mli ni kɔɔ saneyitsei ni atoko amɛnaa yɛ “Saneyitsei Wuji” lɛ ashishi yɛ Reasoning wolo lɛ mli (baafa 5-6) lɛ he. “Index” (Saji Ataomɔhe) ni yɔɔ (baafa 439-445) lɛ he yɛ sɛɛnamɔ waa kɛha Ŋmalɛ mli sɛɛfimɔ taomɔ kɛha wɔhemɔkɛyelii lɛ. Fɔ̃ɔ toibolɔi lɛ anine ni amɛkɛ amɛhe awo sanebimɔi ni nyiɛ sɛɛ lɛ ahetoo taomɔ mli kɛtsɔ wiemɔ fɛɛ wiemɔ ni ama nɔ mi ni yɔɔ index lɛ mli lɛ mlikwɛmɔ nɔ: Mɛni ji Kristofonyo susumɔ yɛ jakumaŋ lalai kɛ aflaŋai ahe? Mɛni hewɔ Nyɔŋmɔ ŋmɛɔ osharai agbɛ? Te obaatsɔɔ Biblia lɛ susumɔ yɛ gbalamlitsemɔ he lɛ mli oha tɛŋŋ? Mɛni hewɔ ni mɛɛ be ehe hiaa ni bei komɛi lɛ nyɛmimɛi yei ahà amɛyi nɔ? Nɛgbɛ Nyɛ Gbi lɛ jɛ? Te wɔfeɔ tɛŋŋ wɔleɔ akɛ mɛi 144,000 lɛ ji yibɔ diɛŋtsɛ ni yɔɔ Biblia lɛ mli? Mɛni ji nɔ ni abɛbua ni kɔɔ nuu niiatsɛ lɛ kɛ Lazaro he lɛ tsɔɔ? Wó mɔ fɛɛ mɔ hewalɛ koni ekɛ Reasoning wolo lɛ atsu nii yɛ sɔɔmɔ nitsumɔ lɛ mli.
Lala 28 kɛ naagbee sɔlemɔ.
Otsi ni jeɔ Shishi May 6
Lala 141
10 min: Asafoŋ adafitswai.
Nyɛsusua “Yaa Nɔ Oná Buu-Mɔɔ kɛ Awake! lɛ He Sɛɛ” lɛ he.
10 min: Gbɛjianɔ ni Wɔɔtsɔ Hiɛ Wɔto Kɛha Nyɔji ni Wɔbaajɔɔ Wɔhe Lɛ. Wiemɔ kɛ toibolɔi ni akɛaagba sane. Tsɔɔmɔ nifeemɔi ni bei pii lɛ atoɔ he gbɛjianɔ kɛhaa nakai be lɛ mli: gbi kome kpee krɛdɛɛ lɛ ni abaaya ni aná gbɛjianɔtoo lɛ fɛɛ he sɛɛ, gbɛgbalɔi awamɔ nitsumɔ lɛ mli ni akɛ he aaawo nyɔŋ kome loo nyɔji babaoo, nɔyaa ni aaaná yɛ shia lɛ mli, kɛ ekolɛ ni aaaná hejɔɔmɔ loo hiɛtserɛjiemɔi komɛi. Fɔ̃ɔ nine otsɛ mɛi fioo koni amɛgba gbɛjianɔ ni amɛto kɛha amɛhejɔɔmɔ be lɛ kɛ bɔ ni amɛhiɛ baahi amɛhe nɔ akɛ amɛkuŋ amɛhiɛ amɛfɔŋ amɛweku nikasemɔ, asafoŋ kpeei, kɛ shiɛmɔyaa nɔ, kɛji amɛmiifã gbɛ kɛmiiya he kroko po. Kɛji asafo lɛ efɔɔɔ shikpɔŋkuku lɛ mli nitsumɔ lɛ, tswaa gbɛjianɔ ni atoɔ koni atsu mli nii kɛmɔ shi jogbaŋŋ lɛ he adafi. Kaimɔ mɛi fɛɛ koni amɛkwɛ ni Asafo Woloŋ Nikasemɔ nɔkwɛlɔ lɛ nine ashɛ amɛshiɛmɔyaa he akɔntaabuu lɛ nɔ, ekɔɔɔ he eko kɛji amɛyɛ loo amɛfã gbɛ.
25 min: “Wekui ní He Wa yɛ Mumɔŋ—Yɛ Mɛɛ Gbɛ Nɔ?”* Beni asusu sane lɛ he sɛɛ lɛ, gbaa niiashikpamɔi ni anyɛɔ atsuɔ he nii ni yɔɔ February 15, 1999, Buu-Mɔɔ, baafa 10-12 lɛ mli lɛ.
Lala 17 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.