Sɔɔmɔ Kpee He Gbɛjianɔtoo

Otsi ni Jeɔ Shishi March 11

Lala 2

13 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii koni akɛfee nɔkwɛmɔnii srɔtoi enyɔ ni tsɔɔ bɔ ni aaafee akɛ March 15 Buu-Mɔɔ lɛ kɛ March 22 Awake! lɛ atsu nii. Tsɔɔmɔ gbɛ kroko ni aaatsɔ nɔ akɛ mɔ ni tsĩɔ sanegbaa naa lɛ agba sane, mɔ ni kɛɔ akɛ, “Mibɛ he miishɛɛ.”—Kwɛmɔ Reasoning wolo lɛ kukufoo ni yɔɔ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafa 8.

12 min: Wɔhe ni Wɔkɛwooo Maŋkwramɔ Mli ákɛ Kristofoi lɛ Mlihiɛmɔ. Wiemɔ ni onukpa ni he esa kɛbaaha. Maŋhedɔɔ nifeemɔi ebafee nɔ ni yaa nɔ waa yɛ skul, yɛ nitsumɔhe, kɛ akutso lɛ mli. Mɛi babaoo ni woɔ enɛ he hewalɛ lɛ feɔ nakai akɛ gbɛ ni amɛtsɔɔ nɔ amɛdamɔɔ maŋ osharai ahe yeyeeyefeemɔ kɛ awerɛhoyeli naa. Eyɛ mli akɛ nɔ ni wɔ hu wɔnaa yɛ je lɛ mli lɛ haoɔ wɔ moŋ, shi wɔnuɔ jeŋ muu fɛɛ nɔyeli he sane ni fe fɛɛ lɛ shishi ni Maŋtsɛyeli he shɛɛ sane lɛ shɛjeɔ wɔmii. Kɛ wɔmiitsɔ ŋaa gbɛ nɔ wɔmiitsɔɔ mɛi krokomɛi nɔ hewɔ ni wɔkɛ wɔhe wooo maŋhedɔɔ nifeemɔi amli lɛ, esa akɛ wɔha ale miishɛjemɔ kɛ hiɛnɔkamɔ ni wɔnine eshɛ nɔ kɛjɛ Nyɔŋmɔ Wiemɔ lɛ mli lɛ hu. Wolo bibioo ni ji Yehowa Odasefoi kɛ Wolo-Kasemɔ lɛ baafa 20-24 lɛ tsɔɔ nɔ hewɔ ni wɔkɛ wɔhe wooo maŋhedɔɔ nifeemɔi amli lɛ yɛ saneyitso bibioo ni ji “Aflaŋaa lɛ Ŋamɔ” lɛ shishi. Wiemɔ emli saji otii lɛ ahe, ni owo fɔlɔi ahewalɛ koni amɛkɛ amɛbii lɛ atĩ sane nɛɛ mli jogbaŋŋ. Gbaa niiashikpamɔi ni yɔɔ wolo bibioo lɛ baafa 20 lɛ kɛ January 8, 1996 Awake! lɛ baafa 31 lɛ mli lɛ. Maa bɔ ni ehe hiaa ni atu he aha Yehowa kome too pɛ yɛ be mli ni akɛ bulɛ haa maŋnɔyeli hegbɛ lɛ nɔ mi.

20 min: “Nyɛtsɔmɔa Niiatsɛmɛi yɛ Ejurɔfeemɔ Gbɛfaŋ.”* Sɔɔmɔ nitsumɔ nɔkwɛlɔ lɛ atsu he nii. Wo mɛi fɛɛ hewalɛ koni amɛkɛ amɛhe awo sɔɔmɔ nitsumɔ lɛ mli jogbaŋŋ koni akɛsaa he kɛha Kaimɔ lɛ yeli yɛ March 28. Tsɔɔmɔ bɔ ni abaafee ni akɛ ninefɔɔ he woji ni akala lɛ atsu nii jogbaŋŋ kɛmɔ shi. Ha shiɛlɔi agba bɔ ni fee ni amɛnyɛ amɛnine shɛ amɛwekumɛi, akutsoŋbii, Biblia mli nikaselɔi, kɛ mɛi krokomɛi ni yɔɔ wiemɔ lɛ he miishɛɛ lɛ anɔ kɛtee Kaimɔ lɛ yeli nyɛsɛɛ afi lɛ kɛ miishɛɛ ni no feemɔ kɛba lɛ. Wó mɛi fɛɛ ni baanyɛ lɛ hewalɛ koni amɛkɛ amɛhe awo gbɛgbalɔi awalɔ nitsumɔ lɛ mli yɛ April ni amɛhé gbɛbimɔ wolo kɛ́ agbe kpee lɛ naa.

