Ehe Miihia Ni Okase Nyɔŋmɔ He Nii

Kɛ obaafee Nyɔŋmɔ naanyo lɛ, ehe miihia ni okase ehe nii. Ani onanemɛi le ogbɛi ni amɛkɛtsɛ́ɔ bo? Amɛfeɔ nakai. Nyɔŋmɔ hu miisumɔ ni ole egbɛi ni okɛtsu nii. Nyɔŋmɔ gbɛi ji Yehowa. (Lala 83:19; Mateo 6:9) Esa akɛ okase nɔ ni esumɔɔ kɛ nɔ ni esumɔɔɔ hu. Esa akɛ ole mɛi ni enanemɛi ji kɛ mɛi ni ehenyɛlɔi ji. Eheɔ be dani anyɛɔ aleɔ mɔ ko. Biblia lɛ kɛɔ akɛ nilee yɛ mli akɛ aaato be ama shi ni akɛkase Yehowa he nii.—Efesobii 5:15, 16.

Nyɔŋmɔ nanemɛi feɔ nɔ ni saa ehiɛ. Susumɔ onanemɛi lɛ ahe. Kɛ ofee amɛ efɔŋ ni ofee nibii ni amɛnyɛ̃ɔ lɛ, ani amɛbaaya nɔ amɛfee onanemɛi lolo? Dabi kwraa! Nakai nɔŋŋ hu kɛ́ oosumɔ ni otsɔ Nyɔŋmɔ naanyo lɛ, esa akɛ ofee nɔ ni saa ehiɛ.—Yohane 4:24.

Jeee jamɔi fɛɛ kɛ mɔ yaa Nyɔŋmɔ kɛ naanyobɔɔ mli. Yesu, ni ji Nyɔŋmɔ naanyo ni bɛŋkɛ lɛ fe fɛɛ lɛ wie gbɛjegbɛi enyɔ ko he. Gbɛ lɛ ekome nɔ lɛɛ ni gbɔmɛi pii nyiɛ nɔ. Nakai gbɛ lɛ kɛ mɔ yaa hiɛkpatamɔ mli. Gbɛ kroko lɛ yɛ fintɔŋŋ ni gbɔmɛi fioo pɛ nyiɛ nɔ. Nakai gbɛ lɛ kɛ mɔ yaa naanɔ wala mli. Enɛ tsɔɔ akɛ kɛ́ oosumɔ ni otsɔ Nyɔŋmɔ naanyo lɛ, esa akɛ okase gbɛ ni ja ni atsɔɔ nɔ ajáa lɛ lɛ.—Mateo 7:13, 14.