Sɔɔmɔ Kpee Kɛha July
Otsi ni Jeɔ Shishi July 6
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ March shiɛmɔyaa he akɔntaabuu kɛha maŋ lɛ (Kadimɔ shiɛlɔi ayifalɛ ni fe fɛɛ) kɛ nyɛ asafo lɛ he. Teokrase lɛ He Saji.
15 min: “Kwɛ Bɔ ni Ehi akɛ Wɔɔya Daa Gbi!” Sanebimɔi kɛ hetooi. Okɛ saji ni yɔɔ June 8, 1988, Awake!, baafai 19-21 lɛ afata he, koni okɛwo obalahii kɛ obalayei lɛ hewalɛ ni amɛya kpeei daa.
20 min: “Ehe Miihia ni Wɔnanemɛi Anu Sanekpakpa Lɛ.” Too gbɛjianɔ ni shiɛlɔi enyɔ loo etɛ ni he esa atĩ gbɛtsɔɔmɔi kɛha woji bibii fioo ni asafo lɛ yɔɔ eko kɛhamɔ lɛ mli. Tsɔɔmɔ nɔ hewɔ ni ebaanyɛ efee nɔ ni hi jogbaŋŋ kɛha nyɛ shikpɔŋkuku lɛ. Maa oti ni ma hiɛ akɛ aaaje Biblia mli nikasemɔ shishi yɛ Taoɔ wolo bibioo lɛ mli loo yɛ Nilee wolo lɛ mli lɛ nɔ mi. Feemɔ klɛŋklɛŋ shiɛmɔ wiemɔ ni sɛɛsaramɔ nyiɛ sɛɛ kɛ nikasemɔfeemɔ he nɔkwɛmɔnɔ.
Lala 73 kɛ naagbee sɔlemɔ.
Otsi ni Jeɔ Shishi July 13
10 min: Asafoŋ adafitswai. Shika he akɔntaabuu. Wo mɛi fɛɛ hewalɛ koni amɛkɛ hiɛdɔɔ asusu gbɛgbalɔi awalɔ ni amɛkɛ amɛhe aaawo mli yɛ August mli lɛ he, be mli ni otsii anaagbee enumɔ sɔŋŋ yɔɔ mli lɛ.
15 min: Asafoŋ hiamɔ nii.
20 min: Ani Je lɛ Mumɔ lɛ Kɛ Ebɔɔ Miigbe Bo? Wiemɔ ni damɔ October 1, 1997, Buu-Mɔɔ lɛ baafai 25-29 lɛ nɔ ni onukpa ko baaha.
Lala 182 kɛ naagbee sɔlemɔ.
Otsi ni Jeɔ Shishi July 20
8 min: Asafoŋ adafitswai. Tĩi sane ni yɔɔ akrabatsa ni yitso ji “Akpei Nyɔŋmai Enumɔ kɛ Kpaanyɔ!” lɛ mli.
12 min: “Saramɔ Ni Baanyɛ Afee Jɔɔmɔ.” Sanegbaa ni baakã onukpai enyɔ teŋ. Tsɔɔmɔ yiŋtoi ni yɔɔ onukpai asaramɔ nitsumɔ ni atĩ mli yɛ September 15, 1993, Buu-Mɔɔ baafai 20-23 lɛ mli lɛ mli. Okɛ miishɛɛ awo asafo lɛ hewalɛ koni amɛkwɛ onukpai asaramɔ lɛ gbɛ.
