Kpeei Ni Baawa Wɔ Kɛha Kaselɔi Afeemɔ
OTSI NI JEƆ SHISHI MARCH 6
8 min: Asafoŋ adafitswai. Akɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli afata he. Awo mɛi fɛɛ hewalɛ ni amɛkɛ amɛhe awo woji tɛtrɛbii ajaa lɛ mli yɛ Hɔɔ. Abaanyɛ agba woji tɛtrɛbii heei lɛ ekomɛi amli yitsei lɛ ahe sane.
20 min: “Suɔmɔ Kpo ni Wɔɔjie Wɔtsɔɔ Nyɔŋmɔ kɛ Wɔnaanyo.” Sanebimɔ-kɛ-hetoo ni akɛaatsu enɛ he nii. Akɛ nɔkwɛmɔ nɔ kuku ni tsɔɔ bɔ ni akɛ saneyitso ni sa ni jɛ woji memeji lɛ eko mli tsuɔ nii lɛ afata he.
17 min: “Kaimɔ lɛ Yeli Kɛha 1989.” Wiemɔ ni onukpai asɛinɔtalɔ lɛ baaha ni ebaagbala toibolɔi lɛ ewo mli. Abi asafo lɛ ni amɛgba bɔ ni amɛto ni amɛbaafɔ mɛi heei anine ni amɛye amɛbua amɛ ni amɛba Kaimɔ lɛ shishi. Akai asafo lɛ akɛ woji ni akɛfɔɔ nine akɛtsɛɔ mɛi kɛbaa Kaimɔ lɛ shishi lɛ eko yɛ.
Lala 37 kɛ naagbee sɔlemɔ.
OTSI NI JEƆ SHISHI MARCH 13
10 min: Asafoŋ adafitswai. Shika he amaniɛbɔɔ. Teokrase lɛ he Saji. Agbala jwɛŋmɔ kɛya sane ni ji “Nɔ ni Kadiɔ Wɔ Akɛ Yehowa Odasefoi” lɛ nɔ.
20 min: “Ani Obaanyɛ Ofee Gbɛgbalɔi Awalɔ yɛ April?” Sanebimɔ-kɛ-hetoo ni akɛbaatsu he nii. Akɛ ŋaawoi ni anyɛɔ atsuɔ he nii ni jɛ asafo lɛ mli bii ni kɛ amɛhe wo gbɛgbalɔi awamɔ sɔɔmɔ lɛ mli yɛ be mli ni amɛkwɛɔ amɛwekui aloo yɛ be mli ni amɛtsuɔ be fɛɛ nitsumɔ lɛ aŋɔɔ lɛ aha.
15 min: Ye Obua Obalaŋtai ni Amɛfa Amɛhemɔkɛyeli lɛ He. Akɛ nɔkwɛmɔ nii enyɔ ni asaa he jogbaŋŋ yɛ mli ni tsɔɔ Reasoning wolo lɛ he sɛɛnamɔ kɛ gbɛi ni abaanyɛ akɛtsu nii yɛ nɔ lɛ aha. Awie bɔ ni ehe hiaa ni asaa he ato kɛha naatsii kɛ bɔ ni abaaha sanebimɔi ni jɛ tsui krɔŋŋ mli lɛ ahetoo lɛ ahe kuku. (1) Aha obalaŋta ko ni feɔ nɔkwɛmɔ nɔ kpakpa afee be mli ni ekɛ etsɔɔlɔ gbaa saneyitso ni ji “What is the origin of Easter?” (Nɛgbɛ ji Easter shishijee he?) he sane lɛ he nɔkwɛmɔ. (bf. 179-80.) (2) Aha fɔlɔ ko kɛ ebi asusu yitso ni ji “What scriptures have always had a bearing on the attitude of true Christians toward ceremonies involving flags and national anthems?” (Mɛɛ ŋmalɛi kɔɔ su ni esa akɛ anɔkwale Kristofoi ajie lɛ kpo yɛ maŋ nifeemɔi ni kɔɔ aflaŋaa ŋamɔ kɛ maŋ lalai alamɔ he lɛ he?) lɛ he. (bf. 274-5) Ama bɔ ni ehe hiaa akɛ aaasa Yehowa hiɛ yɛ shihilɛ mli nibii fɛɛ mli ni ana henilee kpakpa hu lɛ nɔ mi.
