Sɔɔmɔ Kpeei Kɛha June
Otsi ni Jeɔ Shishi June 3
12 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Agbɛnɛ hu “Kpee Krɛdɛɛ Gbi He Gbɛjianɔtoo Hee.” Atswa gbi ni akɛbaafee kpee ni baa lɛ he adafi, kɛ́ ana ale. Wo mɔ fɛɛ mɔ hewalɛ ni eya eko. Wiemɔ maŋ nɛɛŋ kɛ nyɛ asafo lɛŋ daa nyɔŋ nɔ shiɛmɔyaa he akɔntaabuu lɛ he. Wiemɔ Ghana shiɛlɔi ayifalɛ hee lɛ he ni ojie nyɛmimɛi ayi yɛ nitsumɔ ni amɛtsu waa lɛ hewɔ. Wo mɔ fɛɛ mɔ hewalɛ koni amɛkɛ shiɛmɔ nitsumɔ he akɔntaabuu aha mra yɛ daa nyɔŋ nɔ kɛha yifalɛ ni baa kɛtsaraa nɔ daa.
13 min: “Kasemɔ Amɛ Hemɔkɛyeli Lɛ.” Sanebimɔi kɛ hetooi. Atĩ hemɔkɛyeli he odaseyelii, ni agba he sane yɛ akrabatsa ni yɔɔ September 15, 1991 Buu-Mɔɔ lɛ baafa 13 lɛ mli lɛ mli. Akɛ shiɛlɔ kome loo mɛi enyɔ agba sane koni akɛle nɔ ni yeɔ ebuaa amɛ ni haa amɛkɛ afii pii yaa nɔ amɛkɛ amɛhe woɔ Maŋtsɛyeli nitsumɔ lɛ mli daa lɛ.
20 min: “Nilee ni Kɛ Mɔ Yaa Naanɔ Wala Mli lɛ ni Aaagbɛ Ashwã.” (Kukuji 1-3) Asusu kuku 1 lɛ he. (Akɛ January 15, 1996 Buu-Mɔɔ lɛ baafai 12-13, kukuji 11-12 lɛ mli saji afata he.) Tsɔɔmɔ mli akɛ, ato Wɔ Maŋtsɛyeli Sɔɔmɔ lɛ sɛɛgbɛ lɛ he gbɛjianɔ ehee bɔni afee ni eye ebua wɔ ni wɔsaa wɔhe jogbaŋŋ kɛha sɛɛsaramɔi ni wɔɔfee. Akɛni bei pii lɛ nilee yɛ mli akɛ aaafee sɛɛsaramɔ lɛ gbi kome loo gbii enyɔ sɛɛ, yɛ nɔ najiaŋ ni aaamɛ be kakadaŋŋ hewɔ lɛ, wɔbaasusu shia-kɛ-shia kɛ sɛɛsaramɔ he shiɛmɔ wiemɔi ni akɛha lɛ ahe yɛ Sɔɔmɔ Kpee kome too lɛ nɔŋŋ mli. Atĩ kukuji 2 kɛ 3 lɛ amli, koni no sɛɛ lɛ afee eko fɛɛ eko he nɔkwɛmɔ nɔ. Abaasusu sane lɛ mli shiɛmɔ wiemɔi ni eshwɛ lɛ ahe yɛ Sɔɔmɔ Kpeei enyɔ ni baanyiɛ sɛɛ lɛ mli.
Lala 143 kɛ naagbee sɔlemɔ.
Otsi ni Jeɔ Shishi June 10
5 min: Asafoŋ adafitswai. Shika he akɔntaabuu.
8 min: Gbekɛbii ni Atsɔseɔ Amɛ yɛ Shiɛmɔ Nitsumɔ Mli. Wiemɔ ni onukpa ko baatsu he nii. Esa akɛ wɔbii lɛ afata wɔhe kɛha shiɛmɔyaa yɛ bei babaoo mli beni amɛdarako kwraa. Tsɔsemɔ kɛ niiashikpamɔ ni amɛnine shɛɔ nɔ lɛ baaha amɛna shishitoo ni wa jogbaŋŋ kɛha amɛ hemɔkɛyeli lɛ, kɛ ekãa ni amɛaafee yɛ afii ni baaba yɛ wɔsɛɛ be mli lɛ amli. Ehe miihia ni amɛle bɔ ni ehe hiaa akɛ amɛkɛ hiɛdɔɔ aaatsu shiɛmɔ nitsumɔ lɛ he nii, ni amɛba amɛjeŋ jogbaŋŋ. Esa akɛ gbekɛbii akwa hoofeemɔ; shiɛmɔ be lɛ jeee be kɛha shwɛmɔ. Ehi jogbaŋŋ akɛ amɛkɛ onukpai aaatsu nii. Esa akɛ aye abua amɛ ni amɛkɛ shiɛmɔ wiemɔi aha yɛ amɛ nyɛmɔi anaa. (Kwɛmɔ September 1, 1988 Buu-Mɔɔ lɛ baafa 24, kuku 20.) Eji fɔlɔi agbɛnaa nii akɛ amɛkwɛ amɛnɔ; esaaa akɛ amɛhaa gbekɛbii lɛ yaa kpeei kɛha shiɛmɔyaa lɛ ni onukpa ko fataaa amɛhe ni baakwɛ amɛnɔ. Jiemɔ gbekɛbii lɛ ayi kɛ́ amɛbɔ mɔdɛŋ.
