ŊAA NI MƆ KƐAATSU NII LƐ HE YƐ SƐƐNAMƆ

Gbi ko leebi lɛ, Maŋtsɛyeli lɛ he shiɛlɔ ko ni yɔɔ La Orotava yɛ Tenerife Ŋshɔkpɔ lɛ nɔ lɛ yatswa shinaa ko, ni nuu ko ni wɔ̀ yɔɔ ehia waa lɛ bagbele shinaa lɛ. Beni Odasefonyo (ni ji yoo) nɛɛ na akɛ ebatsiɛ̃ nuu lɛ kɛjɛ wɔ mli lɛ, ekpale fai, ni ekɛ Kristofoi awoji ni ehiɛ lɛ halɛ yɛ gbɛ kuku ko nɔ, ni nuu lɛ ŋɔ nomɛi.

Fee sɛɛ l, Odasefonyo nɛɛ kɛ ewu yasara nuu ni gbɛi ji Isidro nɛɛ. Nuu lɛ kɛɛ tsɛbelɛ ekaneɔ Biblia lɛ beikomɛi moŋ, shi enuuu shishi. Isidro ŋɔ wolo ni gbɛi ji Anɔkwale ni kɛ Mɔ yaa Naanɔ Wala mli Lɛ ekome.

Beni atee Isidro saramɔ klɛŋklɛŋ lɛ, nɔkɔnako he e-Biblia lɛ baafai ateŋ, shi beni Odasefoi enyɔ lɛ ku amɛsɛɛ amɛyasaralɛ ekoŋŋ lɛ, ana akɛ e-Biblia kɛ Anɔkwale wolo ni ahalɛ lɛ mli eyi tɔ kɛ Nyɔŋmɔjamɔŋ mfonirii. Yeɔ sanegbaa lɛ mli lɛ, enɛɛmɛi ateŋ ekome gbee shikpɔŋ. Odasefoi ni balɛ saramɔ lɛ ateŋ mɔkome kɔ ni ekɛfɔ̃ okpɔlɔ lɛ nɔ.

Sɛɛ mli lɛ, Isidro kɛɛ Odasefonyo lɛ akɛ tsɔne etsɔ amɛ lɛ, ejaakɛ enu akɛ akɛɛ Protestantebii shãa. Nyɔŋmɔjamɔŋ amagai kɛji amɛtee mɛi ashiai amli. Jeee Protestantebii ji Yehowa, Odasefoi moŋ, shi etamɔ nɔni kulɛ Isidro yiŋ etɛɛɛlɛ yɛ nɔni amɛ aaafee he. Kɛlɛ beni akase yitso ko yɛ Anɔkwale wolo lɛ mli sɛɛ lɛ, Isidro kɛ eŋa diɛŋtsɛ jie amagajamɔ he nibii fɛɛ kɛjɛ amɛshia lɛ.

Etsɛɛɛ kwraa ni Isidro kɛ eŋa lɛ tee hiɛ yɛ mumɔŋ waa ni amɛbɔi amɛhe saamɔ koni abaptisi amɛ akɛ anɔkwa Kristofoi. Agbɛnɛ hu kɛtsɔ amɛmɔdɛŋbɔɔ nɔ lɛ, amɛwekumɛi ateaŋ mɛi ekpaa bɔi Biblia lɛ kasemɔ. Amɛteaŋ mɛi etɛ kɛ Isidro​—nuu hiɛtɛlɔ ni atsiɛ̃lɛ gbi ko leebi kɛjɛ wɔ́ kpakpa ko mli ni ena ehe nii ni atsu yɛ ŋaa mli lɛ he sɛɛ jogbaŋŋ​—lɛ diɛŋtsɛ gbaa Ŋmalɛi lɛ ahe sane.