Ani Okaiɔ?
Ani ona akɛ Buu-Mɔɔ lɛ ekomekomei ni ba nyɛsɛɛ nɛɛ lɛ ahe yɛ sɛɛnamɔ waa kɛha bo? Kɛ nakai ni lɛ, mɛni hewɔ ni okɛ sanebimɔi ni nyiɛ sɛɛ nɛɛ ekaaa ojwɛŋmɔ okwɛɛɛ:
▫ Kɛ susumɔi gbohii ba wɔjwɛŋmɔ mli trukaa Iɛ, mɛni esa akɛ wɔfee?
Esa ni wɔtsake sanegbaa lɛ yɛ wɔjwɛŋmɔ mli, wɔte shi wɔyashera shi, wɔkane woji komɛi, loo ni wɔtsu shia nitsumɔi komɛi. Sɔlemɔ ji yelikɛbuamɔ nɔ titri ko hu yɛ shihilɛ ni tamɔ nɛkɛ mli. (Lala 62:9)—4/15, baala 17.
▫ Mɛni hewɔ esa akɛ obalaŋtai akwɛ amɛhe nɔ jogbaŋŋ yɛ lalai ni amɛboɔ toi lɛ mli lɛ?
Lala nyɛɔ etsirɛɔ henumɔi, ehaa mɔ feɔ tamɔ nɔ ni ena miishɛɛ babaoo tsɔ, ni enaa mɔ nɔ hewalɛ. Akɛni lalai ni ehe gbɛi lɛ babaoo yɛ ni bɔlɛnamɔ he saji eyi mli obɔ kɛ ajwamaŋbɔɔ wiemɔi ni aha hiɛ hewɔ lɛ, belɛ ewaaa akɛ ooona akɛ esa ni akwɛ he nɔ jogbaŋŋ diɛŋtsɛ yɛ lalai ni amɔmɔɔ awoɔ kpaa loo tsɔnei anɔ lɛ ahe.—4/15, baafai 20-1.
▫ Te atsɔɔ tɛŋŋ, kɛ awie akɛ “beni wɔ-Nuŋtsɔ Yesu Kristo eba lɛ” Iɛ? (1 Tesalonikabii 5:23, NW)
Enɛ tsɔɔ ba ni Nuŋtsɔ Yesu Kristo eba akɛ Maŋtsɛ ni anaaa lɛ kɛjɛ afi 1914 kɛ no sɛɛ, kɛ maŋtsɛ ni awo lɛ yɛ ŋwɛi lɛ sɛɛ. (Lala 110: 1, 2)—5/1, baafa 11.
▫ Mɛni ji yiŋtoo ni atsu he nii, beni Yehowa tsuu emumɔŋ sɔlemɔwe lɛ he Iɛ? (Maleaki 3:1-4)
Yehowa miisumɔ ni esɔlemɔwe lɛ shihilɛ afee nɔ ni he tse, bɔni afee ni kɛ akɛ jalɔi babaoo ni hiɛ shikpɔŋ nɔ hiɛnɔkamɔ lɛ ba jɛmɛ lɛ, amɛna he ko ni akɛ bulɛ haa jeŋ muu fɛɛ nɔyelɔ ni eji lɛ yɛ jɛmɛ, ni atseɔ eŋwɛi gbɛi lɛ he, ni aboɔ ejalɛ mlai atoi yɛ.—5/1, baafa 16.
▫ Mɛni ji ‘nii’ ni Kristo Yesu kɛha etsulɔ ni ehala lɛ lɛ? (Mateo 24:45-47)
‘Nii’ nɛɛ damɔ shi kɛha mumɔŋ nibii fɛɛ ni yɔɔ shikpɔŋ nɔ ni ebatsɔ Kristo nibii ni kɔɔ ehegbɛ ni eyɔɔ akɛ ŋwɛi Maŋtsɛ lɛ he lɛ. Famɔ ni yɔɔ akɛ afee Kristo kaselɔi yɛ majimaji lɛ fɛɛ ateŋ lɛ fata he. (Mateo 28:19, 20)—5/1, baafa 17.
▫ Mɛɛ gbɛ Kristofoi onukpai lɛ tsɔɔ nɔ amɛjieɔ “suɔmɔ” yɛ nɔkwɛmɔ lɛ mli taakɛ Petro woɔ hewalɛ yɛ 1 Petro 5:2 Iɛ?
Kristofonyo onukpa ni kwɛɔ tooi lɛ anɔ lɛ baajɛ suɔmɔ mli etsu enɔkwɛmɔ nitsumɔ lɛ, yɛ lɛ diɛŋtsɛ ehewalɛ mli, yɛ Tookwɛlɔ Kpakpa, Yesu Kristo gbɛtsɔɔmɔ shishi. Ni aaajɛ suɔmɔ mli asɔmɔ lɛ hu tsɔɔ akɛ Kristofonyo nɔkwɛlɔ lɛ kɛ ehe haa Yehowa nɔkwɛmɔ ni ekɛ bulɛ haa teokrase gbɛjianɔtoo lɛ.—5, 15, baafa 20.