25 min: “Gbɛgbamɔ Nitsumɔ Lɛ—Ani Obaanyɛ Otsu?” (Kukuji 1-14) Shiɛmɔ nitsumɔ nɔkwɛlɔ lɛ kɛ hiɛkpamɔ wiemɔ kuku aha, ni ekɛwo mɛi fɛɛ hewalɛ koni amɛkɛ hiɛdɔɔ asusu daa gbɛgbamɔ nitsumɔ lɛ he. Kɛkɛ lɛ egba saji ni yɔɔ sanebimɔ 1 lɛ mli lɛ he sane, ni ekɛ saji ni yɔɔ afi 1998 Yearbook lɛ baafai 104-105 ni ji “Enthusiastic Pioneer Spirit” (“Gbɛgbamɔ Mumɔ ni Ekãa Yɔɔ Mli”) lɛ afata he. Asafo lɛ mli bii enyɔ loo etɛ ni yɔɔ niiashikpamɔ yɛ gbɛgbamɔ nitsumɔ lɛ mli afata ehe yɛ kpoku lɛ nɔ koni amɛsusu sanebimɔ ni ji 2 lɛ he. Amɛtsɔɔ shihilɛ ni yɔɔ diɛŋtsɛ kɛ ŋaawoo ni anyɛɔ akɛtsuɔ nii ni tsɔɔ bɔ ni gbɛgbalɔi baanyɛ ahi shi ni amɛnine ashɛ amɛheloonaa nibii anɔ lɛ mli amɛtsɔɔ. No sɛɛ lɛ fɔlɔi enyɔ ayafata kuu lɛ he kɛsusu sanebimɔ ni ji 3 lɛ he. Amɛkɛ yiŋtoi kpakpai ha ni tsɔɔ nɔ hewɔ ni esa akɛ obalahii kɛ obalayei kɛ hiɛdɔɔ asusu nitsumɔ ni ji be-fɛɛ sɔɔmɔ lɛ he. Awo mɛi fɛɛ hewalɛ koni amɛba wɔsɛɛ otsi Sɔɔmɔ Kpee lɛ shishi, be mli ni abaasusu sanebimɔi ni eshwɛ lɛ he lɛ.
Lala 80 kɛ naagbee sɔlemɔ.
Otsi ni Jeɔ Shishi July 27
Lala 155
15 min: Asafoŋ adafitswai. Kaimɔ mɛi fɛɛ koni amɛkɛ amɛshiɛmɔ nitsumɔ he akɔntaabuu kɛha July aha. Tswaa shiɛmɔ he gbɛjianɔi ni ato kɛha klɛŋklɛŋ otsi naagbee ni yɔɔ August mli lɛ he adafi, ni owo mɛi fɛɛ hewalɛ koni amɛkɛ amɛhe awo mli. Tĩi “Kpee Asa He Hiamɔ Nii” lɛ mli.
30 min: “Gbɛgbamɔ Nitsumɔ Lɛ—Ani Obaanyɛ Otsu?” (Kukuji 15-25) Wiemɔ kɛ sanegbaa ni onukpa ko baatsu he nii. Too gbɛjianɔ kɛtsɔ hiɛ koni gbɛgbalɔi kɛ mɛi ni etsu gbɛgbamɔ nitsumɔ lɛ yɛ be ko ni eho lɛ mli agba saji ni jɛ amɛtsuiŋ lɛ kɛha sanebimɔi ni yɔɔ 4-5 lɛ hetoo. Amɛgba hiamɔ ni yɔɔ gbɛjianɔtoo kpakpa ni aaakpɛtɛ he lɛ he, ni amɛkɛ daa otsi mli shiɛmɔ he gbɛjianɔtoi ni anyɛɔ atsuɔ he nii ni etsu nii diɛŋtsɛ lɛ he nɔkwɛmɔnɔ aha. Onukpa lɛ mu naa kɛ wiemɔ ni kanyaa mɔ, ni haa sanebimɔ ni yɔɔ 6 lɛ hetoo. Sɔɔmɔ afi ni jeɔ shishi yɛ September 1 lɛ ji be kpakpa kɛha gbɛgbalɔi heei lɛ koni amɛkɛje be-fɛɛ sɔɔmɔ lɛ shishi. Abaanyɛ aná gbɛbimɔ woji lɛ eko kɛjɛ Asafoŋ Sɔɔmɔ Ajinafoi Akuu lɛ mli bii lɛ ateŋ mɔ fɛɛ mɔ dɛŋ.
Lala 51 kɛ naagbee sɔlemɔ.