Amɛna Yɛ Ekpɔlɔ Nɔ

Nitsulɔ ko ni tsuɔ nii yɛ Milan kɔɔyɔŋ lɛji adaamɔ he lɛ kɛ wolo, Obaanyɛ Ohi Shi Kɛya Naanɔ Yɛ Paradeiso Yɛ Shikpɔŋ Nɔ fɔ ekpɔlɔ nɔ ni egbele baafai 12 kɛ 13 ni mfonirii fɛfɛji yɔɔ jɛmɛ lɛ mli efɔ̃. Kɛ gbɔmɛi miiho lɛ amɛwaa ni amɛkwɛɔ wolo lɛ ni amɛbiɔ he ni amɛbaaná eko yɛ amɛhé. Kɔɔyɔŋ lɛji akudɔlɔ ko he wolo lɛ ekome, ekane ni ekɛtsɔɔ mɛi ni ekɛ amɛ tsuɔ nii yɛ kɔɔyɔŋ lɛlɛ lɛ mli lɛ. Eku sɛɛ eshɛ ekomekomei 37. Yɛ nyɔŋ kome sɛɛ lɛ ebi ni aha lɛ ekomekomei 48 ni ekɛha kɔɔyɔŋ lɛlɛ kudɔlɔi kɛ nitsulɔi krokomɛi. Beni be shwieɔ mli lɛ ekɛ 120 eha mɛikrokomɛi yɛ kɔɔyɔŋ lɛji adaamɔ he lɛ.

Wɔnuɔ he akɛ bo hu obaanyɛ ona wolo ni ekaaa nɛɛ he miishɛɛ. Nɔ ni eyi ebaafai 256 ni amɛdaramɔ tamɔ wolo tɛtrɛɛ ni ohiɛ nɛɛ amli obɔ ji mfonirii 150 ni yɔɔ sui sɔrɔtoi amli ni tsɔɔ mɔ nii. Obaanyɛ okase bɔ ni ooofee ofata mɛi ni baahi shi kɛya naanɔ yɛ Paradeiso yɛ shikpɔŋ nɔ lɛ ahe. Shɛɛ ekome bianɛ. Ejara ji ¢150 pɛ.

Nyɛfainɛ nyɛkɛ wolo, Obaanyɛ Ohi Shi Kɛya Naanɔ Yɛ Paradeiso Yɛ Shikpɔŋ Nɔ lɛ ekome amajea mi. Mikɛ ¢150 efata he kɛmiiwo nyɔmɔ.