10 min: “Nilee ni Kɛ Mɔ Yaa Naanɔ Wala Mli lɛ ni Aaagbɛ Ashwã.” (Kukuji 4-5) Beni awie he kuku sɛɛ lɛ, afee shiɛmɔ wiemɔi kɛha klɛŋklɛŋ saramɔ lɛ kɛ sɛɛsaramɔ ni akɛha yɛ kukuji 4 kɛ 5 lɛ he nɔkwɛmɔ nii. Awo shiɛlɔi ahewalɛ ni amɛdi Nilee woji fɛɛ ni amɛkɛha lɛ sɛɛ mra.
22 min: “1996 ‘Nyɔŋmɔ Toiŋjɔlɛ He Bɔfoi’ Yehowa Odasefoi a-Kpokpaa Wulu nɔ Kpee.” Sanebimɔ-kɛ-hetoo ni woloŋmalɔ lɛ baatsu he nii. Yɛ fã ni ji Ogbeekpamɔ He Miihia lɛ mli lɛ, maa nɔ mi akɛ Biblia shishitoo mlai ni ji anɔkwayeli, toiboo, mɛi krokomɛi ahesusumɔ yɛ suɔmɔ mli, kɛ ekrokomɛi lɛ yaa nɔ etsuɔ nii yɛ he fɛɛ he ni aaaha wɔ wɔɔ he yɛ lɛ. Tswaa Bolgatanga kpee lɛ yaa he miishɛɛ oma shi.
Lala 28 kɛ naagbee sɔlemɔ.
Otsi ni Jeɔ Shishi June 17
Lala 157
5 min: Asafoŋ adafitswai.
18 min: “Sanegbaai yɛ Naanyobɔɔ Mli Baanyɛ Ashɛ Tsui He.” Sanebimɔi kɛ hetooi. Fɔɔ nine otsɛ shiɛlɔ kome loo mɛi enyɔ ni amɛgba niiashikpamɔi ni woɔ mɔ hewalɛ ni tsɔɔ bɔ ni fee ni ahere amɛ nɔ jogbaŋŋ beni amɛjie naanyobɔɔ su kpo lɛ he saji.
22 min: “Nilee ni Kɛ Mɔ Yaa Naanɔ Wala Mli lɛ ni Aaagbɛ Ashwã.” (Kukuji 6-7) Maa otii ni ma hiɛ akɛ aaafee sɛɛsaramɔ lɛ nɔ mi: Jiemɔ miishɛɛ kpo otsɔɔ, jee nikasemɔ shishi, too gbɛjianɔ krɛdɛɛi koni oku osɛɛ oba. Beni atĩ kukuji 6 kɛ 7 lɛ mli shiɛmɔ wiemɔi lɛ amli sɛɛ lɛ, ha afee eko fɛɛ eko he nɔkwɛmɔ nɔ, ni atsɔɔ bɔ ni aaafee aje nikasemɔ shishi. Kanemɔ January 15, 1996 Buu-Mɔɔ lɛ baafa 14 lɛ kuku 17 lɛ.
Lala 211 kɛ naagbee sɔlemɔ.
Otsi ni Jeɔ Shishi June 24
10 min: Asafoŋ adafitswai. Atsɔɔ gbɛjianɔ sɔrɔtoi ni ato kɛha otsi lɛ shiɛmɔyaa lɛ mli.
15 min: Asafoŋ hiamɔ nii. (Aloo aha wiemɔ ni ji “Jaa Anɔkwale Wiemɔ lɛ Mli Pɛpɛɛpɛ” ni damɔ January 1, 1996 Buu-Mɔɔ lɛ baafai 29-31 lɛ nɔ.)
20 min: “Ye Obua Amɛ Koni Amɛsɔmɔ Ekoŋŋ.” Wiemɔ kɛ sanegbaa ni onukpa ko baatsu he nii. Wo ŋaa koni akɛ August 1, 1992 Buu-Mɔɔ lɛ mli sane ni ji “Nyɛkpalea Kɛbaa Miŋɔɔ, ni Makpale Kɛba Nyɛŋɔɔ” lɛ atsu nii, ni akɛwo mɛi ni ekpa shiɛmɔyaa lɛ ahewalɛ. Tsii emli saji otii lɛ ekomɛi atã otsɔɔ.
Lala 71 kɛ naagbee sɔlemɔ.