Kpeei Ni Baawa Wɔ Kɛha Kaselɔi Afeemɔ
OTSI Nl JEƆ SHISHI FEBRUARY 6
Lala 206
10 min: Asafoŋ adafitswai. Ama wolo ni akɛbaatsu nii yɛ February mli ni hiɛ baafai 192 ni akala dani 1980 shɛ lɛ eko fɛɛ eko nɔ mi kɛha ¢125. Akɛ woji memeji nɛɛ ni ayɔɔ yɛ asafo lɛ mli lɛ agbɛi aha. Asusu hiɛkpamɔ wiemɔi ni abaanyɛ akɛtsu nii kɛ Saneyitso Kɛha Sanegbaa hee lɛ he. (Kwɛmɔ Reasoning wolo lɛ, yitso bibioo ni ji “Kingdom” (Maŋtsɛyeli) , baafai 12-13.) Awo Hɔɔ ni ji enyɔ odaseyeli kɛ woji tɛtrɛbii lɛ ahe hewalɛ.
20 min: “Ani Otsɔɔ Hiɛnɔkamɔ ni Yɔɔ Omli lɛ Shishi?” Sanegbaa kɛ nɔkwɛmɔ nɔ. Kɛ aasusu kuku 5 he lɛ, ato gbɛjianɔ ni shiɛlɔ ni he esa afee nɔkwɛmɔ nɔ kuku ni miitsɔɔ Saneyitso Kɛha Sanegbaa lɛ mli naagbee ŋmalɛ lɛ kanemɔ kɛ wolo momo loo nɔ ni etsɛ loo ekroko kɛhamɔ.
15 min: Ni Aaasɔmɔ yɛ He ni Hiamɔ lɛ Da Yɛ. Nyɛmimɛi hii enyɔ baawie ‘Shi Oshikpɔŋ lɛ nɔ Kɛ Owekumɛi Ateŋ Kɛya’ ni yɔɔ August 15, 1988, Watchtower lɛ mli, yɛ baafai 21-3 lɛ he. Ama bɔ ni ehe hiaa akɛ aaatao ŋaawoo kɛaajɛ asafo lɛ mli onukpai aŋɔɔ, aŋma Asafo lɛ wolo, ni asusu nɔ fɛɛ nɔ he dani aya lɛ nɔ mi. (Kadimɔ Our Ministry wolo lɛ, baafai 112-13, kɛ May 1985 Wɔ Maŋtsɛyeli Sɔɔmɔ lɛ baafa 5, kukuji 7, 8)
Lala 119 kɛ naagbee sɔlemɔ.
OTSI Nl JEƆ SHISHI FEBRUARY 18
15 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Teokrase lɛ He Saji. Akɛ shika he amaniɛbɔɔ afata he. Atsi tooyeli ni asafo lɛ kɛmaje Asafo kɛha Maŋtsɛyeli nitsumɔ lɛ loo Asafo Maŋtsɛyeli Asa Tsumaa Shika taakɛ atsɔɔ yɛ January shika he akɔntaabuu wolo ni jɛ Asafo lɛ ŋɔɔ lɛ nɔ lɛ tã.
20 min: “Saamɔ Ohe Bianɛ Oha Nitsumɔ ni Fa Ni Ka Wɔhiɛ Lɛ.” Sanebimɔ-kɛ-hetoo ni akɛaatsu enɛ he nii. Awo hewalɛ ni akɛ otii amamɔ hiɛ ni wekui atsu nii kutuu ni amɛna sɔɔmɔ nitsumɔ lɛ mli gbɛfaŋnɔ ni yaa hiɛ yɛ March kɛ April mli.
15 min: “Sanekpakpa lɛ Kɛhamɔ—Kɛ Woji ni Amɛtsɛ Lɛ.” Sanebimɔ-kɛ-hetoo ni akɛaatsu enɛ he nii. Kɛ asusu kuku 6 he lɛ, ato gbɛjianɔ ni afee nɔkwɛmɔ nɔ kuku, ni tsɔɔ bɔ ni akɛ wolo lɛ haa.
Lala 21 kɛ naagbee sɔlemɔ.
OTSI Nl JEƆ SHISHI FEBRUARY 20
Lala 164
12 min: Asafoŋ adafitswai. Sanebimɔ He. Awo hewalɛ ni mɔ fɛɛ mɔ kɛ ehe awo sɔɔmɔ nitsumɔ lɛ mli yɛ nyɔŋ lɛ nɔ Hɔɔ ni ji ejwɛ lɛ nɔ.
