Sɔɔmɔ Kpeei Kɛha November
Otsi ni Jeɔ Shishi November 6
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Teokrase Henaabuamɔi Amli Jɔɔmɔi Wuji ni Anáa.” Nikasemɔ lɛ he sanebimɔ-kɛ-hetoo. Wo mɛi fɛɛ hewalɛ koni amɛbɔ mɔdɛŋ jogbaŋŋ ni amɛya kpokpaa wulu nɔ kpee ni baa lɛ kɛ teokrase henaabuamɔi ni baaba lɛ koni amɛna jɔɔmɔi babaoo kɛjɛ Yehowa ŋɔɔ.
20 min: “Ŋmalɛ Fɛɛ Ŋmalɛ Hi Hã Nitsɔɔmɔ.” Gbaa New World Translation lɛ sui komɛi ahe sane, ni otsɔɔ nɔ hewɔ ni enɔ kwɔ fe ekrokomɛi lɛ. Tsɔɔmɔ sɛɛnamɔ ni yɔɔ he yɛ bɔ ni aŋma yɛ ŋmɛnɛŋmɛnɛ wiemɔ mli lɛ hewɔ. (Kwɛmɔ “All Scripture” wolo lɛ baafa 328, kukuji 4-6.) Ha afee nɔkwɛmɔ nii enyɔ.
Lala 2 kɛ naagbee sɔlemɔ.
Otsi ni Jeɔ Shishi November 13
10 min: Asafoŋ adafitswai. Shika akɔntaabuu. Tĩi gbɛjianɔ ni ato kɛha shiɛmɔ nitsumɔ yɛ otsi lɛ mli lɛ mli.
15 min: “Kpee ni Wɔɔya Daa—Ehe Miihia Kɛha Wɔ Shidaamɔ ni Yɔɔ Shiŋŋ.” Wiemɔ kɛ toibolɔi ni akɛaagba sane.
20 min: “Nyɛbaa Nyɛjeŋ Bɔ ni Sa Sanekpakpa Lɛ.” Sanebimɔi kɛ hetooi. Wiemɔ saji krokomɛi ni damɔ June 15, 1989 Blɔfo Buu-Mɔɔ lɛ baafai 16-17, kukuji 5-9 nɔ lɛ afata he.
Lala 23 kɛ naagbee sɔlemɔ.
Otsi ni Jeɔ Shishi November 20
5 min: Asafoŋ adafitswai.
20 min: “1995 ‘Miishɛɛ Yijielɔi’ Kpokpaa Wulu nɔ Kpee.” Sanebimɔ-kɛ-hetoo ni akɛaasusu kukuji 1-16 lɛ he.
20 min: “Ye Obua Mɛi Krokomɛi ni Amɛhiɛ Asɔ Sɛɛnamɔ ni Yɔɔ Biblia lɛ He.” Onukpa kɛ shiɛlɔi enyɔ loo etɛ baasusu nɔ hewɔ ni esa akɛ wɔfee sɛɛsaramɔi kɛ oti ni ma wɔhiɛ akɛ wɔɔje Biblia mli nikasemɔi ashishi lɛ he. Tĩi shiɛmɔ wiemɔ he ŋaawoi kɛha sɛɛsaramɔ lɛ mli ni oha afee he nɔkwɛmɔ nɔ, koni akɛka efeemɔ akwɛ.
Lala 8 kɛ naagbee sɔlemɔ.
Otsi ni Jeɔ Shishi November 27
5 min: Asafoŋ adafitswai.
10 min: “Nyɛjwɛŋa Nii ni Yɔɔ Ŋwɛi lɛ Anɔ.” Wiemɔ.
20 min: “1995 ‘Miishɛɛ Yijielɔi’ Kpokpaa Wulu nɔ Kpee.” Sanebimɔ-kɛ-hetoo ni akɛaasusu kukuji 17-28 lɛ he. Tĩi “Kpokpaa Wulu nɔ Kpee he Kaimɔi” lɛ mli. Kɛ be yɛ lɛ, atĩ saji ni kɔɔ he lɛ amli kɛjɛ “1995 Kpokpaa Wulu nɔ Kpee Shishi Nitsumɔ ni Aha Efee Mlɛo” lɛ ni je kpo yɛ July 1995 Maŋtsɛyeli Sɔɔmɔ lɛ mli lɛ.
10 min: “Kingdom Come” Wolo lɛ Kɛhamɔ Yɛ December. Atĩ wolo lɛ sui komɛi ni yɔɔ miishɛɛ lɛ mli—yitsei amli wiemɔi ni sa kadimɔ kɛ mfonirii ni yɔɔ fɛo ni yɔɔ baafai 4-5, 180-1 lɛ, ni otsɔɔ bɔ ni abaanyɛ akɛ enɛɛmɛi atsu nii kɛje sanegbaai ashishi. Ha shiɛlɔ ni he esa asaa shiɛmɔ wiemɔ kuku ni ekɛtsɔɔ nɔ ni Nyɔŋmɔ Maŋtsɛyeli lɛ baatsu yɛ shikpɔŋ nɔ lɛ mli. Wo mɛi fɛɛ hewalɛ ni amɛna eko kɛha nitsumɔ yɛ shiɛmɔ mli otsi nɛɛ naagbee.
Lala 99 kɛ naagbee sɔlemɔ.