Nilee Ni Kɛ Mligbɛ Toiŋjɔlɛ Baa

Obalayoo ko ni jɛ Ohio, U.S.A. ŋma akɛ: “Afɔmi akɛ Katoleknyo, mitee Metodis sɔlemɔ be mli ni miyɔɔ kɔlegi, mikɛ gbekɛnuu ko ni ji Yudanyo nyiɛ akɛ mihemɔ, kɛkɛ ni mikɛ Lutherannyo ko bote gbalashihilɛ mli. Minyaaa nɛkɛ jamɔi nɛɛ ni tee nɔ amɛtsake taakɛ be tsakeɔ lɛ ‘eko kwraa he.’ Kɛkɛ ni mije shishi mikane wolo ni ji Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ, mishashao shi fioo kɛjɛ shishijee, ni minya emli mfonirii fɛfɛji lɛ ahe. Kɛkɛ ni mikɛ mihe wo mli ni mikɛ hiɛdɔɔ kane enaagbee fa lɛ yɛ ŋmɛlɛtswa ejwɛ pɛ mli.”

Yoo nɛɛ kɛɔ wɔ agbɛnɛ akɛ eeda Nyɔŋmɔ shi “yɛ nilee hee ni mina kɛ mligbɛ toiŋjɔlɛ lɛ hewɔ.” Wɔnuɔ he akɛ bo hu obaana nɛkɛ wolo ni wajeɔ mɔ hemɔkɛyeli nɛɛ he sɛɛ. Ewieɔ Biblia mli saji ni ajeɔ ŋwane yɛ he lɛ fɛɛ eko he, ni ebua odaseyelii lɛ fɛɛ anaa ni ato naa pɛpɛɛpɛ bɔ ni shishinumɔ aaaba he kɛ agbɛnɛ yɛ gbɛ ni hetoi lɛ feɔ faŋŋ kɛhaa nikanelɔ lɛ nɔ. Nɛkɛ wolo nɛɛ baafai 256 ni amɛdaramɔ tamɔ wolo tɛtrɛɛ ni ohiɛ nɛɛ mli eyi obɔ kɛ mfonirii sɔrɔtoi 150 ni tsɔɔ mɔ nii, yɛ sui fɛfɛji amli. Ejara ji ₵380.00.

Nyɛfainɛ, nyɛkɛ wolo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ ekome amajeami. Mikɛ ₵380.00 ewo mli kɛmiiwo nyɔmɔ.