Lala 82 kɛ naagbee sɔlemɔ.

Otsi ni Jeɔ Shishi March 18

Lala 7

12 min: Asafoŋ adafitswai. Shika he akɔntaabuu. Wiemɔ “Kaimɔi lɛ Yeli He Kaimɔi” lɛ mli saji ahe. Wó mɛi fɛɛ hewalɛ koni amɛnyiɛ Kaimɔ Biblia kanemɔ he gbɛjianɔ ni ato kɛha March 23-28 lɛ sɛɛ taakɛ atsɔɔ yɛ Ŋmalɛi lɛ Amli ni Wɔɔkwɛ Daa—2002 lɛ mli lɛ.

18 min: “Ekome ni Wɔkɛ Yehowa kɛ E-Bi lɛ Efee yɛ Miishɛɛ Mli.” Ŋmalɛ naa wiemɔ ni kanyaa mɔ ni onukpa ko kɛbaaha. Wó mɛi fɛɛ hewalɛ koni amɛbɔ mɔdɛŋ jogbaŋŋ kɛjɛ amrɔ nɛɛ kɛyashi March 28 koni amɛfɔ mɛi babaoo nine bɔ ni amɛaanyɛ koni amɛkɛ wɔ aba Kaimɔ lɛ.

15 min: “A Letter From the Governing Body” (Wolo ni Jɛ Nɔyeli Kuu lɛ Dɛŋ). Wiemɔ kɛ toibolɔi kɛ sanegbaa. Maa saji otii ni yɔɔ mli lɛ anɔ mi. Wó mɛi fɛɛ hewalɛ ni amɛti Yearbook kɛha wɔsɛɛ otsi nikasemɔ lɛ mli.

Lala 45 kɛ naagbee sɔlemɔ.

Otsi ni Jeɔ Shishi March 25

Lala 12

14 min: Asafoŋ adafitswai. Tsɔɔmɔ mli akɛ, ejeee nɔ ni ekpe sɛɛ tsɔ akɛ akɛ gbɛbimɔ wolo aaaha kɛha gbɛgbalɔi awalɔ nitsumɔ lɛ yɛ April. Ha akɛ gbɛtsɔɔmɔi ni yɔɔ baafa 8 lɛ atsu nii koni aha asafoŋ onukpa afee bɔ ni akɛ April 1 Buu-Mɔɔ lɛ baaha lɛ he nɔkwɛmɔ ni oblanyo loo oblayoo fioo atsɔɔ bɔ ni aaafee akɛ April 8 Awake! lɛ aha. Yɛ nɔkwɛmɔnɔ lɛ eko fɛɛ eko sɛɛ lɛ, maa wolo kɛhamɔ lɛ mli saji otii kpakpai komɛi anɔ mi.

15 min: Te Yearbook lɛ He Baa Sɛɛnamɔ Kɛha Bo Tɛŋŋ? Wiemɔ kɛ toibolɔi kɛ sanegbaa. Klɛŋklɛŋ lɛ, wiemɔ saji otii ni yɔɔ miishɛɛ ni jeɔ kpo yɛ “Highlights of the Past Year” (Nyɛsɛɛ Afi lɛ Mli Otii) lɛ mli lɛ he. No sɛɛ lɛ, bi toibolɔi koni amɛgba Yearbook lɛ mli amaniɛbɔi kɛ niiashikpamɔi ní amɛnaa akɛ ewoɔ mɔ hewalɛ ni ewajeɔ mɔ hemɔkɛyeli jogbaŋŋ lɛ amɛtsɔɔ. Wó mɛi fɛɛ hewalɛ ni amɛgbe Yearbook lɛ kanemɔ naa ni amɛkɛha Biblia mli nikaselɔi ale Yehowa gbɛjianɔtoo lɛ he nii.

