Ani Okaiɔ?
Ani okane Buu-Mɔɔ ni akala nyɛsɛɛ nɛɛ jogbaŋŋ? Kɛji nakai lɛ, ekolɛ eeefee bo miishɛɛ akɛ oookai saji ni nyiɛ sɛɛ nɛɛ:
◻ Yɛ mɛɛ gbɛ nɔ nɔ ni aŋma afɔ shi yɛ Biblia lɛ mli ni kɔɔ Yehowa tawuui ahe Iɛ haa wɔnaa hekɛnɔfɔɔ yɛ be mli ni wɔkɛ “amanehulu kpeteŋkple” lɛ kpeɔ lɛ? (Mateo 24:21)
Akɛni Iɛ ekudɔɔ nɔ fɛɛ nɔ yɛ be fɛɛ mli hewɔ Iɛ, Yehowa etsɔɔ akɛ ebaanyɛ ejwɛŋ fe ehenyɛlɔi lɛ ni ekudɔ shihilɛi kɛha ewebii ayiwalaheremɔ.—8/15, baafa 27.
◻ Mɛni esa akɛ fɔlɔi asumɔ akɛ amɛaafee koni amɛha sanegbaa ahi amɛ kɛ amɛbii ateŋ?
Esa akɛ fɔlɔi ana be aha amɛbii. Agbɛnɛ hu esa akɛ amɛsumɔ akɛ amɛkɛ nibii aaasha afɔle yɛ amɛbii lɛ ahewɔ, yɛ amɛjwɛŋmɔŋ, gbɔmɔtsoŋ, kɛ mumɔŋ dalɛ hewɔ.—9/1, baafa 22.
◻ Mɛni ji nɔ ni Yesu tsakemɔ lɛ tsɔɔ kɛhaa wɔ ŋmɛnɛ? (Marko 9:2-4)
Tsakemɔ Iɛ baanyɛ atswa hemɔkɛyeli yɛ Yehowa gbalɛ wiemɔ lɛ mli ema shi ni ewaje hemɔkɛyeli ni wɔyɔɔ yɛ Yesu Kristo mli Iɛ akɛ Nyɔŋmɔ Bi kɛ shiwoo Mesia Iɛ. Ebaanyɛ ewaje hemɔkɛyeli ni wɔyɔɔ yɛ Yesu shitee kɛmiiya mumɔŋ wala mli lɛ ni eha hemɔkɛyeli ni wɔyɔɔ yɛ Nyɔŋmɔ nɔyeli Iɛ mli lɛ aya hiɛ.—9/15, baafa 23.
◻ Mɛni ji “aaahi shi be fioo” ni yɔɔ Yesaia 11:6, (NW) lɛ shishi?
Nɛkɛ kuku nɛɛ shishitsɔɔmɔ jogbaŋŋ tsɔɔ akɛ klaŋ kɛ too gwantɛŋ bi kɛ amɛhe ehiŋ shi be fɛɛ be yɛ jeŋ hee Iɛ mli. Eeenyɛ eba akɛ nɛkɛ kooloi nɛɛ baana amɛshihilɛ hei sɔrɔtoi diɛŋtsɛ, no hewɔ Iɛ amɛbaahi shi akɛ ‘shia kooloi kɛ jwɛiaŋ kooloi’ taakɛ eyɔɔ shishijee Paradeiso lɛ mli Iɛ. (1 Mose 1:24). Shi kooloi kɛ amɛhe baahi shi yɛ toiŋjɔlɛ mli, ni amɛbaanyɛ amɛhi ekrokomɛi amasɛi ni oshara ko bɛ mli.—9/15, baafa 31.
◻ Mɛni ji Kristojamɔ diɛŋtsɛ naa samfee?
Suɔmɔ ji Kristojamɔ diɛŋtsɛ naa samfee. Hemɔkɛyeli, nitsumɔi, kɛ naanyobɔɔ kpakpa he miihia, shi kɛ suɔmɔ bɛ mli Iɛ, ayɔseee sɛɛnamɔ ni yɔɔ amɛhe Iɛ. Nakai enɛ ji, ejaakɛ Yehowa ji suɔmɔ Nyɔŋmɔ titri. (1 Korintobii 13:1-3; 1 Yohane 4:8)—10/1, baafa 20.
◻ Ani wiemɔ, “fɔmɔ be yɛ, ni gbele be hu yɛ” ni yɔɔ Jajelɔ 3:2 Iɛ fiɔ jwɛŋmɔ ni ahiɛ akɛ Nyɔŋmɔ eto wɔgbele be efɔ shi lɛ sɛɛ?
