Lěe È Ná Kplɔ́n Nǔ Gbɔn é
Lěe è ná zán akpáxwé “Nǔ yɔ̌yɔ́ lɛ́” alǒ “Nouveautés” ganjí gbɔn é
È nɔ mɔ nǔ yaɖéyaɖé ɖěɖěe tɔ́n lɛ́ é ɖo akpáxwé “Nouveautés” e ɖo JW Library® mɛ é mɛ; akpáxwé énɛ́ wɛ è nɔ lɛ́ ylɔ́ ɖo jw.org jí ɖɔ “Nǔ yɔ̌yɔ́ lɛ́”. Nɛ̌ a ka sixú zán akpáxwé énɛ́ dó mɔ nǔ gǔdo gúdo tɔn e tɔ́n lɛ́ é gbɔn?
JW Library
Ényí è ɖe xóta yɔ̌yɔ́ ɖé tɔ́n ɔ, é nɔ byɔ́ akpáxwé xóta ɖěbɔdóɖěwú lɛ́ tɔn e mɛ é ɖó ná nɔ é. Énɛ́ wú ɔ, ényí xóta ɖěbɔdóɖěwú énɛ́ lɛ́ ɖě lɛ́vɔ́ wá tɔ́n ɖo akpáxwé “Nouveautés” mɛ hǔn, yǐ gǔdo gúdo tɔn e tɔ́n é. Énɛ́ ɔ, a sixú xa xóta yɔ̌yɔ́ e tɔ́n é; è to xóta lɛ́ sɔgbe xá azǎn lɛ́ ɔ, xóta gǔdó gúdo tɔn e tɔ́n é wɛ nɔ tɔ́n ɖo aga bǐ.
A sixú kpé wú bo xa wěma e mɛ nǔ sukpɔ́ ɖe lɛ́ é, ɖi xójláwéma lɛ́ mɔ̌ bǐ xwaaa ɖo tɛndo ɖokpó ɔ mɛ ǎ. A sixú sɔ́ dó akpáxwé “Favoris” towe mɛ, énɛ́ ɔ, é ná bɔ wǔ nú we bɔ a ná yá wǔ mɔ, bo lɛ́ gbɛ kan dó xixa tɔn nu. Ényí a xa fó ɔ, a sixú ɖe sín “Favoris” mɛ.
JW.ORG
Nǔɖé lɛ́ tíin bɔ jw.org kɛ́ɖɛ́ jí wɛ yě nɔ tɔ́n ɖe, yě nɔ tɔ́n ɖo JW Library mɛ ǎ; nǔ yɔ̌yɔ́ e tɔ́n lɛ́ é kpó ɖɔnúese lɛ́ kpó lɔ ɖo nǔ énɛ́ lɛ́ mɛ. Flín bo nɔ yi kpɔ́n akpáxwé “Nǔ yɔ̌yɔ́ lɛ́” e ɖo tɛn Ɛntɛnɛ́ti tɔn mǐtɔn jí é mɛ hwɛhwɛ, bá dó mɔ nǔ yaɖéyaɖé e tɔ́n lɛ́ é.