Sɔɔmɔ Kpeei Kɛha May
Otsi ni Jeɔ Shishi May 6
Lala 153
10 min: Asafoŋ adafitswai. Atĩ “Mɛɛ Gbɛjianɔ Oto Kɛha 1996 Gbɛhamɔ Be Lɛ?” mli.
15 min: “Okɛ Osusuma Fɛɛ Atsũ!” Sanebimɔi kɛ hetooi. Kɛ be yɛ lɛ, asusu “Otii ni Aaagba he Sane akɛ Weku,” ni yɔɔ October 15, 1981 Blɔfo Buu-Mɔɔ lɛ baafa 25 lɛ he.
20 min: “Okɛ Onaanyo Awie Anɔkwale.” Sanebimɔi kɛ hetooi. Atĩ shiɛmɔ wiemɔi ni akɛha lɛ mli. Wo mɛi heei lɛ hewalɛ ni amɛkɛ amɛhe awo woji tɛtrɛbii ajaa mli, yɛ be mli ni amɛkɛ shiɛmɔ wiemɔi kukuji tsuɔ nii koni amɛkɛje shishi. Afee nɔkwɛmɔ nii enyɔ ni tsɔɔ bɔ ni aaaha ashɛ woji tɛtrɛbii lɛ.
Lala 148 kɛ naagbee sɔlemɔ.
Otsi ni Jeɔ Shishi May 13
7 min: Asafoŋ adafitswai. Shika he akɔntaabuu.
18 min: “Wɔnáko Mumɔŋ Nibii Babaoo Tamɔ Nɛkɛ Pɛŋ!” Sanebimɔi kɛ hetooi. Aha shiɛlɔi enyɔ loo etɛ ni gbekɛ fata he atsɔɔ jɔɔmɔi ni amɛna lɛ ekomɛi. Tsɔɔmɔ bɔ ni hiɛsɔɔ ni fa lɛ tsirɛɔ wɔ, koni wɔkɛ wɔhe awo sɔɔmɔ krɔŋkrɔŋ lɛ mli kɛ ekãa, koni okɛgbe naa.
20 min: “Tsuijurɔ Naa Halɔ Nyɔŋmɔ Sumɔɔ.” Sanebimɔ-kɛ-hetoo ni akɛaasusu nɔ ni aŋma ahɔ mli lɛ kukuji 1-14 he. Kanemɔ kukuji 4, 5, 11-14.
Lala 12 kɛ naagbee sɔlemɔ.
Otsi ni Jeɔ Shishi May 20
10 min: Asafoŋ adafitswai. Atĩ shiɛmɔyaa he gbɛjianɔtoo kɛha otsi lɛ naagbee lɛ mli. Awo mɔ fɛɛ mɔ hewalɛ ni ekɛ ehe awo woji tɛtrɛbii ajaa mli.
15 min: “Yaa nɔ Owie Anɔkwale.” Maa bɔ ni ehe hiaa ni afee sɛɛsaramɔi lɛ nɔ mi, kɛ oti ni ma hiɛ akɛ akɛ Nilee wolo lɛ aaaje nikasemɔi ashishi. Afee nɔkwɛmɔ nii kukuji enyɔ.
20 min: “Tsuijurɔ Naa Halɔ Nyɔŋmɔ Sumɔɔ.” Sanebimɔ-kɛ-hetoo ni akɛaasusu nɔ ni aŋma ahɔ mli lɛ kukuji 15-24 lɛ he. Kanemɔ kukuji 15, 18, 20-24.
Lala 207 kɛ naagbee sɔlemɔ.
Otsi ni Jeɔ Shishi May 27
5 min: Asafoŋ adafitswai.
15 min: Nilee Ni Kɛ Mɔ Yaa Naanɔ Wala Mli lɛ Kɛhamɔ yɛ June. Sɔɔmɔ nɔkwɛlɔ atsɔ hiɛ agba nɔ hewɔ ni afee Nilee wolo lɛ he sane. No sɛɛ lɛ ekɛ shiɛlɔi enyɔ loo etɛ ni sa atĩ emli saji otii lɛ ekomɛi amli. Wolo lɛ kɛ wɔsɛɛ be, adesa piŋmɔ, Nyɔŋmɔ Maŋtsɛyeli, jeŋba kpakpa, weku shihilɛ, kɛ sɔlemɔ he sɛɛnamɔi ahe sanebimɔi ahe hetoo haa. Mɛi sɔrɔtoi enyɔ ni yɔɔ kuu lɛ mli lɛ afee gbɛ ni abaatsɔ nɔ koni anyɛ akɛtsu nii ni akɛje nikasemɔ shishi yɛ klɛŋklɛŋ saramɔ mli loo yɛ sɛɛsaramɔ mli lɛ he nɔkwɛmɔ nɔ. No sɛɛ lɛ, sɔɔmɔ nɔkwɛlɔ agba otii ni nyiɛ sɛɛ nɛɛ ahe sane. Ehe miihia ni akɛ be kuku afee Biblia mli nikasemɔi ni mɔɔ shi. Afee wolo nɛɛ yɛ nakai yiŋtoo lɛ hewɔ titri. Ekɛ anɔkwale lɛ haa tɛ̃ɛ yɛ gbɛ ni ja nɔ, ni otii kukuji lɛ ekɛhaa. Sanebimɔi ni yɔɔ kukuji lɛ eko fɛɛ eko mli, kɛ agbɛnɛ yɛ yitso fɛɛ yitso naagbee gbɛ lɛ, yeɔ ebuaa wɔ koni wɔkɛ wɔjwɛŋmɔ ama saji otii lɛ anɔ. Saji ni abiɔ mɛi hee ni ejɔɔ amɛhe nɔ ni sumɔɔ ni abaptisi amɛ lɛ ahetoo yɛ wolo lɛ mli. Wo mɔ fɛɛ mɔ hewalɛ koni akɛ oti ni ma hiɛ akɛ aaaje Biblia mli nikasemɔi ashishi yɛ June lɛ atsu nii.
10 min: Sanebimɔ He. Akane ni akɛ toibolɔi agba he sane.
15 min: “Ani Obɛ Dekã Kwraa?” Sanebimɔi kɛ hetooi. Kɛ be yɛ lɛ, akɛ saji ni jɛ June 8, 1990, Awake! baafai 14-16 mli lɛ afata he. Aha shiɛlɔ kome loo mɛi enyɔ agba nɔ ni amɛfee, koni amɛkɛ omanyeyeli atsu teokrase gbɛjianɔtoo ni dekã bɛ mli lɛ he nii lɛ he sane kuku.
Lala 155 kɛ naagbee sɔlemɔ.