Sɔɔmɔ Kpee He Gbɛjianɔtoo
Otsi ni Jeɔ Shishi February 12
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Abaasusu vidio ni ji The Bible—Mankind’s Oldest Modern Book (Biblia Lɛ—Adesa Ŋmɛnɛŋmɛnɛ Beaŋ Wolo ni Etsɛ Fe Fɛɛ) lɛ he yɛ February 26 otsi lɛ Sɔɔmɔ Kpee lɛ mli. Sanegbaa lɛ baadamɔ sanebimɔi ni akɛha yɛ Wɔ Maŋtsɛyeli Sɔɔmɔ nɛɛ baafa nɛɛ mli lɛ nɔ.
15 min: “Okɛ Nitsumɔi Kpakpai Awo Yehowa Hiɛ Nyam.”* Okɛ saji ni jɛ Proclaimers wolo lɛ mli yɛ baafa 187, kukuji 2-3 lɛ afata he.
20 min: “Bɔ ni Aaafee Atsɔ̃ Mɛi Krokomɛi Ayiŋ.” Sanegbaa ni baaya nɔ yɛ Asafo Woloŋ Nikasemɔ nɔkwɛlɔ kɛ gbɛgbalɔ ko loo shiɛlɔ ko ni shiɛmɔ nitsumɔ mɔɔ shi waa lɛ ateŋ, ni damɔ saneyitso lɛ kɛ saji otii ni ahala kɛjɛ May 15, 1998 Buu-Mɔɔ lɛ baafai 21-23 lɛ mli lɛ nɔ. Pɛimɔ adeka ni yɔɔ baafa 23, ni ji “Ni Oooshɛ Onikaselɔ lɛ Tsui He” lɛ mli. Be mli ni amɛhala apasa jamɔŋ hemɔkɛyelii ni ale jogbaŋŋ yɛ shikpɔŋkuku lɛ mli lɛ sɛɛ lɛ, susumɔ bɔ ni aaafee akɔne mɔ ko yiŋ yɛ nɔ ni Biblia lɛ kɛɔ yɛ nakai sane lɛ he lɛ he.
Lala 208 kɛ naagbee sɔlemɔ.
Otsi ni Jeɔ Shishi February 19
Lala 221
8 min: Asafoŋ adafitswai. Shika he akɔntaabuu.
10 min: Asafoŋ hiamɔ nii. 10 min: Feemɔ Toiboo Oha Nyɔŋmɔ Naakpɛɛ Nitsumɔi Lɛ
17 min: “Nyɛhaa Alea Yehowa Gbɛi kɛ Enifeemɔ Nii Lɛ.”* Onukpa ko ati gbɛjianɔ krɛdɛɛ ni nyɛ asafo lɛ toɔ koni akɛha nitsumɔ lɛ aya hiɛ yɛ March kɛ April mli lɛ mli, ni nɔ ni fata he ji mɔdɛŋ ni abaabɔ koni awo mɛi babaoo hewalɛ bɔ ni abaanyɛ ni amɛkɛ amɛhe awo gbɛgbalɔi awalɔ sɔɔmɔ lɛ mli. Ha mɛi ni kɛ amɛhe wo gbɛgbamɔ nitsumɔ lɛ mli nyɛsɛɛ afi lɛ mli April lɛ atsɔɔ tsui ni nyɔɔ mɔ mli ni nakai ni amɛfee kɛbaha amɛ. Gbalamɔ jwɛŋmɔ kɛya yelikɛbuamɔ ni akɛaaha mɔ fɛɛ mɔ ni ekpa shiɛmɔyaa, ní eji mɔ ni sa lɛ, koni esaa ebafata wɔhe yɛ sɔɔmɔ nitsumɔ lɛ mli ekoŋŋ kɛ yelikɛbuamɔ ni akɛaaha gbekɛbii kɛ Biblia kaselɔi krokomɛi koni amɛhe asa ákɛ shiɛlɔi ni abaptisiko amɛ.—Kwɛmɔ November 2000 Wɔ Maŋtsɛyeli Sɔɔmɔ Sanebimɔ He lɛ mli.
