Ani Okaiɔ?
Ani osusu Buu-Mɔɔ ni je kpo nyɛsɛɛ nɛɛ ahe waa? Kɛji nakai lɛ, no lɛ ekolɛ obaana saji ni nyiɛ sɛɛ nɛɛ akaimɔ he miishɛɛ:
▫ Mɛni ji “ekpakpa he okadi” ni Yehowa toɔ ehaa Yesu nanemaa hei lɛ asɛɛnyiɛlɔi lɛ? (Lala 86:17)
No ji ‘mumɔ krɔŋkrɔŋ mli miishɛɛ’ ni wo mra be mli Kristofoi lɛ hewalɛ ni amɛŋmɛ amɛtsui shi yɛ yiwaa sɔrɔtoi fɛɛ ni ba amɛnɔ lɛ mli lɛ. (1 Tesalonikabii 1:6) Nakai eji ŋmɛnɛ hu, ni Yehowa, “duromɔ nii kpakpai fɛɛ kɛ nikeenii ni hi kɛwula shi fɛɛ” a-Halɔ lɛ yɛ he miishɛɛ akɛ ‘eeeŋɔ mumɔ krɔŋkrɔŋ eha mɛi ni biɔ lɛ lɛ.’ (Yakobo 1:17; Luka 11:13) No hewɔ lɛ mumɔ krɔŋkrɔŋ mli miishɛɛ lɛ ji nɔ ni toɔ “ekpakpa he okadi” ehaa Yesu sɛɛnyiɛlɔi lɛ.—12/15, baafai 18-19.
▫ Mɛni hewɔ ehe hiaa ni wɔkpɛlɛ bɔ ni Nyɔŋmɔ susuɔ malemɔ he ehaa lɛ nɔ lɛ?
Lala 5:7 kɛɔ akɛ Nyɔŋmɔ “kpataa mɛi ni maleɔ lɛ ahiɛ.” Kpojiemɔ 21:8 yaa nɔ ekɛɔ akɛ nɔ ni baaba amalelɔi fɛɛ anɔ ji “gbele ni ji enyɔ lɛ.” No hewɔ lɛ, bɔ ni Nyɔŋmɔ susuɔ malemɔ he ehaa lɛ nɔkpɛlɛmɔ haa wɔ yiŋtoo ni mli wa ni wɔkɛaawie anɔkwale koni wɔnine ashɛ enikeenii ni ji wala lɛ nɔ.—12/15, baafa 23.
▫ Mɛɛ nibii onaa yɛ Samariabii ajamɔ lɛ mli? (Yohane 4:20)
Samariabii lɛ kpɛlɛɔ klɛŋklɛŋ woji enumɔ ni Mose ŋmala lɛ anɔ akɛ nomɛi pɛ feɔ Ŋmalɛi lɛ, yɛ amɛ futufutu jamɔ lɛ mli. Aaafee afii ohai ejwɛ D.Ŋ.B. lɛ mli lɛ, amɛyama sɔlemɔtsu lɛŋ yɛ Gerizim Gɔŋ lɛ nɔ, koni ekɛ Nyɔŋmɔ sɔlemɔtsu ni yɔɔ Yerusalem lɛ ashi mple. Eyɛ mli akɛ akpata Samariabii lɛ asɔlemɔtsu lɛ hiɛ moŋ, shi amɛyeɔ daa efi Hehoo ko yɛ Gerizim gɔŋ lɛ nɔ aahu kɛbashi ŋmɛnɛ.—1/1, baafa 25.
Ani aabi ni Kristofoi awo mujiwoo naatsii aloo falefale-feemɔ he mɔdɛŋbɔɔ he hewalɛ?
Beni Yesu yɔɔ shikpɔŋ nɔ lɛ, ebɔɔɔ mɔdɛŋ akɛ eeena shihilɛ mli naagbai ni yɔɔ egbii lɛ amli lɛ fɛɛ anaa tsabaa. Kɛ Yehowa tsɔ e-Mesia Maŋtsɛyeli lɛ nɔ ekɛ ejalɛ shishitoo mlai lɛ mamɔ shi yɛ jeŋ fɛɛ lɛ, abaana shihilɛ mli nibii ni ebɔle wɔ lɛ ahe naagbai lɛ anaa tsabaa shikome nyɔŋlo. Enɛ hewɔ lɛ, Yehowa Odasefoi kɔɔ susumɔ ni ŋmɛɔ pɛpɛɛpɛ. Naanyo suɔmɔ tsirɛɔ amɛ ní amɛnaa bulɛ amɛhaa mɛi krokomɛi anibii, shi amɛkɛ Nyɔŋmɔ Maŋtsɛyeli shɛɛ sane lɛ shiɛmɔ yeɔ klɛŋklɛŋ gbɛhe yɛ gbɛ ni ja nɔ. (Mateo 6:33)—1/1, baafa 31.
