‘Tsutsu Ko Lɛ Amɛŋmɔɔ’

Nuu ko ni tsuɔ nii akɛ asraafonyo yɛ Hungary lɛ kɛɛ akɛ nyɛsɛɛ nɛɛ nɔŋŋ lɛ, kulɛ gbɔmɛi ŋmɔɔ mɛi ni wieɔ Biblia lɛ he lɛ waa. Shi nibii etsake kwraa. Nyɛsɛɛ nɛɛ, asraafonyo lɛ ŋma Buu-Mɔɔ Asafo lɛ ɔfis ni yɔɔ Budapest lɛ, ni ekɛɛ:

“Gbii fioo ko nɛ lɛ, mikane nyɛwolo ni ji Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ. Mɔ ko kɛ enɔ ma mi ni mikane ni mikɛbaha lɛ. Nɔ ni aŋma yɛ wolo lɛ mli lɛ esa mihe waa, ni eha misusu nibii ahe jogbaŋŋ diɛŋtsɛ.” Asraafonyo lɛ miitao Biblia kɛ saji krokomɛi babaoo lolo. Bɔ ni efee enii eha nɛɛ jeee nɔ ko ni afɔɔɔ namɔ yɛ Europa Bokagbɛ dɔŋŋ.

Wolo kroko ni nine shɛ nɔ yɛ Budapest ɔfis lɛ kɛɛ: “Mikane Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ wolo lɛ. Wolo lɛ ena minɔ hewalɛ waa, no hewɔ lɛ miiŋma nyɛ wolo nɛɛ koni nyɛha Odasefonyo ko abasara mi yɛ shia koni manyɛ mana daa shia Biblia mli nikasemɔ.”

Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ wolo lɛ ji wolo ko ni haa hiɛnɔkamɔ kɛtsɔɔ ojwɛŋmɔ ni egbalaa kɛyaa Biblia mli hetooi anɔ lɛ nɔ. Enyɛ eye ebua waa kɛtsake mɛi pii ashihilɛ. Kɛji obaasumɔ ni onine ashɛ eko nɔ lɛ, ofainɛ ŋmalamɔ wolo ni fata he nɛɛ mli ni okɛmaje.

Masumɔ ni minine ashɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ wolo ni hiɛ baafai 256 ni aha sɛɛ kɛ wolo ni wa lɛ nɔ. (Kɛ jeee U.S.A. oyɔɔ lɛ, ŋmaa kɛya Watch Tower nitsumɔ ni yɔɔ maŋ nɔ ni oyɔɔ lɛ ni obi he saji. Kwɛmɔ baafa 2.)

[Mfoniri ni yɔɔ baafa 32]

Yiŋtoo kpakpa hewɔ ni fɔlɔ ŋmɛɔ gbɛ ni afeɔ ebi ni esumɔɔ lɛ waa lɛ opireshɛŋ ni waa mɔ he lɛ. Nyɔŋmɔ hu yɛ yiŋtoi kpakpai yɛ gbɛ ni eŋmɛ ni adesai kɛnaa amanehului yɛ be ko mli nɛɛ he