Sɔɔmɔ Kpeei Kɛha April

Otsi ni Jeɔ Shishi March 29

Lala 105

10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Akai mɛi fɛɛ ni amɛfɔ mɛi ni yɔɔ wiemɔ lɛ he miishɛɛ kɛ Biblia kaselɔi hu nine kɛba Kaimɔ lɛ yeli shishi Ako ninefɔɔ woji ni akala le atsu nii jogbaŋŋ kɛmɔ shi. Awo shiɛlɔi le hewalɛ ni amɛŋmala be ni abaafee Kaimɔ lo kɛ he ni abaafee yɛ le adrɛs yɛ woji ni akɛfɔɔ mɛi anine lɛ nɔ fɛfɛo

10 min: “Yaa nɔ Okɛɛ Akɛ: ‘Ba!’” Sanebimɔ-kɛ-hetoo ni akɛaasusu he. Kɛ aasusu kuku 4 he lɛ, aha shiɛlɔ ni esaa ehe jogbaŋŋ ama otii fioo ni je Kpojiemɔ Naagbee wolo lɛ yitso 42, kuku 6-10, ni wieɔ Kpojiemɔ 21:4-6 he lɛ nɔ mi.

15 min: “Gbele ni kɛ Naanɔ Wala he Hiɛnɔkamɔ Haa lɛ he Gbijurɔyeli.” Wiemɔ ni onukpai asɛinɔtalɔ lɛ baaha. Akɛ akrabatsa ni ji “Be ni Asaa He Ahala Kaimɔ Lɛ” mli saji afata he.

10 min: “Mɛi Fɛɛ ni Yɔɔ Wiemɔ lɛ he Miishɛɛ lɛ ni Wɔɔye Wɔbua Amɛ.” Wiemɔ ni abaaha kɛ toibolɔi kɛ sanegbaa. Asusu ŋmalɛi ni atsɛ lɛ ahe kɛ be baaŋmɛ gbɛ. Ama bɔ ni ehe hiaa ni adi mɛi ni baa kpee klɛŋklɛŋ kwraa lɛ asɛɛ lɛ nɔ mi.

Lala 87 kɛ naagbee sɔlemɔ.

Otsi ni Jeɔ Shishi April 5

Lala 128

5 min: Asafoŋ adafitswai. Atsi gbɛgbalɔi awalɔi ni akpɛlɛ amɛnɔ momo kɛha April lɛ ayifalɛ tã. Awo mɛi ni toɔ gbɛjianɔ ni amɛfee gbɛgbalɔi yɛ nyɔŋ ni baa lɛ mli lɛ hewalɛ ni amɛkɛ amɛgbɛbimɔ woji aba.

20 min: “Ba ni Wɔtee Yehowa We Lɛ.” Sanebimɔ-kɛ-hetoo ni akɛaasusu nɔ ni aŋma ahɔ mli lɛ kukuji 1-8 he. Ati woji ni atsi ta yɛ kuku 7 mli lɛ amii saji otii amli kuku. Aha shiɛlɔ ni he esa afee bɔ ni afeɔ ayeɔ abuaa mɔ hee koni enu nɔ hewɔ ni ato wɔhe gbɛjianɔ awo asafoi amli lɛ shishi lɛ he nɔkwɛmɔ. (wGA87 5/1 p. 27, kkj. 6, 7) Ama wɔ kpee lɛ mli otii komɛi ni haa esoroɔ lɛ kwraa yɛ Kristendom jamɔ mli nifeemɔi ahe lɛ nɔ mi. Awo mɛi ni feɔ Biblia mli nikasemɔi lɛ hewalɛ ni amɛkɛ sanegbaa kuku ni baaye abua nikaselɔi lɛ koni, amɛna hiɛsɔɔ babaoo amɛha gbɛjianɔtoo lɛ, kɛ bɔ ni ehe hiaa hu ni amɛbafata he lɛ afata nikasemɔ lɛ he.

