Sɔɔmɔ Kpee He Gbɛjianɔtoo
Otsi ni Jeɔ Shishi August 13
13 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó mɔ fɛɛ mɔ hewalɛ ni ekwɛ vidio ni ji The New World Society in Action kɛsaa ehe kɛha sanegbaa yɛ Sɔɔmɔ Kpee lɛ mli yɛ August 27 otsi lɛ mli. Tĩi “Ghana Betel Mligbelemɔ Nɔyaa He Amaniɛbɔɔ” lɛ mli. Otsii anaagbeei enyɔ pɛ eshwɛ yɛ August mli, no hewɔ lɛ wó mɔ fɛɛ mɔ hewalɛ koni eto gbɛjianɔ ni ekɛ ehe awo shiɛmɔ nitsumɔ lɛ mli dani nyɔŋ lɛ aba naagbee bɔni afee ni amu sɔɔmɔ afi lɛ naa ojogbaŋŋ.
17 min: “Ani Oosumɔ ni Otsu Babaoo?” Okɛ ŋaawoi ní kɔɔ babaoo ni aaafee koni aye mɛi ni yɔɔ nyɛshikpɔŋ kuku lɛ mli ni wieɔ maŋsɛɛ wiemɔ lɛ odase lɛ afata he. Wiemɔ June 15, 1997 Buu-Mɔɔ lɛ, baafa 26-29 lɛ he kuku.
15 min: “Okɛ Hejɔɔmɔ Be Awo Egbɛhe ni Sa.” Asafo woloŋ nikasemɔ nɔkwɛlɔ kɛ gbalashihilɛ mli bii gba sane yɛ nikasemɔ lɛ sɛɛ. Ejɛ mlihilɛ mli etsĩ tã akɛ enaaa amɛ yɛ shiɛmɔ nitsumɔ lɛ mli aloo otsi naagbee nikasemɔi amli gbii etɛ nɛɛ. Gbalashihilɛ mli bii lɛ tsɔɔ mli akɛ hejɔɔmɔ be kɛ nifeemɔi krokomɛi eha amɛbɛ dekã kwraa. Onukpa lɛ kɛ amɛ tĩ saji otii ni yɔɔ nikasemɔ lɛ mli ni eye ebua gbalashihilɛ mli bii lɛ koni amɛna akɛ esa akɛ mumɔŋ nibii aye klɛŋklɛŋ gbɛhe be fɛɛ be. Amɛjie hiɛsɔɔ ni amɛná kɛha kaimɔi lɛ kpo. Amɛba gbeekpamɔ akɛ amɛkɛ otii kpakpai ni he hiaa baaye klɛŋklɛŋ gbɛhe wɔsɛɛ.—Kwɛmɔ October 1, 2000 Buu-Mɔɔ lɛ baafai 19-20.
Lala 68 kɛ naagbee sɔlemɔ.
Otsi ni Jeɔ Shishi August 20
8 min: Asafoŋ adifitswai. Shika he akɔntaabuu.
15 min: “Oji ‘Nikwɛmɔnii’!” Tsĩi shihilɛi komɛi ni ha mɛi wie wiemɔi ni sa ni kɔɔ nitsumɔ lɛ loo Yehowa Odasefoi ajeŋba he lɛ tã.—Kwɛmɔ March 15, 1998 Buu-Mɔɔ lɛ baafa 10, kɛ January 15, 1999 Buu-Mɔɔ lɛ baafa 32.
22 min: “Sui Kpakpai—Nyɔŋmɔ Webii Akadimɔ Nii.” Onukpa ko kɛ minitii enumɔ baaha wiemɔ ni damɔ kukuji 1-5 lɛ nɔ. Kɛkɛ lɛ ekɛ onukpa kroko kɛ asafoŋ sɔɔlɔ ko baagba nikasemɔ lɛ mli nɔ ni eshwɛ lɛ he sane yɛ wiemɔ kpoku lɛ nɔ. Amɛwie bɔ ni abaanyɛ aye subaŋi komɛi ni etsɔɔɔ mɔ he susumɔ ni baanyɛ agbala wɔjwɛŋmɔ kɛjɛ wɔkpeei anɔ koni eba sɛɛnamɔi ni wɔnine shɛɔ nɔ lɛ shi lɛ nɔ kunim lɛ he. Amɛma bɔ ni wɔhe ni wɔkɛbɔɔ lɛ ji hewalɛwoo kpakpa diɛŋtsɛ kɛ́ wɔjie suɔmɔ kpo wɔha mɛi krokomɛi asuɔmɔnaa nii lɛ nɔ mi.—Fil. 2:4.
