Sɔɔmɔ Kpee He Gbɛjianɔtoo
KADIMƆ: Asafoi baanyɛ afee tsakemɔi ni he hiaa yɛ nyɔji ni akɛbaaya kpokpaa wulu nɔ kpee lɛ amli kɛha kpee lɛ yaa. Kɛ agbe kpokpaa wulu nɔ kpee lɛ naa lɛ, esa akɛ ato gbɛjianɔ yɛ no sɛɛ otsii enyɔ kɛmiimɔ otsii ejwɛ mli kɛha kpee lɛ shishi wiemɔi lɛ amli saji otii lɛ amlitĩi minitii 30 yɛ Sɔɔmɔ Kpee lɛ shishi. Esa akɛ akɛ daa gbi saji otii amlitĩi ni asaa he jogbaŋŋ yɛ mli nɛɛ aha nyɛmimɛi hii enyɔ loo etɛ kɛtsɔ hiɛ. Wiemɔi ni abaawie lɛ baanyɛ atsɔɔ bɔ ni nɔ ni akase yɛ kpee lɛ shishi lɛ kɔɔ asafo lɛ kɛ shiɛmɔ nitsumɔ lɛ he ehaa. Abaanyɛ agba niiashikpamɔ kome loo enyɔ ni ahala ni sɛɛ ekɛɛɛ. Hesaamɔ ni mɛi fɛɛ aaaná lɛ ji gbɛ ni aaatsɔ nɔ aha Sɔɔmɔ Kpee nɛɛ fã lɛ afee nɔ ni yɔɔ miishɛɛ ni tsɔɔ mɔ nii.
Otsi ni Jeɔ Shishi November 13
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tsɔɔmɔ shiɛmɔyaa he gbɛjianɔ ni ato kɛha otsi lɛ.
10 min: Sanebimɔ He. Wiemɔ ni onukpa kɛbaaha.
10 min: “Ani Ohiɛ Sɔɔ Krɔŋkrɔŋ Nibii?” Wiemɔ ni onukpa kɛbaaha. Maa nɔ hewɔ ni ehe hiaa akɛ oya kpokpaa wulu nɔ kpee lɛ gbii etɛ lɛ fɛɛ nɔ mi.
17 min: “Miishɛɛ Shi ni Aaatee Kɛtsɔ Kanyamɔ ni Maŋtsɛyeli Sanekpakpa No. 36 lɛ Kɛhaa lɛ Nɔ.” Akɛ sanebimɔ kɛ hetoo agba kukuji 1-5 lɛ he sane. Tsɔɔmɔ gbɛjianɔ ni ato koni akɛtsu shikpɔŋkuku fɛɛ shikpɔŋkuku ni atsuko mli nii lolo lɛ mli nii. Tĩi shiɛmɔ wiemɔi ni yɔɔ kukuji 7 kɛ 8 kɛha sɛɛsaramɔi afeemɔ lɛ mli, ni oha afee eko fɛɛ eko he nɔkwɛmɔnɔ. Maa bɔ ni ehe hiaa ni asaa aya mɔ fɛɛ mɔ ni jie miishɛɛ kpo etsɔɔ lɛ ŋɔɔ ni abɔ mɔdɛŋ ni aje Biblia mli nikasemɔi ashishi lɛ nɔ mi. Nyɛsusua kuku 9 kɛ ŋmalɛi ni aŋmalako amɛmli wiemɔi lɛ ahe koni okɛba naagbee.
Lala 63 kɛ naagbee sɔlemɔ.
Otsi ni Jeɔ Shishi November 20
7 min: Asafoŋ adafitswai. Shika he akɔntaabuu.
10 min: “Nyɛfea Nyɛnii Fɛɛ yɛ Suɔmɔ Mli.” Akɛ sanebimɔi kɛ hetooi agba he sane. Wo mɛi fɛɛ hewalɛ ni amɛkɛ kpee shishi Rooming Department (Wɔɔhe Taomɔ Nitsumɔhe) lɛ afee ekome.