20 min: Wɔ Biblia Kaselɔi lɛ a-Yelikɛbuamɔ. Toibolɔi kɛ sanegbaa ni baama bɔ ni ehe hiaa ni akɛ yelikɛbuamɔ babaoo aha Biblia kaselɔi lɛ, fe nikasemɔ ni akɛ amɛ aaatee kɛkɛ lɛ nɔ mi. (1 Tes. 2:⁠8) Ŋɔɔ be kroko ofata he ni okɛkanya tsuiŋ henumɔ yɛ emli ni eba kpeei ni ekɛ ehe awo mli hu. Ha ena hiɛsɔɔ kɛha gbɛjianɔtoo lɛ kɛ majimaji ateŋ nyɛmifeemɔ lɛ hu kɛtsɔ kpokpaa nɔ kpeei, kpee gbi krɛdɛɛi kɛ kpokpaa wuji anɔ kpeei ni ooogbala mli otsɔɔ lɛ lɛ nɔ. Ekolɛ okɛ lɛ fɛɛ baanyɛ akwɛ Jehovah’s Witnesses​—The Organization Behind the Name kɛ Purple Triangles Videoi lɛ kutuu, koni oha nikaselɔ lɛ atsɔɔ nɔ ni ekase kɛjɛ fɛɛ mli. Yaa nɔ fiofio ni otsɔɔ lɛ bɔ ni eeefee ni ekɛ mɛi krokomɛi awie nibii ni ekaseɔ lɛ ahe trukaa Esa akɛ aye abua Biblia kaselɔi ni shɛɔ taomɔ nii ni atsɔɔ yɛ Our Ministry wolo lɛ baafai 98 kɛ 99 lɛ ahe, ni amɛmiisumɔ ni amɛkɛ amɛhe awo maŋ shiɛmɔ nitsumɔ lɛ mli lɛ koni amɛbatsɔmɔ shiɛlɔi ni abaptisiko amɛ. Ehe miihia ni ahe be beni afeɔ nikasemɔ lɛ kɛ agbɛnɛ yɛ sɛɛ mli hu ni akɛye abua nikaselɔi lɛ ni amɛna suɔmɔ kɛha henɔjɔɔmɔ kɛ baptisimɔ. Abaanya akɛ mfonirii loo woji tɛtrɛbii amli saji ni kɔɔ baptisimɔ he yɛ wɔkpeei ashishi lɛ atsɔɔ nikaselɔi lɛ. Nɔkwɛmɔ nɔ: Shiɛlɔ miiye miibua Biblia kaselɔ koni enyɛ eye trukaa odase Ehala otii kɛha shiɛmɔyaa kɛjɛ Obaanyɛ Ohi Kɛya Naanɔ wolo lɛ mli ni ekɛɛ “Ebaahi jogbaŋŋ akɛ okɛ owekumɛi kɛ okuuŋbii aaagba nɛkɛ oti nɛɛ he sane. Obaanyɛ okɛɛ amɛ akɛ okase nɔ ko kɛjɛ Biblia lɛ mli ni tsutsu ko lɛ oleee kwraa.” Awo shiɛlɔi hewalɛ ni amɛye amɛbua Biblia kaselɔi lɛ, ni amɛkɛ suɔmɔ asusu amɛhe yɛ baptisimɔ sɛɛ po.

Lala 123 kɛ naagbee sɔlemɔ

Otsi ni Jeɔ Shishi April 12

Lala 9

10 min: Asafoŋ adafitswai Agbala jwɛŋmɔ kɛya woji heei kɛ woji krokomɛi ni yɔɔ lɛ nɔ. Atsi amɛteŋ eko fɛɛ eko ni nyɛ asafo lɛ baanya he waa lɛ tã. Otii ni jɛ Teokrase lɛ He Saji amli, ni miihia bɔ ni Yehowa jɔɔmɔi ehi etsuji anɔ yɛ shikpɔŋ lɛ nɔ hei sɔrɔtoi fɛɛ lɛ nɔ mi. Abaanyɛ akɛ nyɛ asafo lɛ mli niiashikpamɔi afata he kɛji ehi.