18 min: “Obalaŋtai—Nyɛdia Nyɛkɛ Yehowa Teŋ Wekukpaa ni Mli Wa Sɛɛ.” Sanebimɔi kɛ hetoo. Akɛ sane lɛ afɔ obalaŋtai ni yɔɔ asafo lɛ mli lɛ ahiɛ, awo amɛ hewalɛ ni amɛya nɔ amɛshwere yɛ mumɔŋ.
15 min: Tsɔɔlɔ Kpele lɛ Toiboo. Wiemɔ kɛ sanebimɔi. Ama sɛɛnamɔ ni yɔɔ Tsɔɔlɔ Kpee wolo lɛ he lɛ nɔ mi. Agbɛnɛ amɔmɔ awo kpaa nɔ. Etsɛŋ ni cassette ejwɛ kɛ ehe wolo ni akɛwo album fɛfɛo mli lɛ baaba Ghana. Biblia mli saji 46 lɛ ŋɔɔ gbekɛbii anaa ni etsɔɔ amɛ Biblia mli Shishitoo mlai ni he hiaa. Nɛkɛ saji nɛɛ yeɔ buaa ni egbalaa gbekɛbii kɛbɛŋkɛɔ Yehowa, Yesu Kristo, kɛ Biblia lɛ he. Ati saji otii ni jɛ mɛi ni ŋma Tsɔɔlɔ Kpee wolo lɛ ŋɔɔ ni yɔɔ baafai 5-6 lɛ mli. Abibii obalaŋtai kɛ fɔlɔi saji, ni ama sɛɛnamɔi ni gbekɛbii lɛ anine eshɛ nɔ lɛ nɔ mi.
Lala 205 kɛ naagbee sɔlemɔ.
OTSI NI JEƆ SHISHI FEBRUARY 27
10 min: Asafoŋ adafitswai. Awo hewalɛ ni mɔ fɛɛ mɔ kɛ ehe awo sɔɔmɔ nitsumɔ lɛ mli yɛ nyɔŋ lɛ nɔ klɛŋklɛŋ Hɔgbaa lɛ nɔ. Atswa woji memeji ni yɔɔ ni abaanyɛ akɛha yɛ March mli lɛ he adafi. Kɛ woji memeji lɛ eta lɛ, abi asafo ni bɛŋkɛ lɛ loo aya nitsumɔ he nine lɛ ayatao eko. Kɛ enɛ ehiŋ feemɔ lɛ, akɛ woji ni hiɛ baafai 192 lɛ eko fɛɛ eko ni yɔɔ asafo lɛ mli lɛ atsu nii ni akɛhe ¢250. Kɛ be yɛ lɛ, aha shiɛlɔi lɛ agba niiashikpamɔi ni maa omanye ni amɛye yɛ woji memeji lɛ kɛhamɔ yɛ January mli lɛ nɔ mi.
15 min: ‘Mɛni Wɔɔŋɔ Wɔto Yehowa Najiaŋ?’ Wiemɔ ni miishɛɛ yɔɔ mli ni damɔ sane ni yɔɔ December 1, 1988, Watchtower lɛ mli lɛ nɔ, yɛ baafai 25-8.
20 min: 1989 Yearbook Mli Saji Otii. Wiemɔ ni asaa lɛ jogbaŋŋ ni damɔ 1989 Yearbook lɛ hiɛkpamɔ sane lɛ nɔ. Atsɔɔ nɔ ni ejɛ ekomefeemɔ mli ni wɔjɛ wɔkɛɛ gbɔmɛi ni yɔɔ he fɛɛ he lɛ akɛ “Ba!” lɛ mli eba lɛ mli. Jɔɔmɔi baa mɛi fɛɛ ni naa ninefɔɔ nɛɛ mli gbɛfaŋnɔ lɛ anɔ. Agbala jwɛŋmɔ kɛya nɔyaa ni ekaaa ni ba yɛ amaniɛbɔɔ ni kɔɔ jeŋ fɛɛ amaniɛbɔɔ lɛ he lɛ nɔ. Kɛ be yɛ lɛ, awie niiashikpamɔi ni akɛha lɛ ekomɛi ahe ni atsɔɔ bɔ ni enɛɛmɛi woɔ nyɛmimɛi lɛ hewalɛ ni ehe baa sɛɛnamɔ kɛhaa amɛ yɛ amɛ asafoi lɛ amli lɛ he.
Lala 18 kɛ naagbee sɔlemɔ.