13 min: “Bó Sanejajemɔi Krɔŋkrɔŋi Atoi.” Sanebimɔi kɛ hetooi. Maa yiŋtoi ahewɔ ni esa akɛ wɔ fɛɛ wɔtara wɔsɛii anɔ beni ajeɔ gbɛjianɔtoo lɛ eko fɛɛ eko shishi, ní abo sane toi jogbaŋŋ ni akagba mɛi krokomɛi anaa yɛ toibolɔi lɛ ateŋ lɛ nɔ mi.
15 min: “Nyɛhiɛa Jeŋba Kpakpa ni Woɔ Nyɔŋmɔ Hiɛ Nyam lɛ Mli.” Onukpa ko kɛ weku ko agba saneyitso lɛ he sane. Amɛtĩ nɔ ni ehe hiaa ni amɛfee koni amɛhiɛ gbɛjianɔtoo kpakpa, sui kpakpai, falefalefeemɔ, kɛ jeŋba he nɔkwɛmɔnɔ kpakpa yɛ maŋ lɛ mli hei srɔtoi beni amɛyaa kpee lɛ mli.
Lala 203 kɛ naagbee sɔlemɔ.
Otsi ni Jeɔ Shishi November 27
10 min: Asafoŋ adafitswai. Kaimɔ shiɛlɔi ni amɛkɛ November shiɛmɔyaa he akɔntaabui aha. Woji ni akɛbaaha yɛ December mli ji Nilee wolo lɛ kɛ New World Translation lɛ. Tsɔɔmɔ bɔ ni Yehowa Odasefoi etsu gbɛfaŋnɔ ko ni he hiaa waa yɛ Biblia lɛ ni ámɛfee yɛ wiemɔi babaoo mli lɛ mli.—Kwɛmɔ October 15, 1997 Buu-Mɔɔ lɛ baafai 11-12.
20 min: “Kã He Oshiɛ!” Wiemɔ kɛ sane ni abaabibii mɛi. Mɛi komɛi kɛ Yehowa gbɛjianɔtoo lɛ ebɔ ni amɛfĩ shi aahu yɛ shiɛmɔ nitsumɔ lɛ mli amɛwala gbii abɔ fɛɛ. Amɛkɛ jwɛŋmɔ kpakpa ená miishɛɛ yɛ enɛ feemɔ mli. (Kwɛmɔ Nilee wolo lɛ baafa 179, kuku 20, kɛ May 1, 1992 Buu-Mɔɔ lɛ baafai 21-22, kukuji 14-15.) Fɔ̃ɔ nine otsɛ́ shiɛlɔ ko ni kɛ ehe ewo shiɛmɔ nitsumɔ lɛ mli nyɔji fɛɛ afii babaoo koni etsɔɔ yiŋtoi ahewɔ ni efĩ shi aahu yɛ shiɛmɔ nitsumɔ lɛ mli lɛ.
15 min: Te Manyɛ Mafee Tɛŋŋ Makudɔ Mi TV Kwɛmɔ Sui Lɛ? Onukpa ko kɛ nyɛmi nuu fioo ko ni kɛ ŋmɛlɛtswai babaoo kwɛɔ TV daa gbi lɛ agba sane. Klɛŋklɛŋ lɛ, nyɛmi nuu lɛ ma nɔ mi akɛ naagba ko kwraa bɛ he. Ekɛɛ akɛ eji hiɛtserɛjiemɔ nifeemɔ ko kɛkɛ, ni yɛ no hewɔ lɛ, enáaa enɔ hewalɛ yɛ gbɛ fɔŋ nɔ. Onukpa lɛ tĩ saji otii ni yɔɔ Young People Ask wolo lɛ yitso 36 lɛ mli etsɔɔ lɛ. Etsɔɔ mli akɛ, TV kwɛmɔ babaoo tsɔ̃ lɛ fiteɔ be ni he hiaa ni kulɛ abaanyɛ akɛfee teemɔŋ nikasemɔ, ni aya shiɛmɔ, loo ni atsu asafoŋ hiamɔ nii ahe nii lɛ. Nyɛmi nuu fioo lɛ tsɔɔ bɔ ni ehiɛ esɔ ŋaawoo lɛ ni ekɛɛ akɛ ebaatsake e-TV kwɛmɔ sui lɛ koni ená nibii ahe sɛɛ yɛ mumɔŋ.
