“Yehowa Nitsumɔ Ni”

No ji sane ko ni aŋma yɛ EI Norte adafitswaa wolo ni jɛ Monterrey City, Mexico lɛ mli. Sane ni aŋma lɛ kɔɔ Yehowa Odasefoi a-Kpee Asa hee ko he.

Monterrey ji maŋtiase ko kɛ emli gbɔmɛi ni shɛɔ 2,300,000 (ní maji bibii ni ebɔle ehewɔ fata he) yɛ Mexico kooyigbɛ, ni eyɛ Maŋtsɛyeli shiɛlɔi 19,200. Aaafee afi kɛ fã nɛ ni Odasefoi kɛ ekomefeemɔ bɔ mɔdɛŋ ni amɛma Kpee Asa ni sa amɛ ni yɔɔ fɛo, kɛ emli sɛii 3,000 ni hejɔlɛ yɔɔ mli kɛ tsɔne ni haa tsu mli jɔɔ. Odasefoi ni yɔɔ jɛmɛ lɛ na miishɛɛ beni Yehowa Odasefoi a-Nɔyeli Kuu lɛ mlinyo hã nɔjɔɔmɔ wiemɔ lɛ. Nɔ ni fata nifeemɔ lɛ he ji Monterrey nitsumɔ lɛ he yinɔsane kuku ko, ni abibii mɛi ni na tsumaa lɛ mli gbɛfaŋnɔ lɛ saji. Kɛkɛ ni mɛi 4,500 ni ba kpee lɛ nya nɔjɔɔmɔ wiemɔ lɛ he.

Enɛ ji Kpee Asai ni amamɔɔ yɛ Mexico lɛ mli nɔ ni gbeɔ yi feɔ etɛ, ni atsɔɔ mli akɛ tafaa kɛha “Maŋtsɛyeli Asai kɛ Kpee Asai Babaoo, ni Dara ni Hi.”

Akɛni shiɛlɔi fe 443,000 yɔɔ Mexico, kɛ mɛi ayifalɛ ni ji 1,492,500 ni ba 1995 Kaimɔ lɛ shishi hewɔ lɛ, Kpee Asai heei, tamɔ nɔ ni yɔɔ Monterrey lɛ baatsu ŋwɛi yiŋtoo he nii diɛŋtsɛ.