‘Minyɛɛɛ Maŋmɛɛ He Mafɔ Shi’

Shwapo mli nihɔɔlɔ ko he Obaanyɛ Ohi Shi Kɛya Naanɔ yɛ Paradeiso pɛ Shikpɔŋ Nɔ wolo lɛ ekome yɛ Karibean ŋshɔkpɔ ni ji St. Lucia lɛ maŋtiase lɛ mli. Mɔ ni kɛ wolo nɛɛ ha yoo nɛɛ ŋma akɛ:

“Dani otsi lɛ aaaba naagbee lɛ, no mli lɛ etsɛ mi shii etɛ kɛbote eshwapo lɛ mli, be fɛɛ be ni maho yɛ eshwapo lɛ hiɛ. Ekane wolo lɛ fai komɛi ni eesumɔ ni atsɔɔ lɛ hell, susuma lɛ, kɛ Maria ni akɛɛ ejeee Nyɔŋmɔ nyɛ lɛ kɛ nibii krokomɛi amli atsɔɔ lɛ lolo. Eyɛ mli akɛ eji mɔ ko ni bɛ deka kwraa yɛ shwapo lɛ mli ni efɔɔɔ nikanemɔ moŋ, shi ekane wolo lɛ yɛ otsii enyɔ pɛ mli ni nɔ ni ekɛɛ ji akɛ: ‘Mikaneko wolo babaoo nɛkɛ yɛ mishihilɛ mli da. Kɛ eshɛ be ni ekanemɔ lɛ eha miyitso miigba mi po lɛ, miyaa nɔ mikaneɔ, minyɛɛɛ mikɛfɔ shi.’”

Nɛkɛ wolo nɛɛ wieɔ Biblia mli tsɔɔmɔ fɛɛ tsɔɔmɔ he, ebuaa emli odaseyelii lɛ anaa yɛ he kome ni etoɔ naa pɛpɛɛpɛ yɛ gbɛ ni aaanyɛ anu shishi koni sanebimɔi lɛ ahetoi lɛ amli afee faŋŋ aha nikanelɔ lɛ. Hemɔ ekome oha ohe, ni obaanyɛ onu nɔ hewɔ ni hiɛ sɔɔ wolo nɛɛ babaoo lɛ shishi.

Nyɛfainɛ nyɛkɛ wolo ni hiɛ baafa 256 kɛ emli mfonirii fɛfɛji ni ji Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ ekome amajea mi. Mikɛ ¢150.00 ewo mli kɛmiiwo nyɔmɔ.