Israel Kɛ Maji Ni Bɔle Lɛ

YEHOWA kɛɛ Abraham akɛ: ‘Shi Ur ni yɔɔ Mesopotamia lɛ kɛya shikpɔŋ ni matsɔɔ bo lɛ nɔ.’ No mli lɛ, maji yɛ nakai shikpɔŋ lɛ nɔ, ni maji krokomɛi bɔle amɛ.​—1Mo 12:1-3; 15:17-21.

Be ni Nyɔŋmɔ webii lɛ shiɔ Ejipt lɛ, amɛle akɛ ekolɛ henyɛlɔi tamɔ “Moab kãkãlɔi lɛ” baate shi awo amɛ. (2Mo 15:14, 15, shn.) Amalekbii, Moabbii, Amonbii, kɛ Amorbii yɛ hei ni amɛbaatsɔ kɛya Shiwoo Shikpɔŋ lɛ nɔ lɛ. (4Mo 21:11-13; 5Mo 2:17-33; 23:3, 4) Ni amɛkɛ jeŋmaji krokomɛi ni nyɛɔ amɛ baayakpe yɛ shikpɔŋ ni Nyɔŋmɔ ewo shi akɛ ekɛbaahã amɛ lɛ nɔ.

Nyɔŋmɔ kɛɛ esa akɛ Israel ‘ashwie’ jeŋmaji kpawo “ni amɛmli bii lɛ ayi fa babaoo”​—Hitbii, Girgashbii, Amorbii, Kanaanbii, Perizbii, Hivbii, kɛ Yebusbii​—ní sa hiɛkpatamɔ lɛ. Amɛjeŋba efite kwraa ni amɛjamɔ lɛ esaaa. Nyɔŋmɔi ni amɛjá lɛ ji Baal (ni ehe tɛ akulashiŋi ni afeɔ lɛ tamɔ nuutso), Molek (akɛ gbekɛbii shãa afɔle ahãa lɛ), kɛ nyɔŋmɔyoo Ashtoret (Astarte) ni asusuɔ akɛ ehãa ŋmɔshi nibii baa, ehãa afɔɔ, ni ehãa kooloi shwereɔ hu lɛ.​—5Mo 7:1-4; 12:31; 2Mo 23:23; 3Mo 18:21-25; 20:2-5; Koj 2:11-14; La 106:37, 38.

Bei komɛi lɛ, atsɛɔ he ni Nyɔŋmɔ kɛhã Israel lɛ fɛɛ akɛ “Kanaan,” kɛjɛ Sidon kooyigbɛ kɛyashi “Ejipt Nujɔɔ lɛ” naa. (4Mo 13:2, 21; 34:2-12; 1Mo 10:19) Bei komɛi hu lɛ, Biblia lɛ tsĩɔ jeŋmaji srɔtoi, maŋtiasei, loo gbɔmɛi akui ni yɔɔ jɛmɛ lɛ atã. Amɛteŋ mɛi komɛi hi hei pɔtɛi, akɛ nɔkwɛmɔnɔ lɛ, Filistibii lɛ hi ŋshɔ lɛ naa, ni Yebusbii lɛ hi gɔji ni yɔɔ Yerusalem masɛi lɛ anɔ. (4Mo 13:29; Yos 13:3) Shi sɛɛ mli lɛ, amɛteŋ mɛi komɛi tsake hei ni amɛyɔɔ lɛ.​—1Mo 34:1, 2; 49:30; Yos 1:4; 11:3; Koj 1:16, 23-26.

Be ni Israelbii lɛ shiɔ Ejipt lɛ, no mli lɛ ekolɛ, Amorbii lɛ ji mɛi ni yɔɔ hewalɛ waa.a (5Mo 1:19-21; Yos 24:15) No mli lɛ, amɛŋɔ Moabbii ashikpɔŋ ni yɔɔ wuoyigbɛ kɛyaa Arnon nujɔɔ lɛ naa lɛ, eyɛ mli akɛ atsɛɔ shikpɔŋ ni yɔɔ Yordan Faa lɛ sɛɛ lɛ, kɛjɛ Yeriko lɛ, akɛ “Moab ŋa kpataa lɛ.” Amorbii amaŋtsɛmɛi ye Bashan kɛ Gilead hu nɔ.​—4Mo 21:21-23, 33-35; 22:1; 33:46-51.