▫ Te Yesu tsɔɔ tɛŋŋ, beni ekɛɛ akɛ esa ni mɔ fɛɛ mɔ ni baanyiɛ esɛɛ lɛ ’akwa ehe’ Iɛ? (Mateo 16:24)
Ni ‘okwa ohe’ lɛ tsɔɔ akɛ ni oŋmɛɛ ohe nɔkwɛmɔ lɛ he oha Yehowa. (1 Korintobii 6:19, 20) Eetsɔɔ akɛ ohiii shi ohaaa bo diɛŋtsɛ ohe, shi moŋ kɛha Nyɔŋmɔ (Romabii 14:8) —6/1, baafa 9.
▫ Mɛni he hiaa ni mɔ ana miishɛɛ?
Ni ooona okɛ Yehowa teŋ wekukpaa mli ŋɔɔmɔ ni otsu babaoo yɛ esɔɔmɔ lɛ mli lɛ ji nɔ ni kɛ anɔkwa miishɛɛ baa mɔ shihilɛ mli.—6/1, baafa 22.
▫ Mɛni hewɔ ni Yehowa ha Abraham kɛ lɛ wie yɛ heyeli mli yɛ E-yiŋtoo ni kɔɔ Sodom hiɛkpatamɔ lɛ he lɛ? (1 Mose 18:22-32)
Yiŋtoo kome ji akɛ Abraham ji Nyɔŋmɔ shieŋtsɛ. (Yakobo 2:23) Agbɛnɛ hu, Yehowa le Abraham piŋmɔ henumɔi lɛ. Nyɔŋmɔ le akɛ Abraham wɔfase Lot yɛ Sodom ni akɛ Abraham miisusu Lot shweshweeshwe shihilɛ he waa. Yɛ enɛɛmɛi ahewɔ lɛ Yehowa miisumɔ ni eha Abraham sanebimɔi ni kɔɔ E-yiŋtoo yɛ Sodom hiɛkpatamɔ he lɛ hetoo.—6/15, baafa 16.
▫ Ani afii ohai 16 lɛ mli Protɛstant Jamɔ Tsakemɔ Nifeemɔ lɛ kadiɔ anɔkwa Kristojamɔ lɛ sɛɛkuu?
Dabi, ejeee nakai! Yɛ be mli ni esa akɛ ekɛ anɔkwa Kristojamɔ aba lɛ, famɔ Tsakemɔ Nifeemɔ lɛ kɛ majimaji loo akutseiaŋ sɔlemɔi babaoo ni na mɛi ahiɛ nyam yɛ maŋkwramɔŋ maji amli lɛ ba, ni amɛfi mɛnɛɛmɛi asɛɛ yɛ tawuu mli.—7/1, baafai 10-11.
▫ Mɛɛ nibii nɛkɛ ji ‘jwetri ni yɔɔ ŋwɛi’ ni Yesu wie he yɛ Mateo 6:20 lɛ?
Enɛɛmɛi ji jwetrii ni elaajeee, ni nɔ ni fata he ji wɔkɛ Nyɔŋmɔ teŋ gbɛi kpakpa ni wɔɔna kɛ agbɛnɛ Kristofoi anɔkwa sɔɔmɔ lɛ ni atsuɔ he nii lɛ. Enɛɛmɛi fata nibii ni Yehowa hiɛ kpaaa nɔ lɛ ahe. (Hebribii 6: 10)—7/1, baafa 32.
▫ Mɛɛ sui komɛi Petro tsi ta etsɔɔ akɛ nibii ni he hiaa wɔhemɔkɛyeli lɛ? (2 Petro 1:5-7)
Petro kɛɛ akɛ wɔkɛ jeŋba kpakpa, nilee, henɔyeli, tsuishiŋmɛɛ, Nyɔŋmɔjamɔ hetuu-kɛhamɔ, nyɛmimɛi ahedɔɔ, kɛ suɔmɔ afata wɔhemɔkɛyeli lɛ he.—7/15 baafa 13.
▫ Mɛɛ kɔkɔbɔɔ yɔɔ David kɛ Batsheba esha lɛ he sane lɛ mli kɛha Nyɔŋmɔ sɔɔlɔi? (2 Samuel 11:2-4)
Eyɛ mli akɛ David yɛ hegbɛ ni ekɛaana miishɛɛ mli ŋɔɔmɔ yɛ lɛ diɛŋtsɛ egbalashihilɛ mli moŋ, shi eha bɔlɛnamɔ mli jeŋba shara lɛ tee hiɛ eda. Akɛni eyɔse bɔ ni Uria ŋa lɛ he yɔɔ fɛo sɔŋŋ ha hewɔ lɛ, etee nɔ yɛ eyiŋsusumɔ—kɛ nifeemɔ mli—ni ena ehe akɔnɔ fɔŋ. Nakai nɔŋŋ ji nɔ ni baaba Nyɔŋmɔ sɔɔlɔ fɛɛ sɔɔlɔ nɔ, kɛ ekwaaa hiɛjoomɔ su nɛɛ (Yakobo 1:14, 15)—8/1, baafa 14.