Wɔnifeemɔi Saa Asafo Lɛ He

Wɔkaneɔ yɛ Abɛi 11:11 akɛ: “Jalɔi ajɔɔmɔ akɛwóɔ maŋ nɔ; Shi mɛi fɔji anaabu butuɔlɛ.”

Maŋbii ni nyiɛɔ jalɛgbɛ nɔ lɛ kɛ toiŋjɔlɛ kɛ ekpakpa baa, amɛtswaa mɛikrokomɛi amɛmaa shi ni amɛhaa maŋ lɛ shwereɔ. Shi mɛi ni wieɔ osheku ni amɛwieɔ wiemɔi fɔji ni pilaa mɔ lɛ kɛ naagba, awerɛhoo, mligbalamɔi kɛ oshara baa! Enɛ ji anɔkwale, titri lɛ kɛji mɛi ni feɔ nakai lɛ tara gbɛhei ni kwɔlɔ lɛ. Enɛ haa basabasafeemɔ, fitemɔ kɛ jeŋba gbonyo kɛ shikasaji ahejaramɔi baa maŋ lɛ mli.

Shishitoo mla ni awie he yɛ biɛ lɛ kɔɔ Yehowa Odasefoi ahe yɛ biɛ beni ‘amɛyɔɔ’ amɛsafoi ni tamɔ mɔji amli Lɛ. Asafo ni ehiɛnyiɛlɔi lɛ kɛ Ŋmalɛi lɛ tsuɔ nii ni amɛji mumɔŋ gbɔmɛi lɛ naa miishɛɛ, ehe dɔɔ, ehe baa sɛɛnamɔ ehaa emlibii lɛ, ni ewoɔ Nyɔŋmɔ hiɛ nyam. Nyɔŋmɔ hiɛ sɔɔ asafo lɛ, ni ehaa eshwereɔ yɛ mumɔ mli. Shi mɛi ni tsui enyɔɔɔ amɛ mli, ni amɛtaoɔ tɔmɔ kɛwieɔ nyanyanya kɛshiɔ bɔni afeɔ nibii ahaa lɛ tamɔ “shishifaa kɛ joomɔ” ni baanyɛ agbá ni efite mɛi ni tsutsu lɛ jeee nakai amɛyɔɔ lɛ. (Heb. 12:15) Bei pii lɛ, mɛi ni he yɔɔ ahutoo lɛ taoɔ hewalɛ kɛ anunyam. Amɛkɛ mligbalamɔi baa ni amɛkɛɔ akɛ aku hiɛ ashwie nibii anɔ, aloo ayeee jalɛsane, aloo aakwɛ mɛi ahiɛaŋ yɛ asafo lɛ mli aloo yɛ onukpai lɛ ateŋ, kɛ ekrokomɛi.

Abɛ kroko hu wie Shishitoo mla nɛɛ he yɛ aŋkroaŋkroi agbɛfaŋ akɛ: “Naajɔlɛ lilɛi lɛ, walatso ni; shi kutumpɔo nɔ lɛ, tsuiŋdɔlɛ ni.” (Abɛi 15:⁠4) Lilɛi ni le wiemɔ ni ewieɔ anɔ. kwale yɛ mlijɔlɛ, mlihilɛ kɛ heshibaa mli lɛ naa hewalɛ kpakpa yɛ mɔni boɔ toi lɛ nɔ. Ewoɔlɛ hewalɛ ni etswaalɛ emaa shi yɛ mumɔ mli, ni enɛ haa asafo muu Iɛ fɛɛ naa hewalɛ lɛ mumɔ mli. Shi amale lilɛi pilaa etoibolɔi lɛ, ‘ni ekumɔɔ amɛ mumɔ, ni ehaaa amɛ jwɛŋmɔ kpakpa ko ni baaye abaa amɛ yɛ walagbɛ lɛ nɔ. Nohewɔ lɛ, joomɔ lilɛi kɛ mumɔŋ fitemɔ kɛ gbele bahaa mɛikrokomɛi.