15 min: “Feemɔ Tswaa yɛ Osɔɔmɔ Nitsumɔ lɛ Mli.” Wiemɔ, kɛ toibolɔi kɛ sanegbaa fioo. Kɛ aasusu kukuji 3-5 he lɛ, akɛ nɔkwɛmɔ nii kukuji enyɔ afata he. Kɛji aafee oti ni yɔɔ kukuji 4 kɛ 5 mli lɛ he nɔkwɛmɔ nɔ lɛ, atsɔɔ bɔ ni shiɛlɔ ni eda kɛ gbekɛ baanya atsu nii kutuu yɛ shia-kɛ-shia nitsumɔ lɛ mli taakɛ atsɔɔ mli yɛ sane lɛ mli lɛ. Ama bɔ ni ehe hiaa ni ana miishɛɛ yɛ sɔɔmɔ nitsumɔ lɛ mli, ni nɔ ni jɛɔ mli baa kɔɔɔ he eko lɛ nɔ mi.

20 min: “Ba ni Wɔtee Yehowa We Lɛ.” Sanebimɔ-kɛ-hetoo ni akɛaasusu nɔ ni aŋma ahɔ mli lɛ kukuji 9-14 he. Akɛ ŋaawoi ni akɛha yɛ kukuji 12 kɛ 13 lɛ atsu nii, ni aha shiɛlɔ ko afee gbɛ ni atsɔɔ nɔ akɛ mɔ ko ni miiya sɛɛsɛɛ wieɔ ahaa lɛ he nɔkwɛmɔ nɔ.

Lala 32 kɛ naagbee sɔlemɔ.

Otsi ni Jeɔ Shishi April 19

Lala 66

10 min: Asafoŋ adafitswai.Sanebimɔ He. Awo mɛi fɛɛ hewalɛ ni amɛto gbɛjianɔ kɛha sɔɔmɔ nitsumɔ lɛ mli gbɛfaŋnɔ babaoo namɔ yɛ May.

20 min: Mɛi ni Edara yɛ Afii Amli lɛ Akwɛmɔ. Sanegbaa kɛ sanebimɔi ni nyɛmimɛi hii enyɔ baatsu he nii. Wiemɔ ko ni aha kɛtsara nɔ Hɔgbaa leebi yɛ “La Hiɛlɔi” Kpokpaa Wulu nɔ kpee ni wɔfee nyɛsɛɛ nɛɛ ashishi lɛ yitso ji “Mɛi Krokomɛi Ahe ni Wɔɔsusu yɛ Kristofoi Ashia lɛ Mli.” Enaagbee fa ni ji “Kɛtsɔ Mɛi ni Edara yɛ Afii Amli lɛ Akwɛmɔ Nɔ” lɛ ma yelikɛbuamɔ ni he yɔɔ sɛɛnamɔ ni mɛi ni edara lɛ kɛhaa yɛ weku lɛ kɛ asafo lɛ mli lɛ nɔ mi. (Abɛi 16:31) Mɛɛ gbɛi anɔ wɔɔtsɔ wɔye wɔbua mɛi ni edara nɛɛ? Sɔ̃ lɛ ka weku lɛ nɔ klɛŋklɛŋ (1 Tim. 5:​3, 4, 8, 16) Tsuishitoo kɛ musuŋtsɔlɛ he miihia Bii kɛ nabii ni edara lɛ yɛ hegbɛ ni amɛkɛaajie hiɛsɔɔ kpo yɛ afii babaoo ni amɛfɔlɔi kɛ amɛnii kɛ amɛnaa kɛjie suɔmɔ kpo amɛtsɔɔ amɛ, kɛ agbɛnɛ nitsumɔ kɛ kwɛmɔ ni amɛkwɛ amɛ yɛ tsutsu lɛ he. (wGA87 9/1 14-19) Asafo lɛ hu baanyɛ aye abua mɛi ni edara lɛ. Ajie gbɔfeemɔ kpo kɛtsɔ nine ni aaafɔ amɛ kɛha niyeli kɛ henaabuamɔi lɛ nɔ. (Rom. 12:13) Aye abua amɛ yɛ shiɛmɔ nitsumɔ lɛ mli. Aha amɛ tsɔne kɛha asafoŋ kpeei kɛ kpeei wuji ayaa Aye abua amɛ kɛ jara nɔ yaa kɛ amɛshia kwramɔ hu. (wGA87 6/1 4-7) Ajie bulɛ kpo atsɔɔ mɛi ni edara lɛ be fɛɛ be. (1 Tim. 5:​1,2) Akɛ mɔ kome loo mɛi enyɔ ni edara yɛ afii amli ni amɛfeɔ nɔkwɛmɔ nɔ kpakpa agba sane. Ama bɔ ni amɛnaa mlihilɛ ni amɛwekui kɛ asafo lɛ jieɔ kpo etsɔɔ amɛ lɛ he sɛɛ lɛ nɔ mi.

