Amɛfeɔ Bɔ Ni Amɛaanyɛ

Eyɛ mli akɛ amɛnyɛ amɛto Yehowa najiaŋ yɛ nibii fɛɛ ni amɛnaa he sɛɛ kɛjɛɔ eŋɔɔ lɛ hewɔ moŋ, shi mɛi pii feɔ nɔ ni amɛaanyɛ ni amɛkɛfiɔ e-Dasefoi lɛ ajeŋ muu fɛɛ shiɛmɔ nitsumɔ Iɛ sɛɛ. (Mateo 24:​14; okɛto Marko 14:​3-9 he.) Nɔ ni yɔɔ miishɛɛ yɛ enɛ gbɛfaŋ ji nɛkɛ wolo nɛɛ ni jɛ weku ko dɛŋ yɛ Minnesota, U.S.A. lɛ:

“Suɔmɔ Nyɛmimɛi,

“Wɔkɛ shika ni naa shɛɔ $ . . . . . . nɛɛ miimaje kɛmiike. Wɔmiisumɔ ni akɛtsu jeŋ muu fɛɛ nitsumɔ Iɛ he nii aloo akɛfata Maŋtsɛyeli Asa Tsumaa Shika lɛ he, aloo akɛtsu hiamɔ nii kroko ni gbɛjianɔtoo Iɛ yɔɔ he nii. . . .

“Wɔhiɛ ka nɔ akɛ akɛ nɛkɛ shika nɛɛ baatsu nii yɛ [ Yehowa] suɔmɔnaa nii kɛ gbeekpamɔ naa. Wɔbaasumɔ ni wɔŋɔ hegbɛ nɛɛ ni wɔkɛ ekaawoo babaoo aha nyɛ ni nyɛya nɔ yɛ nitsumɔ kpakpa nɛɛ mli, ni titri Iɛ wɔmiida nyɛ shi yɛ [ Buu Mɔɔ] Asafo Iɛ jeŋ muu fɛɛ nitsumɔ ni akɛwo video kpaa nɔ Iɛ he. Nɛkɛ video kpaa nɛɛ ji nɔ ni ha wɔle bɔ ni nitsumɔ Iɛ da ha Iɛ jogbaŋŋ, ni eha wɔnu he waa akɛ shika ni wɔɔjɛ wɔsuɔmɔ mli wɔkɛke Iɛ he miihia waa diɛŋtsɛ. Tsutsu ko Iɛ, wɔhaa asafo Iɛ, aloo kpokpaa, kɛ kpokpaa wulu Iɛ tsuɔ shika ni akɛkeɔ Iɛ kɛ nyɛ majemɔ he nii, shi wɔmiida Yehowa shi agbɛnɛ akɛ eto etsui shi eha wɔ yɛ nii ni wɔkwɛɛɛ kɛyaaa shɔŋŋ nɛɛ mli ni ekɛ suɔmɔ eha wɔna bɔ ni ehe hiaa ni wɔ diɛŋtsɛ hu wɔkɛ shika aye abua yɛ nɛkɛ yiwalaheremɔ nitsumɔ nɛɛ mli, kɛfata gbɛi krokomɛi ni atsɔɔ nɔ akɛ nii keɔ lɛ he. Akɛ weku Iɛ, wɔkpɛ wɔyiŋ akɛ, kɛ hoo Iɛ, wɔkɛ $ . . . . baamaje tɛɛ ni akɛba . . . New York daa nyɔŋ nɔ.

“Shikome ekoŋŋ Iɛ, wɔmiida nyɛ shi waa yɛ sɔɔmɔ ni nyɛkɛhaa wɔ kɛ anɔkwayeli ni nyɛjieɔ Iɛ kpo nyɛtsɔɔ Yehowa Iɛ hewɔ.”