“Jiemɔ Yehowa Gbɛi Iɛ Yi”

Yɛ September 2, 1986 lɛ, German Democratic Republic (East Germany) jie stampu ni tsɔɔ bɔ ni blema German shika yɔɔ lɛ kpo. Klɛŋklɛŋ nɔ̃ lɛ anaa yɛ mfoniri lɛ mli lɛ. Afee shika nɛɛ yɛ afi 1638. Shi nɔ ni wɔyɔɔ he miishɛɛ waa ji Hebri niŋmaai ejwɛ ni kpɛ́lɛɔ waa yɛ shika lɛ nɔ lɛ. Mɛni ji nɔ ni amɛtsɔɔ? Briefmarkenwelt, ni ji German wolo tɛtrɛɛ ni wieɔ stampu ni akɛkpɛtɛɔ woji anɔ amajeɔ lɛ he lɛ kɛɛ akɛ: “Ŋwɛibɔfoi enyɔ tsotsoro shi yɛ maŋ lɛ he mfoniri bibioo lɛ nɔ, ni nɔ ni amɛhiɛ yɛ amɛdɛ ji Yehowa gbɛi lɛ.”

Nɔ ni afɔɔ feemɔ yɛ afii ohai 16, kɛ 17 lɛ mli ji shikai ni tamɔ nɛkɛ lɛ afeemɔ yɛ Europa German encyclopedia, ko ni afee yɛ afi 1838 wie akɛ: “Shikai sɔrɔtoi fɛɛ kɛ tsitsinaa tsɛɛ-nii ni wiemɔ, Yehowa yɔɔ nɔ lɛ ni miikpɛlɛ, ákɛ no kome too ni wiemɔ ni ji Yesu fata he, . . . ni sabala lɛ hu fata he lɛ fata wiemɔ ni ji Yehowa-shika lɛ he; akɛni afɔɔ enɛ namɔ yɛ Talers [aloo jwiɛtɛi shika ni German maji sɔrɔtoi lɛ fee yɛ afii ohai 15 kɛ 19 lɛ tɛŋ lɛ mli hewɔ lɛ], ábua fɛɛ naa yɛ gbɛi Jehovah-Talers aloo Yehowa-shika lɛ shishi.”

Eka shi faŋŋ akɛ mɛi ni kɛ stampu nɛɛ tsuɔ nii lɛ ateŋ mɛi pii leee akɛ Hebri niŋmaai ejwɛ lɛ damɔ shi kɛha Nyɔŋmɔ gbɛi lɛ. Shi Yehowa Odasefoi yɛ he miishɛɛ akɛ amɛaaha mɛi ale nɔ ni yɔɔ stampu lɛ nɔ nɛɛ ni amɛtsɔɔ mɛi lɛ eshishi yɛ bɔ ni Yehowa gbɛi lɛ he hiaa ha lɛ hewɔ. No hewɔ lɛ ayeɔ abuaa mɛi ni ‘amɛjie Yehowa gbɛi lɛ yi kɛjɛɔ he ni akpaa gbɛ nakai yɛ.​—Lala 135:1