Maŋtsɛyeli Jajelɔi Bɔ Amaniɛ

Sanekpakpa Ni Jɛ Norway

Maŋtsɛyeli Iɛ he sanekpakpa jajelɔi fe 9,500 ni yɔɔ Norway Iɛ miina niiashikpamɔi kpakpai babaoo. Mɛi ni hiɛ tsui krɔŋŋ lɛ yooɔ Biblia lɛ shɛɛ sane ni Yehowa Odasefoi shiɛɔ lɛ akɛ anɔkwale lɛ kɛ amɛsɔlemɔi lɛ ahetoo, taakɛ wɔkadiɔ yɛ niiashikpamɔ ni nyiɛ sɛɛ nɛɛ mli lɛ.

◻ Hefatalɔi enyɔ komɛi sɔle amɛha Yehowa koni eye ebua amɛ ni amɛna yiŋtoo yɛ shihilɛ mli. No sɛɛ otsi lɛ, Yehowa Odasefoi ba amɛŋɔɔ, ni yoo Iɛ fɔ amɛnine kɛba mli. Abɔ ewu lɛ kɔkɔ ashi Yehowa Odasefoi, no hewɔ lɛ eje kpo eshi shia lɛ akɛ eyaafɔ ekar he. Afɔ eŋa lɛ yɛ Lebanon ni eyɛ naagba yɛ wiemɔ he, no hewɔ lɛ Odasefoi lɛ tsɔɔ lɛ Yehowa gbɛi lɛ yɛ e-Arabic Biblia lɛ mli. No sɛɛ otsii enyɔ lɛ, Odasefoi lɛ ku amɛsɛɛ amɛba ekoŋŋ, ni ewu lɛ je kpo ekoŋŋ akɛ eyaafɔ ekar he. Odasefoi lɛ bi eŋa lɛ kɛji esusuɔ akɛ ewu baahi shi yɛ be kroko ni amɛaaba lɛ mli lo koni ejie wiemɔ lɛ naa, ni ewo amɛ shi akɛ ebaabi ewu lɛ.

Amɛ saramɔ ni ji etɛ lɛ nɔ lɛ, no mli lɛ kar lɛ he tse waa akɛ nuu lɛ susuuu akɛ ebaanyɛ ekɛ no afee enaajiemɔ ni ekɛshi, no hewɔ lɛ ehi shi ni ebibii saji pii koni ekɛtao sɔrɔtofeemɔ ni yɔɔ Odasefoi Iɛ kɛ Maŋ sɔlemɔ Iɛ teŋ. Amɛ saramɔ Iɛ he ŋmɛlɛtswai etɛ, ni ashi woji bibii lɛ ekome aha hefatalɔi nɛɛ. Beni Odasefoi Iɛ shi lɛ, yoo lɛ tee eyaka shi, shi ewu lɛ je shishi ebɔi wolo bibioo Iɛ kanemɔ kɛ ŋmalɛi Iɛ fɛɛ hu kwɛmɔ. Maŋkɛ mli lɛ, etsiɛ eŋa Iɛ hiɛ ni ekɛɛ Iɛ akɛ: “Esa akɛ okane wolo nɛɛ.” Ni yoo lɛ te shi, ni amɛ fɛɛ amɛkane kutuu aahu kɛyashi leebi ŋmɛji enumɔ. Beni amɛyoo akɛ amɛna anɔkwale lɛ, amɛfo kɛ miishɛɛ sɔŋŋ ni amɛsɔle amɛha Yehowa, kɛ lɛ diɛŋtsɛ egbɛi. Akɛ amɛ je daa Biblia nikasemɔ shishi, ni amɛbɔi kpeeiyaa. Nuu lɛ kpa asraafoi anitsumɔ ni etsuɔ lɛ, ni amɛ fɛɛ amɛkpa sɔlemɔ lɛ yaa ni amɛkpa sigaret shɛremɔ hu. Amrɔ nɛɛ abaptisi amɛ ni amɛfata amɛnyɛmimɛi hii kɛ yei lɛ ahe yɛ jeŋ fɛɛ ni amɛkɛ miishɛɛ miisɔmɔ Yehowa.

◻ Nyɛmimɛi yei enyɔ komɛi ni nyiɛ amɛ shia-kɛ-shia nitsumɔ nɔ yɛ Norway lɛ kɛ yoo ko ni yɔɔ he miishɛɛ kpe. Esaa efɔ amɛ nine ekoŋŋ ni ebi kɛji ebaanyɛ efɔ yei krokomɛi anine lo. Enɔ be kroko ni amɛyasara lɛ lɛ, yei ejwɛ fata ehe. Amɛteŋ mɔ kome yɛ ekaa waa yɛ sɔlemɔ lɛ mli. Ekɛɛ akɛ kɛjɛ be mli ni eji gbekɛ beebe lɛ, no mli lɛ eetao ni ebo famɔ ni Yesu kɛha akɛ afee kaselɔi Iɛ toi. Enɛ ha ekɛ ewu fa gbɛ kɛtee Afrika kɛha maŋsɛɛ yelikɛbuamɔ nitsumɔ gbɛjianɔtoo ko. Yei Iɛ fɛɛ yɛ sanebimɔi pii, ni ato gbɛjianɔ akɛ nyɛmimɛi yei lɛ baaya ayasara amɛ daa otsii enyɔ. Afɔ nine atsɛ nanemɛi heei, ni mɛi komɛi tee nɔ amɛba ni mɛi krokomɛi kpa baa, shi mɔ ni yɔɔ ekaa waa yɛ sɔlemɔ lɛ mli Iɛ yoo akɛ anɔkwale lɛ ekaseɔ lɛ. Gbi ko, beni esɔlemɔ lɛ mli osɔfo lɛ kɛɛ akɛ ebaafi tawuu sɛɛ, ni akɛ eheɔ Triniti tsɔɔmɔ lɛ eyeɔ lɛ, egbala ehe shi kɛjɛ sɔlemɔ Iɛ mli. Ebɔi Yehowa Odasefoi akpeei yaa ni etsɛɛɛ ni eje shishi ekɛ ehe wo shiɛmɔ nitsumɔ Iɛ mli. No sɛɛ etsɛɛɛ lɛ, abaptisi lɛ. Amrɔ nɛɛ, yɛ afii 30 sɛɛ lɛ, enaa miishɛɛ waa yɛ Yesu famɔ ni ekɛha akɛ afee kaselɔi lɛ toiboo mli diɛŋtsɛ​—Mateo 28:⁠19.

Yehowa miijɔɔ nyɛmimɛi Iɛ yɛ Norway yɛ amɛsɔɔmɔ krɔŋŋ Iɛ mli kɛ mɛi fɛɛ ni boɔ sanekpakpa Iɛ toi Iɛ hu!