16 min: Okɛ Reasoning Wolo lɛ Atsu Nii ni Okɛwo Hewalɛ. Toibolɔi kɛ sanegbaa. Hewalɛwoo ni suɔmɔ yɔɔ mli he miihia mɔ fɛɛ mɔ yɛ be kɛ beaŋ. No hewɔ lɛ, esa akɛ wɔ fɛɛ wɔna bɔ ni ehe hiaa ni wɔkɛ ‘miishɛjemɔ awie’ wɔtsɔɔ mɛi krokomɛi ni mɛi ni ehao ni wɔkɛ amɛ kpeɔ yɛ sɔɔmɔ nitsumɔ lɛ mli lɛ fata he. (1 Tes. 5:14) Okɛ Reasoning wolo lɛ atsu nii koni okɛha toibolɔi lɛ atsɔɔ Ŋmalɛ naa hewalɛwoo ni amɛaasumɔ ni amɛkɛ mɔ ko ni kɛ kaai ni atsɔɔ yɛ baafa 117-121 lɛ kpeɔ lɛ agba he sane. Wo ŋaa akɛ, mɔ fɛɛ mɔ abɔ mɔdɛŋ ni ewo mɔ ko hewalɛ be fɛɛ be ni hiamɔ lɛ aaaba.—Gal. 6:10.

Lala 131 kɛ naagbee sɔlemɔ.

Otsi ni Jeɔ Shishi April 1

Lala 27

7 min: Asafoŋ adafitswai. Kaimɔ shiɛlɔi koni amɛkɛ amɛshiɛmɔyaa he akɔntaabui kɛha March lɛ aha.

18 min: “‘Gbɔmɛi Ateŋ Nikeenii’ kɛ Ekãa Kwɛɔ Tooku lɛ Nɔ.” Wiemɔ ni onukpa ko kɛbaaha. Wiemɔ ŋmalɛi ni atsɛ ni aŋmalako amɛmli wiemɔi lɛ ahe sane. Tsɔɔmɔ bɔ ni nibii kpakpai baanyɛ ajɛ mɛi ni ekpa shiɛmɔyaa ni onukpai lɛ yasaraa amɛ kɛ yelikɛbuamɔ ni akɛhaa mɛi ni bɛ gbɔmɔtsoŋ hewalɛ koni amɛfee nɔ ni amɛbaanyɛ lɛ mli aba loo ejɛɔ mli baa lɛ. Nɔkwɛlɔi ni yɔɔ suɔmɔ lɛ tsɔɔ hiɛsɔɔ ni amɛyɔɔ yɛ mɔdɛŋ fɛɛ ni tooku lɛ bɔɔ jogbaŋŋ koni amɛya nɔ amɛkɛ ekãa ahi Yehowa sɔɔmɔ mli lɛ he.

20 min: “Ha Miishɛɛ ni Oyɔɔ yɛ Shiɛmɔ Nitsumɔ lɛ Mli lɛ Mli Awa.”a Beni asusuɔ kuku 5 lɛ he lɛ, bi koni atsɔɔ gbɛtsɔɔmɔi ni anyɛɔ akɛtsuɔ nii ni kɔɔ bɔ ni aaafee atsu nii jogbaŋŋ kɛmɔ shi yɛ nyɛ shikpɔŋkuku lɛ mli lɛ he. Ha afee nɔkwɛmɔnii lɛ ekome loo enyɔ ni tsɔɔ bɔ ni wɔɔfee wɔŋɔ hegbɛ lɛ koni wɔbɛŋkɛ mɔ ko koni wɔye lɛ odase ni yɔɔ kuku. Wó mɔ fɛɛ mɔ hewalɛ koni etao hegbɛi ni ekɛaaye odase otsi nɛɛ.

Lala 15 kɛ naagbee sɔlemɔ.

[Shishigbɛ niŋmai]