“Tsofai Ni Akɛlɛɔ Bi Ni Naa Miishɛɛ Ni Eyeɔ Omanye”

WOLO tɛtrɛɛ ni ji Medical Aspects of Human Sexuality lɛ ŋma sane ko yɛ saneyitso nɛɛ shishi, ni emli ni Dr. lrene Jakab, ni eji universiti jwɛŋmɔ he nilelɔ ko lɛ tsɔɔ nɔ ni esusuɔ akɛ ehe hiaa ni akɛtsɔse gbekɛ ni eha ebatsɔ onukpa ni yeɔ omanye. “Tsofai” ni etsɔɔ lɛ mli nibii lɛ ekomɛi ji bɔ ni ehe hiaa ni fɔlɔi asumɔ amɛbi lɛ, ni amɛkudɔ lɛ yɛ nɔ ni ja kɛ nɔ ni ejaaa he, ni amɛtsɔse lɛ koni enyɛ ekpɛ eyiŋ. Esusuɔ akɛ esaaa akɛ fɔlɔi amli ni fuɔ mra, ni akpaa gbɛ akɛ atɔ̃ɔɔ, yeyeeye-feemɔ fe nine, aloo nɔ fɛɛ nɔ ni aŋmɛɔ efeemɔ gbɛ fataa “tsofai” lɛ ahe.

Dr. Jakab “tsofai” lɛ hi jogbaŋŋ yɛ bɔ ni etsɔɔ nɛɛ naa. Lɛlɛŋ, afii akpei abɔ ni eho nɛ lɛ, Biblia lɛ kɛ ŋaawoo ni tamɔ nakai nɔŋŋ ha fɔlɔi. (Akɛ nɔkwɛmɔ nɔ lɛ, kwɛmɔ Abɛi 4:1; 13:​24; 22:6; Kolosebii 3:21 Shi kɛlɛ, Biblia lɛ kɛ nɔ ko ni Dr. Jakab shiɔ lɛ fataa he: bɔ ni ehe hiaa waa akɛ abaatsɔɔ gbekɛbii lɛ ni amɛsumɔ amɛ-Bɔlɔ lɛ ni amɛle e-Wiemɔ lɛ jogbaŋŋ hu lɛ. Bɔfo Paulo ŋma akɛ: “Ni nyɛ tsɛmɛi lɛ, nyɛkawoa nyɛbii lɛ amlifu, shi moŋ nyɛlɛa amɛ yɛ Nuŋtsɔ lɛ [Yehowa] tsɔsemɔ kɛ ŋaawoo lɛ mli.”​—Efesobii 6:4; 5 Mose 6:​4-7.

Kɛji amɛnaaa nɛkɛ tsɔsemɔ lɛ, gbekɛbii lɛ baadara ni amɛbɛ jeŋba he sɛkɛ. Ni nɔ ni baajɛ mli aba lɛ ehiŋ kwraa yɛ nɛkɛ jeŋba shara jeŋ ni efite hu nɛɛ mli.