Onine Enyɛŋ Shi Kɔkɔɔkɔ

EHÉ hefatalɔi enyɔ komɛi ni jɛ Philippines lɛ gbii enyɔ kɛyashɛ jɛmɛ. Amɛyatao tsɔne kɛfa gbɛ kilomitai 70, ni amɛhiɛ amɛbii bibii enyɔ, kɛtsɔ koo haai kɛ amɛmli ŋmɔtɔ ni shitii eyi mli obɔ kɛ faai ni nugbɔnɛmɔ babaoo eha amɛyi fe nine hu amli. Shi amɛtswa amɛfai shi akɛ amɛhaŋ eŋmɛɛ amɛ kɔkɔɔkɔ.

Yei enyɔ ni jɛ Zaire nyiɛ nɔ ni fe kilomitai 500, ni amɛye gbii 14 yɛ gbɛ lɛ nɔ ni amɛmiifa gbɛ, bɔni afee ni amɛnyɛ amɛshɛ jɛmɛ. Yɛ Zaire hu nɔŋŋ lɛ, nuu ko ni eye afii 70 ta ebaisikel nɔ kɛfa gbɛ kilomitai 260 kɛtee jɛmɛ. Gbɛ lɛ jɛkɛmɔ kɛ tɔlɛ babaoo ni yɔɔ mli lɛ haaa enijiaŋ aje wui. Nɔ ni he hiaa ji ni ekaŋmɛɛ lɛ.

Nɛgbɛ amɛ fɛɛ amɛyaa? Amɛmiiya Yehowa Odasefoi ahenaabuamɔi wuji lɛ ateŋ ekome ni ato he gbɛjianɔ yɛ amɛmaji amli lɛ shishi. Ni bɔ fɛɛ bɔ ni gbɛfaa lɛ wa ha lɛ, amɛ fɛɛ amɛnu he akɛ sɛɛnamɔ yɛ amɛmɔdɛŋbɔɔ lɛ he.

Ani oto ogbɛjianɔ momo akɛ obaaya 1992 “La Hiɛlɔi” Kpakpaa Wulu nɔ Kpee Lɛ? Ekolɛ, ehe ehiaŋ ni ogbo deŋme babaoo tamɔ nɛkɛ gbɔmɛi anɔkwafoi nɛɛ fee lɛ dani onyɛ oya kpee lɛ. Shi kɛji obaana naagbai komɛi yɛ eyaa he po lɛ, wɔmiiwo bo hewalɛ ni okaha eŋmɛɛ bo kɔkɔɔkɔ.

Ato wiemɔi fɛfɛji ni anyɛɔ atsuɔ he nii ahe gbɛjianɔ jogbaŋŋ diɛŋtsɛ. Kɛji onaa Kristofoi anaanyobɔɔ he miishɛɛ, ni oyɛ he miishɛɛ hu akɛ ooona anɔkwa toiŋjɔlɛ, ni ole nɔ ni yɔɔ kɛha wɔsɛɛ be, aloo gbɛ ni oootsɔ nɔ ofee Nyɔŋmɔ suɔmɔnaa nii jogbaŋŋ Iɛ, no lɛ wɔbaanyɛ wɔwo bo shi akɛ onine enyɛŋ shi kɔkɔɔkɔ. Odasefonyo fɛɛ Odasefonyo ni yɔɔ nyɛ akutso lɛ mli baanyɛ atsɔɔ bo he ni abaafee kpee ni bɛŋkɛ bo fe fɛɛ lɛ yɛ, kɛ be ni abaafee.