15 min: Onukpa ko baabibii shiɛlɔi etɛ loo ejwɛ ni ji gbɛgbalɔi awalɔi aloo amɛfee eko pɛŋ lɛ saji. Mɛni tsirɛ amɛ ni amɛfee gbɛgbalɔi lɛ? Mɛɛ gbɛjianɔ amɛto kɛha wɔsɛɛ be ni ka amɛhiɛ kpaakpa lɛ? Mɛɛ gbɛ nɔ gbɛgbalɔi awalɔi asɔɔmɔ lɛ eye ebua amɛ diɛŋtsɛ? Awo mɛi fɛɛ ni eto gbɛjianɔ akɛ amɛbaafee gbɛgbalɔi awalɔi yɛ nyɔŋ ni baa lɛ mli lɛ hewalɛ ni amɛŋmala gbɛbimɔ woji amɛha oya.

Lala 172 kɛ naagbee sɔlemɔ.

Otsi ni Jeɔ Shishi April 26

Lala 72

8 min: Asafoŋ adafitswai, kɛ shika he akɔntaabuu kɛ shika ni akɛke ni akpɛlɛ nɔ lɛ he saji.

15 min: “Onukpai​—Nyɛkɛ Nitsumɔ Awoa Mɛi Adɛŋ!” Sanegbaa ni baaya nɔ yɛ kpoku lɛ nɔ yɛ onukpai asɛinɔtalɔ lɛ kɛ woloŋmalɔ lɛ teŋ, ni damɔ October 15, 1992 Buu-Mɔɔ lɛ baafa 20-23 nɔ. Amɛkpɛlɛɔ nɔ akɛ amɛmiito gbɛjianɔ ni amɛkɛ gbɛnaa nii ahe nitsumɔ awo nyɛmimɛi hii ni bɔɔ mɔdɛŋ lɛ adɛŋ wɔsɛɛ, shi shishashaomɔ fioo ko miigbala sɛɛ. Onukpai asɛinɔtalɔ lɛ baakai woloŋmalɔ lɛ ni eŋmala nyɛmimɛi hii nibɔɔ mɔdɛŋ lɛ agbɛi kɛha amɛhesusumɔ yɛ onukpai akpee ni baanyiɛ sɛɛ lɛ mli. Yɛ enaamuu mli lɛ, onukpai asɛinɔtalɔ lɛ baawo mɛi fɛɛ hewalɛ ni amɛkɛ amɛhe aha kɛha nitsumɔ fɛɛ nitsumɔ ni akɛaaha amɛ.

12 min: “Kwɛmɔ Jogbaŋŋ yɛ Hemɔkɛyeli Kwalɔi Ahe!” Wiemɔ ni damɔ April 15, 1991 Buu-Mɔɔ lɛ mli saji anɔ, yɛ baafa 31. Akɛ otii ni jɛ September 1, 1986 Buu-Mɔɔ lɛ baafai 10-13, ni hiɛ yitso bibioo akɛ “Okɛ Hemɔkɛyeli Kwalɔi Akana nɔ ko Feemɔ” lɛ afata he.

10 min: Buu-Mɔɔ lɛ kɛ nitsumɔ yɛ May mli. Ama otii pɔtɛɛ ni abaanyɛ akɛtsu nii kɛ emli saji ni abaanyɛ awie he yɛ nyɔŋ lɛ mli lɛ anɔ mi. Ha ohiɛ ahi ohe nɔ ni ogbala jwɛŋmɔ kɛba otii ni yɔɔ wolo tɛtrɛɛ lɛ mli lɛ anɔ be fɛɛ be.

Lala 114 kɛ naagbee sɔlemɔ.