Dabi. Salomo miiwie fɔmɔ kɛ gbele shihilɛ ni baa adesai ni yeee emuu Iɛ anɔ lɛ he kɛkɛ. Jajelɔ 7:17 kɛɔ akɛ: “Kaaje ohe efɔŋfeelɔ tuutu, ni asaŋ kaafee kwashia, mɛɛba ooogbo ni obe shɛko?” Mɛɛ jwɛŋmɔ baahi ŋaawoo ni tamɔ nɛkɛ mli kɛji akɛ aje gbɛ ato mɔ ko gbele be afɔ shi?—10/15, baafai 5, 6.
◻ Mɛni akɛkuɔ bɔfo Petro ni akɛɛ Iɛ ji klɛŋklɛŋ Roma bishop loo osɔfonukpa Iɛ naa?
Odaseyeli ko bɛ ni tsɔɔ akɛ Petro etee Roma maŋtiase lɛ mli pɛŋ; ni asaŋ Petro ewieee Iɛ diɛŋtsɛ ehe akɛ eji mɔ ko fe Kristo bɔfoi lɛ ateŋ mɔ kome kɛkɛ ni eji. (2 Petro 1:1)—10/15, baafa 8.
◻ Ani eja gbɛ akɛ Kristofoi kɛ fɔfɔii aaaya yarafeemɔ shishi?
Kɛji akɛ ale jogbaŋŋ akɛ kusum-nifeemɔ ko (aloo nɔ ko ni atɛŋ, tamɔ krɔɔs) hiɛ jamɔ shishinumɔ ko yɛ he ni mɔ lɛ yɔɔ lɛ, belɛ esa akɛ akwa enɛ feemɔ. No hewɔ Iɛ Kristofoi kɛ fɔfɔii ni afee Iɛ tamɔ krɔɔs aloo ni amɛkɛaatsu nii yɛ gbɛ ni eshishinumɔ damɔ apasa jamɔ nɔ eyaŋ yarafeemɔ he. Shi amrɔ nɛɛ maji pii yɛ ni fɔfɔii ni akɛhaa mɛi Iɛ ehiɛɛɛ jamɔ shishinumɔ ko yɛ sɛɛ. Kristofoi komɛi kɛ fɔfɔii emaje mɛi koni akɛshɛje mɔ ko mii ni akɛtsɔɔ akɛ anuɔ he ahaa mɔ lɛ ni asusuɔ ehe hu.—10/15, baafa 31.
◻ Mɛni feɔ faŋŋ yɛ Triniti Iɛ he yɛ bɔ ni woji eje gbɛ etsɔɔ mli eha lɛ hewɔ?
Amɛfeɔ lɛ faŋŋ akɛ Triniti tsɔɔmɔ Iɛ jeee jwɛŋmɔ ko kɛkɛ. Shi moŋ, eji susumɔi sɔrɔtoi ni yɔɔ hwanyaŋŋ ni ajɛ afii ohai abɔ Iɛ amli abua naa aloloo Iɛ afee Iɛ ekome. Woloŋlelɔi pii, ni Triniti tsɔɔlɔi fata he kpɛlɛɔ nɔ akɛ Triniti tsɔɔmɔ Iɛ bɛ Biblia lɛ diɛŋtsɛ mli.—11/1, baafai 21-2.
◻ Mɛni hewɔ afi 29 Ŋ.B. ji be titri yɛ Biblia yinɔsane mli Iɛ?
Ejaakɛ kɛ akɛ Biblia mli adafitswaa loo saji pɔtɛɛ fata bɔ ni je lɛ buɔ Tiberio nɔyeli be lɛ he lɛ, Biblia kaselɔi baanyɛ abu enɛ he akɔntaa akɛ Yohane sɔɔmɔ nitsumɔ Iɛ je shishi yɛ afi 29 Ŋ.B. agbiɛnaa be mli, ni akɛ no sɛɛ nyɔji ekpaa, yɛ afi 29 Ŋ.B. gbo be mli lɛ, Yohane baptisi Yesu.—11/15, baafa 31.
◻ Mɛni ji nɔ ni “jamɔ” tsɔɔ kɛhaa gbɔmɛi ni wieɔ Hebri lɛ, ni te enɛ kɔɔ Yehowa Odasefoi ahe ehaa tɛŋŋ yɛ ŋmɛnɛ?
Abaanyɛ atsɔɔ Hebri wiemɔ ni damɔ shi kɛha “jamɔ” Iɛ shishi akɛ “sɔɔmɔ.” No hewɔ Iɛ yɛ Hebri jwɛŋmɔ naa lɛ, jamɔ tsɔɔ sɔɔmɔ. Nɛkɛ ji bɔ ni etsɔɔ kɛhaa Yehowa webii ŋmɛnɛ, no hewɔ Iɛ anɔkwa jamɔ he kadimɔ nii ni he hiaa waa ji sɔɔmɔ ni Nyɔŋmɔ gbeyeishemɔ yɔɔ mli ni ji shiɛmɔ Iɛ.—12/1, baafa 19.