‘Odasefonyo Anɔkwafo ni Yɔɔ Atatuiaŋ’
KƐJƐ mra mli tɔŋŋ dani klɛŋklɛŋ gbɔmɔ lɛ aaaba shikpɔŋ nɔ po lɛ, no mli lɛ nyɔŋtsere ekpɛ aahu yɛ atatuaiŋ, gbɛkɛnaashi. Mɛi pii eja lɛ akɛ nyɔŋmɔ yoo yɛ be ko mli. Helanyo niŋmalɔ Plutarch wie akɛ eji he ni susumai ni he tse lɛ yaa naagbee kwraa yɛ gbele sɛɛ. Yɛ Baltic blema adesãi amli lɛ, nuu ji nyɔŋtsere lɛ, hulu wu. Béi ko ba amɛgbalashihilɛ mli, ni nyɔŋtsere lɛ jo foi eshi eŋa lɛ, ni ekɛ lɛ efɔɔɔ kpojee dɔŋŋ yɛ ŋwɛiniiaŋ.
Ŋmɛnɛ, suɔlɔi obalaŋtai—kɛ mɛi ni edara fɛɛ holeɔ amɛhiɛ nɔ amɛkwɛɔ nyɔŋtsere lɛ ni shihilɛ ni tsɔɔ miishɛɛ sɔŋŋ hesusuma baa amɛjwɛŋmɔ mli. Yɛ 1960 afii lɛ amli lɛ, jeŋ nilelɔi fite shika babaoo ni amɛkɛ gbɔmɛi tee nyɔŋtsere lɛ nɔ koni amɛkɛ enɔ tɛi fioo ko aba kɛha niiamlitaomɔ. Nɔ kome ka shi faŋŋ yɛ nyɔŋtsere lɛ he. Daa gbi lɛ, ejeɔ ni eyanyɔɔ shi yɛ ebe naa pɛpɛɛpɛ .Eyeɔ anɔkwa yɛ be ni aha lɛ ni ekɛyaa ekɛbaa lɛ mli aahu akɛ wɔnyɛɔ wɔbuɔ akɔntaa ni wɔnaa be ni ekɛje kɛ be ni ekɛmɔ duŋ yɛ afii akpei abɔ ni eho lɛ mli.
Kɛ lsraelbii kwɛ nyɔŋtsere lɛ, ehaa amɛkaiɔ “eeema shi daa tamɔ nyɔŋtsere, ni eeeye anɔkwa tamɔ odasefonyo ni yɔɔ atatuaiŋ lɛ” (Lala 89:36-38) Nɛkɛ shiwoo nɛɛ ba mli yɛ Yesu, mɔ ni ji “David Bi” lɛ mli. (Luka 18:38) Yɛ egbele sɛɛ lɛ, atee Yesu shi akɛ mumɔ ni gbooo dɔŋŋ ni ekwɔ kɛtee ŋwɛi. (Bɔfoi lɛ Asaji 2:34-36) Yɛ be ni sa mli lɛ, akɛlɛ ta maŋtsɛsɛi nɔ akɛ Nyɔŋmɔ ŋwɛi Maŋtsɛyeli lɛ nɔ Maŋtsɛ. (Kpojiemɔ 12:10) Nakai Maŋtsɛyeli lɛ miiye nɔ bianɛ, ni “eeedamɔ shi kɛaatee naanɔ naakpɛɛ sane ko. Nyɔŋmɔ wo shi akɛ Maŋtsɛ David odehei aweku lɛ hoŋ eyaŋ kɔkɔɔkɔ. Ekɛɛ: “David seshi lɛ.” ( Daniel 2:44) Yɛ nɛkɛ gbɛ nɔ lɛ, Yesu, mɔ ni ji David odehei aweku lɛ najiaŋdamɔlɔ ni gbooo lɛ baahi shi daa tamɔ nyɔŋtsere ‘odasefonyo anɔkwafo ni yɔɔ atatuaiŋ’.
Enɛ hewɔ lɛ, be fɛɛ be ni ooona nyɔŋtsere ni eekpɛ yɛ ŋwɛi gbɛkɛ lɛ, kaimɔ shi ni Nyɔŋmɔ wo David lɛ ni oda shi akɛ Nyɔŋmɔ Maŋtsɛyeli lɛ miiye nɔ bianɛ ni ebaaye nɔ kɛya naanɔ, kɛwo Nyɔŋmɔ hiɛ nyam, kɛ agbɛnɛ kɛha adesai anɔkwafoi anaanɔ jɔɔmɔi hu.—Kpojiemɔ 11:15.
[He ni Mfoniri ni yɔɔ baafa 32 lɛ Jɛ]
Frank Zullo