Lala 175 kɛ naagbee sɔlemɔ.
Otsi ni Jeɔ Shishi December 4
Lala 153
5 min: Asafoŋ adafitswai.
15 min: Okɛ Reasoning Wolo lɛ Atsu Nii Jogbaŋŋ. Akɛ sanebimɔ kɛ hetoo asusu baafai 7-8 lɛ ahe. Tsɔɔmɔ bɔ ni ato wolo lɛ he gbɛjianɔ koni eye ebua wɔ koni wɔsaa wɔhe ni wɔkɛ wɔhe awo shiɛmɔ nitsumɔ lɛ mli jogbaŋŋ kɛmɔ shi. Tsɔɔmɔ bɔ ni abaanyɛ akɛ wolo lɛ atsu nii kɛye odase yɛ tɛlifoŋ nɔ. Ha afee nɔkwɛmɔnɔ ni tsɔɔ bɔ ni abaafee aná saji ni yeɔ ebuaa ni akɛaaha sanebimɔ ko hetoo. Wo mɛi fɛɛ hewalɛ koni amɛle wolo nɛɛ mli saji jogbaŋŋ, ní amɛkɛwo amɛ odaseyeli baagi pɛmpɛoo loo baagi mli, ní amɛkɛtsu nii daa yɛ shiɛmɔ nitsumɔ lɛ mli.
10 min: Niiashikpamɔi ni Aná yɛ Maŋtsɛyeli Sanekpakpa No. 36 lɛ Jaa Mli. Bɔɔ omanye ni aye yɛ shikpɔŋkuku lɛ mli nii ni atsu agbe naa lɛ he lɛ he amaniɛ. Ani mɔ ko yɛ asafo lɛ mli ni enɛ ji klɛŋklɛŋ kwraa ni ekɛ ehe wo shiɛmɔ nitsumɔ lɛ mli? Gbaa miishɛɛ saji ni shiatsɛmɛi wie. Ani shiɛlɔi komɛi nyɛ amɛje Biblia mli nikasemɔi ashishi? Kɛ nakai ni lɛ, ha amɛtsɔɔ loo amɛgba bɔ ni amɛfee lɛ amɛha. Kaimɔ mɛi fɛɛ ni amɛfee sɛɛsaramɔi ni amɛkɛtée miishɛɛ ni amɛná lɛ shi.
15 min: “Wiemɔ ni Awie yɛ Be ni Sa Mli.” Toibolɔi kɛ sanegbaa kɛ nɔkwɛmɔnii. Mɛi babaoo susuɔ akɛ amɛhe esako yɛ sanegbaai ashishijee mli, ni amɛsusuɔ yɛ gbɛ ni ejaaa nɔ akɛ hesaa krɛdɛɛ ko he miihia amɛ dani amɛwo yibii. Tsɔɔmɔ bɔ ni wɔ fɛɛ, ní shiɛlɔi heei kɛ shiɛlɔi ni darako fata he lɛ baanyɛ aje sanegbaai ashishi kɛ amɛmia amɛhiɛ fioo kɛkɛ. Tĩi shiɛmɔ wiemɔi ni akɛha lɛ mli, ní oma bɔ ni amɛyɔɔ kuku amɛhaa lɛ nɔ mi, ní oha shiɛlɔi enyɔ loo etɛ afee he nɔkwɛmɔnii. Bɔni afee ni oná shiɛmɔ wiemɔi krokomɛi ni abaanyɛ akɛtsu nii lɛ, kwɛmɔ March 1998 Wɔ Maŋtsɛyeli Sɔɔmɔ lɛ baafa 8. Wo mɛi fɛɛ hewalɛ koni amɛhiɛ jwɛŋmɔ ni ja bɔni afee ni amɛná miishɛɛ babaoo yɛ amɛshiɛmɔ nitsumɔ lɛ mli.
Lala 218 kɛ naagbee sɔlemɔ.