Sɔɔmɔ Kpee He Gbɛjianɔtoo
Otsi ni Jeɔ Shishi April 10
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ohiɛ akakpa maŋshiɛmɔ krɛdɛɛ ni abaaha yɛ April 16 lɛ nɔ, eyitso ji “Nɔ Hewɔ ni Kpɔmɔnɔ He Hiaa Adesai.” Wó mɛi fɛɛ hewalɛ koni amɛnyiɛ Kaimɔ Biblia kanemɔ ni ato he gbɛjianɔ lɛ sɛɛ kɛha April 14-19 taakɛ atsɔɔ yɛ Ŋmalɛi lɛ Amli ni Wɔɔkwɛ Daa—2000 lɛ mli lɛ. Tĩi “Kaimɔ lɛ Yeli He Kaimɔi” ni yɔɔ nɔ ni aŋma ahɔ mli lɛ baafa 4 lɛ mli.
15 min: “Ani Oohere Kristo Suɔmɔ lɛ Nɔ?” Okɛ nɔ ni shɛɛɛ miniti kome akpa hiɛ, ni okɛ sanebimɔ kɛ hetoo anyiɛ sɛɛ. Okɛ saji ahe susumɔ ni yɔɔ May 1, 1998 Buu-Mɔɔ lɛ baafai 16-17, kukuji 12-13 lɛ afata he. Wó mɔ fɛɛ mɔ hewalɛ koni ebɔ mɔdɛŋ waa ni efɔ̃ mɛi anine kɛba Kaimɔ lɛ shishi.
20 min: “April—Be ni Esa akɛ Wɔhiɛ Adɔ yɛ Nitsumɔi Kpakpai Ahe!” Sanebimɔi kɛ hetooi. Nɔ ni wɔsumɔɔ ni wɔtsu he nii yɛ April lɛ he sanegbaa ni ekãawoo yɔɔ mli. Okɛ naagbee minitii etɛ loo ejwɛ atĩ “Ekãafeemɔ ni Woɔ Mɛi Pii Hewalɛ” lɛ mli.
Lala 199 kɛ naagbee sɔlemɔ.
Otsi ni Jeɔ Shishi April 17
13 min: Asafoŋ adafitswai. Shika he akɔntaabuu. Otsii anaagbeei enyɔ pɛ eshwɛ yɛ April mli, no hewɔ lɛ wó mɔ fɛɛ mɔ hewalɛ ni ekɛ ehe awo shiɛmɔ nitsumɔ lɛ mli dani nyɔŋ lɛ agbo. Ha akɛ woji tɛtrɛbii heei lɛ afee shiɛmɔ wiemɔ he nɔkwɛmɔnɔ kuku. Akɛni eeenyɛ eba akɛ wɔɔkɛɛ mɛi ni sumɔɔ ni amɛkɛ amɛhe awo amɛ Easter kusumii amli lɛ nɔ ko hewɔ lɛ, tĩi nɔ ni atsɔɔ yɛ Reasoning wolo lɛ baafai 179-180 lɛ mli.
16 min: “Ani Oyɛ He-kɛ-Afɔleshaa Mumɔ Lɛ?” Sanebimɔi kɛ hetooi. Ehe miihia ni wɔtsɔɔ nɔ ni wɔbaafee kɛtsɔ hiɛ, ni wɔkɛ nibii ni he hiaa aye klɛŋklɛŋ gbɛhe. Ebiɔ ni afee nii kɛtsɔ hiɛ kɛ henɔyeli koni aya nɔ afee nɔ ni he baaba sɛɛnamɔ aha wɔ yɛ mumɔŋ. Tsɔɔmɔ nɔ ni wɔbaanyɛ wɔkase kɛjɛ Yesu nɔkwɛmɔnɔ lɛ mli.—Kwɛmɔ Insight, Kpo 2, baafa 68, kukuji 3-5.
16 min: Okɛ Woji Tɛtrɛbii lɛ Aha yɛ He ni Amɛhe Baaba Sɛɛnamɔ Fe Fɛɛ Yɛ. Wiemɔ kɛ toibolɔi ni akɛaagba sane. Tĩi gbɛtsɔɔmɔi ni akɛha yɛ January 8, 1995 Awake! lɛ baafai 22-24 lɛ mli. Tsɔɔmɔ nɔ hewɔ ni ehi akɛ aaatao gbɔmɛi ni titri lɛ amɛbaasumɔ ni amɛkane saneyitsei krɛdɛɛi komɛi ni jeɔ kpo yɛ woji tɛtrɛbii lɛ amli lɛ. Asusu ekrokomɛi ni etsɔ hiɛ momo lɛ amli nɔkwɛmɔnii lɛ ahe, kɛ nyɛ shikpɔŋkuku lɛ mli aŋkroaŋkroi, nitsumɔi, loo nitsumɔhei pɔtɛɛ ni nya saji lɛ ahe lɛ he. Ha toibolɔi agba niiashikpamɔi ni tsɔɔ bɔ ni amɛwo yibii kpakpai beni amɛkɛ gbɛ ni tamɔ nɛkɛ tsu nii.