Lala 27 kɛ naagbee sɔlemɔ.
Otsi ni Jeɔ Shishi February 26
8 min: Asafoŋ adafitswai. Kaimɔ shiɛlɔi ni amɛkɛ February shiɛmɔyaa he akɔntaabui aha.
12 min: Nilee Wolo lɛ He Shiɛmɔ Wiemɔi ni Akɛha. Ani oyɛ shiɛmɔ wiemɔ ko yɛ ojwɛŋmɔ mli yɛ bɔ ni akɛ Nilee wolo lɛ baaha yɛ March mli lɛ he? Kɛji okwɛ Wɔ Maŋtsɛyeli Sɔɔmɔ srɔtoi ni eho lɛ asɛɛ gbɛ lɛ, obaana shiɛmɔ wiemɔi kɛha klɛŋklɛŋ saramɔ, ní amɛteŋ babaoo kɛ susumɔi ni nyiɛ sɛɛ haa kɛha sɛɛsaramɔ. Tii shiɛmɔ wiemɔi ni akɛha nɛɛ ateŋ enyɔ loo etɛ mli. (March, June, November 1996; June 1997; March 1998) Ha afee shiɛmɔ wiemɔi enyɔ ni yɔɔ November 1996 nɔ lɛ mli lɛ he nɔkwɛmɔnɔ ní tsɔɔ bɔ ni akɛ gbɛ ni yɔɔ tɛ̃ɛ atsu nii kɛje Biblia mli nikasemɔi ashishi. Wó mɔ fɛɛ mɔ hewalɛ ni ebɔ mɔdɛŋ jogbaŋŋ koni eje nikasemɔi heei ashishi.
25 min: “Hiɛsɔɔ ni Aaaná Aha The Bible—Mankind’s Oldest Modern Book” (Biblia Lɛ—Adesa Ŋmɛnɛŋmɛnɛ Beaŋ Wolo ni Etsɛ Fe Fɛɛ) lɛ. Toibolɔi kɛ sanegbaa ni akɛ sanebimɔi ni akɛha yɛ baafa nɛɛ mli lɛ baatsu he nii. Maa anɔkwale ni eji akɛ New World Translation muu lɛ fɛɛ loo efã ko ni fa fe akpekpei 100 ni yɔɔ wiemɔi 37 mli lɛ ji Bibliai lɛ ateŋ nɔ ni aja fe fɛɛ lɛ nɔ mi. Wɔbaati vidio ni tsara nɔ nɛɛ ateŋ nɔ ni ji etɛ ni ji The Bible—Its Power in Your Life (Biblia Lɛ—Hewalɛ ní Eyɔɔ yɛ Oshihilɛ Mli) lɛ mli yɛ April mli.
Lala 64 kɛ naagbee sɔlemɔ.
Otsi ni Jeɔ Shishi March 5
5 min: Asafoŋ adafitswai.
18 min: “Yehowa Hewalɛ Haa.”* Taomɔ saji ahetoo kɛjɛ toibolɔi lɛ adɛŋ ni tsɔɔ bɔ ni ŋmalɛi lɛ tsuɔ enɛ he nii.
22 min: “Tɛlifoŋ nɔ Odaseyeli ní Yeɔ Omanye.”* Sɔɔmɔ nitsumɔ nɔkwɛlɔ lɛ baatsu he nii. Okɛ hewalɛwoo ni yɔɔ December 15, 1999 Buu-Mɔɔ lɛ baafa 23, kuku 17 lɛ afata he. Hã agba niiashikpamɔi fioo komɛi ni yɔɔ kuku ni tsɔɔ bɔ ni nitsumɔ nɛɛ eye omanye yɛ he ni nyɛyɔɔ lɛ.
Lala 108 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.