Lala 192 kɛ naagbee sɔlemɔ.
OTSI NI JEƆ SHISHI MARCH 20
15 min: Asafoŋ adafitswai. Awo hewalɛ ni mɔ fɛɛ mɔ afi woji tɛtrɛbii lɛ kɛ odaseyeli yɛ Hɔɔ ni baa lɛ nɔ lɛ sɛɛ. Akɛ woji tɛtrɛbii lɛ kɛhamɔ kɛtsɔ Buu-Mɔɔ loo Awake! lɛ mli sane oti ko nɔ lɛ he nɔkwɛmɔ nɔ aha.
20 min: “Amɛgbee Jije Kɛtee Shikpɔŋ Muu lɛ Fɛɛ Nɔ.” Wiemɔ ni hewalɛ yɔɔ mli ni damɔ sane ni je kpo yɛ January 1, 1989, Buu-Mɔɔ lɛ mli yɛ baafai 3-7 lɛ nɔ. Atsɔɔ bɔ ni wɔnaa akɔntaabuu ni jɛ maji krokomɛi anɔ lɛ he sɛɛ lɛ mli.
15 min: Abibii mɛi ni miito amɛ gbɛjianɔ ni amɛkɛ amɛhe awo gbɛgbalɔi awamɔ sɔɔmɔ lɛ mli yɛ April lɛ saji. Mɛɛ gbɛ nɔ amɛtsɔ amɛto amɛbe he gbɛjianɔ? Abi nɔ hewɔ ni April nyɔŋ lɛ ji nyɔŋ ni hi jogbaŋŋ kɛha gbɛgbamɔ lɛ. Awo mɛi fɛɛ ni baanyɛ amɛkɛ amɛhe awo mli lɛ hewalɛ ni amɛŋmala gbɛbimɔ woji lɛ oya. Kɛ amɛbi gbɛ kɛha sɔɔmɔ nɛɛ yɛ be nɛɛ mli lɛ ebaaha amɛna be ni fa ni amɛkɛto gbɛjianɔ ni amɛfata mɛi krokomɛi ahe. Shiɛlɔi ni amɛshihilɛ eŋmɛɛɛ amɛ gbɛ ni amɛkɛ amɛhe awo gbɛgbamɔ lɛ mli lɛ baanyɛ amɛkɛ gbɛgbalɔi lɛ atsu nii bɔ ni amɛaanyɛ ni amɛha amɛ ŋmɛlɛtswai lɛ aya hiɛ yɛ nakai nyɔŋ lɛ nɔ Lala 44 kɛ naagbee sɔlemɔ.
OTSI NI JEƆ Shishi March 27
7 min: Asafoŋ adafitswai. Awo mɛi fɛɛ hewalɛ ni amɛhe Revelation Climax wolo lɛ bɔ ni fa ni amɛkɛ amɛhe awo shiɛmɔ nitsumɔ lɛ mli kɛha klɛŋklɛŋ Hɔgbaa kɛha April.
23 min: “Sanekpakpa lɛ Kɛhamɔ—Kɛ Wolo Hee ni Akɛhaa Lɛ.” Sanebimɔ-kɛ-hetoo ni akɛbaatsu enɛ he nii. Kɛ be baaŋmɛ gbɛ lɛ akane kukuji lɛ amli. Afee kuku 5 kɛ 6 he nɔkwɛmɔ nii. Aha shiɛlɔi ni esaa amɛhe jogbaŋŋ afee nɔkwɛmɔ nii ni mli ka shi ni yɔɔ kukuji hu.
15 min: Sanebimɔ He. Akɛ emli sane lɛ ato bɔ ni esaa asafo lɛ hiamɔ kɛ shihilɛ he lɛ he.
Lala 6 kɛ naagbee sɔlemɔ.