Lala 71 kɛ naagbee sɔlemɔ.
Otsi ni Jeɔ Shishi April 24
10 min: Asafoŋ adafitswai. Tsɔɔmɔ mɛi ni ba asafo lɛ Kaimɔ lɛ shishi lɛ ayibɔ. Ha toibolɔi atsɔɔ saji ni mɛi ni enɛ ji klɛŋklɛŋ kwraa ni amɛba lɛ wie.
17 min: Ye Obua Mɛi Heei lɛ Koni Amɛba Kpee. Wiemɔ ni damɔ Nilee wolo lɛ baafai 162-163 lɛ kukuji 5-8 lɛ nɔ. Kɛ mɛi heei lɛ kase nii kɛyashɛ he ko lɛ, ehe miihia ni amɛbɔi kpeeibaa. Ní oooha amɛba lɛ baanyɛ afee kaa. Mɛni obaanyɛ ofee ni okɛwo amɛ hewalɛ? Esa akɛ mɛi ni kwɛɔ nikasemɔi anɔ lɛ atao be ni amɛkɛ mɛi ni amɛkɛ amɛ kaseɔ nii lɛ atĩ sane nɛɛ ni yɔɔ Nilee wolo lɛ mli lɛ mli koni agbɛnɛ amɛto gbɛjianɔ jogbaŋŋ ni amɛye amɛbua amɛ koni amɛbafata wɔhe yɛ anɔkwa jamɔ mli.
18 min: “Ani Oji Mɔ ni Jajeɔ Maŋtsɛyeli lɛ He Sane lɛ Daa?” Wiemɔ kɛ toibolɔi ni akɛaagba sane ni woloŋmalɔ lɛ baakwɛ nɔ. Tsɔɔmɔ nɔ hewɔ ni wɔkɛ wɔshiɛmɔ nitsumɔ lɛ he akɔntaabuu haa lɛ mli. (Kwɛmɔ Our Ministry wolo lɛ baafai 106-108.) Gbaa naagbai komɛi ni teɔ shi kɛ́ wɔkɛ wɔ nitsumɔ lɛ he akɔntaabuu haaa mra lɛ he sane. Ha shiɛlɔi agba nɔ ni amɛfeɔ koni amɛkwɛ ni amɛkɛ amɛ nitsumɔ lɛ he akɔntaabuu aha mra lɛ. Tsɔɔmɔ bɔ ni Asafo Woloŋ Nikasemɔ nɔkwɛlɔi baanyɛ aye abua. Eshwɛ otsi naagbee kome pɛ yɛ April mli, no hewɔ lɛ, maa bɔ ni ehe hiaa ni mɔ fɛɛ mɔ kɛ ehe awo shiɛmɔ nitsumɔ lɛ mli ni ekɛ nitsumɔ lɛ he akɔntaabuu aha mra kɛ́ nyɔŋ lɛ gbo pɛ lɛ nɔ mi.
Lala 200 kɛ naagbee sɔlemɔ.
Otsi ni Jeɔ Shishi May 1
Lala 213
12 min: Asafoŋ adafitswai. Kaimɔ mɛi fɛɛ koni amɛkɛ April shiɛmɔ nitsumɔ he akɔntaabuu lɛ aha. Asafo Woloŋ Nikasemɔ nɔkwɛlɔi ana mɔ fɛɛ mɔ ni yɔɔ amɛkuu lɛ mli lɛ koni anyɛ abua nitsumɔ lɛ he akɔntaabui lɛ fɛɛ naa dani May 6 aho. Tĩi Sanebimɔ He lɛ mli, ní oha ekɔ nyɛ asafo lɛ he.
15 min: Asafoŋ hiamɔ nii.
18 min: “Kwɛmɔ Koni Oku Osɛɛ Oya Jɛmɛ Ekoŋŋ!” Toibolɔi ni akɛaagba sane. Asusu yiŋtoi ahewɔ ni ekolɛ wɔnyɛŋ wɔfee sɛɛsaramɔi lɛ ahe. Tsɔɔmɔ nɔ hewɔ ni saji fioo ni ja ni aaaŋma kɛ suɔmɔ ni ayɔɔ akɛ aaaku sɛɛ aya lɛ he hiaa. Wó hewalɛ koni ato be ama shi otsi fɛɛ otsi ni akɛfee sɛɛsaramɔi. Tĩi nɔ ni atsɔɔ yɛ Our Ministry wolo lɛ baafai 88-89 lɛ mli. Gbaa niiashikpamɔ ni abɔ he amaniɛ yɛ afi 1995 Yearbook lɛ baafa 45 lɛ mli lɛ.—1 Kor. 3:6, 7.
Lala 68 kɛ naagbee sɔlemɔ.