Lala 72 kɛ naagbee sɔlemɔ.
Otsi ni Jeɔ Shishi August 27
10 min: Asafoŋ adafitswai. Kaimɔ shiɛlɔi koni amɛkɛ amɛshiɛmɔyaa he akɔntaabuu kɛha August aha. Asafo Woloŋ Nikasemɔ nɔkwɛlɔi akwɛ koni shiɛlɔi fɛɛ ni yɔɔ amɛ kuu lɛ mli lɛ kɛ amɛ akɔntaabuu lɛ aba ní abua fɛɛ naa dani September 6 aho. Tsɔɔmɔ gbɛtsɔɔmɔ kome aloo enyɔ ni kɔɔ bɔ ni abaanyɛ akɛ Creation wolo lɛ aha lɛ he yɛ sɔɔmɔ nitsumɔ lɛ mli yɛ September mli.—Kwɛmɔ nɔkwɛmɔnɔ ni yɔɔ September 1996 Wɔ Maŋtsɛyeli Sɔɔmɔ lɛ mli lɛ baafa 8.
10 min: Asafoŋ hiamɔ nii.
25 min: “Yinɔsane ni Kɔɔ The New World Society in Action lɛ He.” Toibolɔi kɛ sanegbaa kɛ sanebimɔi. Beni agba sanebimɔi ni abi lɛ he sane agbe naa lɛ, bi mɔ fɛɛ mɔ ni kwɛ vidio lɛ beni afee klɛŋklɛŋ kwraa loo amɛtee majimaji ateŋ kpeei ni afee yɛ afi 1950 mli lɛ saji. Ha ni amɛgba nɔ ni amɛkaiɔ yɛ nakai be lɛ mli nifeemɔi lɛ ahe sane, hewalɛ ni ená yɛ amɛnɔ yɛ mumɔŋ, kɛ nɔmimaa ni amɛná akɛ Yehowa gbɛjianɔtoo lɛ nɛ. Wɔbaatĩ vidio ni ji United by Divine Teaching lɛ mli yɛ October mli.
Lala 74 kɛ naagbee sɔlemɔ.
Otsi ni Jeɔ Shishi September 3
5 min: Asafoŋ adafitswai.
15 min: “Te Kristofoi Ahenaabuamɔ He Hiaa Ha Tɛŋŋ?” Okɛ Saneyitso bibioo ni ji “Kɛtsɔ Asafo lɛ Nɔ” mli wiemɔi ni yɔɔ January 15, 1996 Buu-Mɔɔ lɛ mli baafa 22 lɛ afata he.
10 min: Sɔɔmɔ nitsumɔ nɔkwɛlɔ lɛ atĩ Sanebimɔ He lɛ mli.
15 min: Kɛji Mɔ ko Kɛɛ Akɛ. Sanegbaa kɛ nɔkwɛmɔnii. Kɛ mɛi wie wiemɔi loo amɛtée sanebimɔi ni wɔkpaaa gbɛ ashi yɛ sɔɔmɔ nitsumɔ lɛ mli lɛ, esa akɛ wɔbɔ mɔdɛŋ ni wɔha hetoo moŋ fe ni wɔɔtsake saneyitso lɛ loo ni wɔɔfo sanegbaa lɛ nɔ. Reasoning wolo lɛ baafee nɔ ni he yɔɔ sɛɛnamɔ waa yɛ nɛkɛ be nɛɛ mli. Tsɔɔmɔ wiemɔi komɛi ni afɔɔ wiemɔ, koni oha shiɛlɔi afee bɔ ni akɛ Reasoning wolo lɛ mli wiemɔi aaaha hetoo lɛ he nɔkwɛmɔnɔ. Ákɛ nɔkwɛmɔnɔ lɛ: ‘Miheee Nyɔŋmɔ nɔ miyeee.’ (baafa 150-151) ‘Mɛni hewɔ nyɛkɛ nyɛhe wooo mɔdɛŋ ni abɔɔ koni aha hiɛyaa aba akutso lɛ mli lɛ mli?’ (baafa 207-208) ‘Ekɔɔɔ he eko nɔ̃ sɔlemɔ mlinyo ni oji.’ (baafa 332) Wó mɔ fɛɛ mɔ hewalɛ koni ekɛ Reasoning wolo lɛ mli fã nɛɛ atsu nii kɛji akɛ akɛ shihilɛi ni akpaaa gbɛ kpe yɛ sɔɔmɔ nitsumɔ lɛ mli.
Lala 121 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.