▫ Yesu sɔmɔ akɛ la hiɛlɔ yɛ mɛɛ gbɛi anɔ? (Yohane 8:12)
Yesu tuu ehe eha Nyɔŋmɔ Maŋtsɛyeli lɛ he sanekpakpa lɛ shiɛmɔ. (Luka 4:43; Yohane 18:37) Agbɛnɛ hu ekpa jamɔ mli amalei lɛ ahe mama, ni etsɔ nakai gbɛ nɔ ekɛ mumɔŋ heyeli ha mɛi ni yɔɔ jamɔ mli nyɔŋyeli mli Iɛ. (Mateo 15:3-9) Nɔ ni sa kadimɔ waa ji akɛ, ema nɔ mi akɛ lɛ ji je lɛ la lɛ, kɛtsɔ ewala ni eye emuu akɛ adesa lɛ ni ekɛfɔ shi akɛ kpɔmɔ nɔ lɛ nɔ. (Mateo 20:28; Yohane 3:16)—1/15, baafai 10-11.
▫ Mɛni ji yiŋtoi ahewɔ ni esa ekɛ wɔba wɔhe shi wɔha Yehowa Nyɔŋmɔ lɛ ekomɛi?
Yehowa ji Jeŋ Muu Fɛɛ Maŋtsɛ, ni yɛ yiŋtoo nɛɛ hewɔ lɛ esa akɛ wɔba wɔhe shi wɔha lɛ. Agbɛnɛ hu, akɛni Yehowa ji ofe hewɔ lɛ, mɔ ko nyɛŋ ate shi awo lɛ ni eye omanye, no hewɔ lɛ wɔnyɛŋ wɔku wɔhiɛ wɔfɔ wɔhe shi ni wɔɔba wɔha lɛ lɛ nɔ. Abɔ bɔɔnii fɛɛ ni yɔɔ nilee lɛ ni amɛtsu amɛ-Feelɔ lɛ yiŋtoo he nii, ni enɛ kɛ sɔ̃ fɔɔ mɔ fɛɛ mɔ nɔ akɛ eba ehe shi eha Nyɔŋmɔ yɛ nibii fɛɛ mli.—2/1, baafai 10-11
▫ Mɛni ye ebua Yosef ni ete shi ewo ajwamaŋ ni kulɛ ekɛ Potifar ŋa lɛ aaabɔ Iɛ?
Yosef yɛ hewalɛ kpele ko ni kudɔɔ ejwɛŋmɔ. Ehiɛ yɛ ehe nɔ yɛ wekukpaa ni yɔɔ ekɛ Yehowa teŋ lɛ he, ni ena akɛ kɛji ekɛ ehe wo ajwamaŋbɔɔ nɛɛ mli lɛ, jeee yoo lɛ wu kɛkɛ eeefee esha eshí, shi mɔŋ, mɔ ni fe fɛɛ, ni ji Nyɔŋmɔ.—2/15 baafa 21.
▫ Mɛni Yesu tsɔɔ beni ewie akɛ “Mi nɔŋŋ . . . ji anɔkwale Iɛ”? (Yohane 14:6)
Jeee anɔkwale lɛ he wiemɔ kɛ eshiɛmɔ pɛ Yesu tsu; shi moŋ ehi shi yɛ naa ni eha eje kpo ni ana faŋŋ. Enɛ hewɔ Iɛ, Kristojamɔ jeee susumɔ ko kɛkɛ; eji shihilɛ gbɛ.—3/1, baafa 15.
▫ Mɛɛ nikasemɔ ni shɛjeɔ mɔ mii yɔɔ Lala 51?
Nɛkɛ Iala nɛɛ yeɔ ebuaa wɔ ni wɔyooɔ akɛ kɛji wɔgbee esha mli, shi wɔtsake wɔtsui lɛlɛŋ Iɛ, wɔŋwɛi Tsɛ ní yɔɔ suɔmɔ lɛ baanu wɔbolɔmɔi kɛha mɔbɔnalɛ lɛ ni ebaahere wɔ kɛjɛ nijiaŋwujee mli. Shi kɛlɛ, esa akɛ wɔsusu hegbuɔgbee ní ekɛaaba Yehowa gbɛi lɛ nɔ lɛ he klɛŋklɛŋ.—3/15, baafa 18.
▫ Nu mli baptisimɔ feɔ mɛni he mfoniri?
Baptisimɔ ji mɔ henɔjɔɔmɔ kɛha Yehowa Nyɔŋmɔ lɛ he kpo nɔ gbɛ okadi. Nu lɛ shishi ni akɛ amɛ woɔ lɛ tsɔɔ akɛ mɛi ni abaptisiɔ amɛ lɛ miigboi kɛmiiha shihilɛ gbɛ ni damɔ amɛnɔ Iɛ. Amɛnɔ ni aholeɔ kɛjɛɔ nu lɛ shishi lɛ feɔ wala mli ni amɛba agbɛnɛ kɛha Nyɔŋmɔ suɔmɔnaa nifeemɔ, kɛ klɛŋklɛŋ gbɛhe ni amɛkɛyeɔ yɛ amɛ shihilɛi amli lɛ he mfoniri (Mateo 16:24)—4/1, baafai 5-6.