Eyɛ mli akɛ Nyɔŋmɔ yɛ Israelbii lɛ asɛɛ moŋ, shi amɛkpãtãaa nakai maji ni abu amɛ fɔ lɛ fɛɛ ahiɛ kɛmɔɔɔ shi, ni sɛɛ mli lɛ, amɛtsɔ Israel tsɔne. (4Mo 33:55; Yos 23:13; Koj 2:3; 3:5, 6; 2Ma 21:11) Hɛɛ, Nyɔŋmɔ bɔ amɛ kɔkɔ akɛ: “Nyɛkanyiɛa nyɔŋmɔi krokomɛi asɛɛ, nyɛkanyiɛa maji ni bɔle nyɛ lɛ anyɔŋmɔi lɛ ateŋ eko eko sɛɛ.” Fɛɛ sɛɛ lɛ, tsɔne nɛɛ du amɛ.​—5Mo 6:14; 13:7.

[Shishigbɛ niŋmaa],[Shishigbɛ niŋmai]

[Shikpɔŋ he mfoniri ni yɔɔ baafa 11]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Jeŋmaji Ni Abaashwie amɛ Kɛjɛ Shiwoo Shikpɔŋ Lɛ nɔ

FOINIKE (D8)

D8 Ashkelon

D9 Gaza

E9 Ashdod

E8 Gat

E9 Gerar

KANAAN (D8)

B10 AMALEKBII

D12 Hazar-Adar (Adar?)

D12 Kadesh (Kadesh-Barnea)

E8 Lakish

E9 Beer-sheba

E10 AMORBII

E11 WUOYIGBƐ

Ɛ4 Dor

Ɛ5 Megido

Ɛ5 Taanak

Ɛ6 Afek

Ɛ6 HIVBII

Ɛ7 YEBUSBII

Ɛ8 Bet-Shemesh

Ɛ8 Hebron (Kiriat-Arba)

Ɛ9 HITBII

Ɛ9 Debir

Ɛ10 Arad (Kanaan nɔ)

Ɛ10 KENBII

Ɛ11 Akrabim

F4 GIRGASHBII

F6 Shekem

F7 PERIZBII

F7 Gilgal

F7 Yeriko

F8 Yerusalem

G2 HIVBII

G2 Dan (Laish)

G3 Hazor

FILISTEA (F2)

Ɛ2 Tiro

F1 Sidon

EDOM (F12)

F11 SEIR

G11 Bozra

AMORBII (SIHON) (G8)

G6 GILEAD

G7 Shitim

G7 Heshbon

G9 Aroer

SIRIA (H1)

G1 Baal-Gad

G2 HIVBII

I1 Damasko

MOAB (H10)

AMORBII (OG) (I5)

G6 GILEAD

H3 BASHAN

H4 Ashtarot

H4 Edrei

AMON (17)

H7 Raba

[Shĩa ŋãi]

H12 ARABIA SHĨA ŊA

[Gɔji]

Ɛ4 Karmel Gɔŋ

Ɛ11 Hor Gɔŋ

G1 Hermon Gɔŋ

G8 Nebo Gɔŋ

[Nui]

D6 Mediterenia Ŋshɔ (Ŋshɔ Wulu)

F9 Ŋoo Ŋshɔ

G4 Galilea Ŋshɔ

[Fai kɛ nui ni hoɔ]

B11 Ejipt Nujɔɔ

F6 Yordan Nujɔɔ

G6 Yabok Nujɔɔ

G9 Arnon Nujɔɔ

G11 Zered Nujɔɔ

[Mfonirii ni yɔɔ baafa 10]

Ninejurɔgbɛ: Amorbii amaŋtsɛ Og ye Bashan nɔ, ni tsinai kɛ toi yɛ jɛmɛ waa

Shishigbɛ: Moab, ni Ŋoo Ŋshɔ lɛ kɛ Yuda ŋa kpataa lɛ yɛ ehiɛgbɛ

[Mfoniri ni yɔɔ baafa 11]

Yehowa fã Israelbii lɛ akɛ, amɛshwie jeŋmaji ni jáa amale nyɔŋmɔi tamɔ Baal, Molek, kɛ nyɔŋmɔyoo Ashtoret (ehe mfoniri nɛ) lɛ kɛje shikpɔŋ lɛ nɔ