Kpeei Ni Baawa Wɔ Kɛha Kaselɔi Afeemɔ
(KADIMƆ: Kui komɛi baanyɛ afee Sɔɔmɔ kpee lɛ yɛ minitii 45 mli. No hewɔ lɛ wɔkɛ gbɛjianɔtoo lɛ fɛɛ miiha. Shi, kɛ nyɛkuu lɛ baanyɛ afee yɛ minitii 30 pɛ mli lɛ, no lɛ kuu lɛ nɔkwɛlɔ lɛ ahala aloo etsake bei lɛ mli eha nɔ ni abaatsu he nii otsi fɛɛ otsi lɛ, ni atsɔ hiɛ akɛ enɛɛmɛi aha nyɛmimɛi lɛ. Wɔkɛ lala kɛha Sɔɔmɔ kpee gbɛjianɔtoo lɛ eha. Shi, kɛha kadimɔ kɛkɛ. Akala yɛ kpeei ashishi kɛji akɛ “naatsii” lɛ yɛ nɔ lolo.)
OTSI Nl JEƆ SHISHI JANUARY 8
10 min: Asafoŋ adafitswaa. Awie December woji tɛtrɛbii ni wieɔ gbijurɔyelii ahe lɛ he, kɛ eko yɛ. Atsi saji otii ni abaanyɛ akɛtsu nii yɛ shiɛmɔ mli lɛ ta. Awo hewalɛ ni akɛ he awo sɔɔmɔ lɛ mli yɛ otsi nɛɛ mli.
17 min: “Sanekpakpa lɛ Kɛhamɔ —Kɛha Obalaŋtai.” Sanebimɔ kɛ hetoo ni akɛaatsu enɛ he nii. Kɛ aasusu kuku 5 he lɛ, afee nɔkwɛmɔ nɔ ni tsɔɔ shiɛlɔ ni kɛ wolo lɛ miiha obalaŋta ko.
18 min: “Shiɛmɔ Sanekpakpa lɛ Daa.” Sanebimɔ kɛ hetoo ni akɛaatsu enɛ he nii. Akɛ klɛŋklɛŋ afii oha lɛ mli Kristofoi lɛ anɔkwɛmɔ nɔ atsu nii ni okɛwo asafo lɛ hewalɛ ni amɛya shiɛmɔ daa.
Lala 40 kɛ naagbee sɔlemɔ.
OTSI Nl JEƆ SHISHI JANUARY 15
10min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Akɛ shika akɔntaabuu kɛ yelikɛbuamɔ ni akɛmaje Asafo lɛ ni akpɛlɛ nɔ afata he.
10 min: “Obalaŋtai ni Aaaye Abua Amɛ ni Amɛjo Amanehulu Naa Foi.” Sanebimɔ kɛ hetoo ni akɛaatsu enɛ he nii. Akɛ miishɛɛ awo fɔlɔi ahewalɛ ni amɛkɛ wolo hee ni ji Young People Ask lɛ atsu nii akɛ nɔ ni weku lɛ baadamɔ nɔ amɛkase nii ni amɛtɛo jeŋba kɛ sui kpakpai amɛwo amɛbii amli.
15 min: Ani Blonya ji Gbijurɔyeli ni Damɔ Biblia lɛ Nɔ? Nyɛmimɛi enyɔ ni he esa baasusu sane nɛɛ he kɛjɛ Reasoning wolo lɛ mli, kɛjɛ baafai 176-8. Agbala jwɛŋmɔ kɛya saji kpakpai ni kɔɔ Blonya blema saji ahe ni yɔɔ December 8, 1989 Awake! lɛ mli lɛ nɔ. Atsɔɔ bɔ ni aaafee ni akɛ sane nɛɛ atsu nii ni akɛje trukaa odaseyeli shishi.
Lala 183 kɛ naagbee sɔlemɔ.
OTSI Nl JEƆ SHISHI JANUARY 22
Lala 151
10 min: Asafoŋ adafitswai kɛ Teokrase lɛ He Saji.
17 min: “Okɛ Woji Tɛtrɛbii Aha yɛ Hegbɛ Fɛɛ Hegbɛ ni Ooona Mli.” Sanebimɔ kɛ hetoo ni akɛaasusu enɛ he. Ama bɔ ni ehe hiaa akɛ hiɛ aaahi he nɔ koni akɛ woji tɛtrɛbii lɛ aha yɛ hegbɛ fɛɛ hegbɛ mli lɛ nɔ mi.
18 min: “Tsuishiŋmɛɛ yɛ Wala Hewɔ.” Wiemɔ ni onukpa ko kɛbaaha ni damɔ Organized to Accomplish Our Ministry wolo lɛ yitso 14 nɔ. Ama saji otii ni yɔɔ yitso bibioo “Enduring Various Trials” shishi yɛ baafa 167 lɛ nɔ mi.
Lala 53 kɛ naagbee sɔlemɔ.
OTSI Nl JEƆ SHISHI JANUARY 29
15 min: Asafoŋ adafitswai. Atsi wolo ni akɛbaaha yɛ February mli lɛ ta. Agbɛnɛ, Sɔɔlɔi ni Haa Sɛi loo Amɛkaneɔ Mɛi yɛ Asafoŋ kpeei Ashishi lɛ Anitsumɔ. (Sanebimɔ He lɛ hesusumɔ.) Atsɔɔ bɔ ni ehe hiaa akɛ mɛi fɛɛ ni yɔɔ asafo lɛ mli lɛ kɛ attendants lɛ aaakpa gbee lɛ mli.
15 min: Subaŋ Kpakpa ni Aaajie lɛ Kpo yɛ be Mli ni Ayɔɔ Maŋtsɛyeli Asa lɛ Nɔ. Wiemɔ ni damɔ June 15, 1989 Buu-Mɔɔ lɛ nɔ, yɛ baafai 16-17. Ama bɔ ni ehe hiaa akɛ (1) aaaba kpeei mra, (2) abo wiemɔi atoi jogbaŋŋ, (3) ana mɛi krokomɛi ahe miishɛɛ lɛ nɔ mi.
15 min: Nɔ ni he hiaa yɛ asafo lɛ mli aloo wiemɔ ni damɔ ‘Obaanyɛ Otsirɛ Gɔji!’ ni yɔɔ December 15, 1988 Watchtower lɛ mli yɛ baafai 25-7 lɛ nɔ.
Lala 18 kɛ naagbee sɔlemɔ.