A ka ko sɔ́ nǔ ɖ’ayǐ nú hunnyahunnya to tɔn lɛ́ a?

Ée gbɛ élɔ́ sín vivɔnu ná ɖo sisɛkpɔ́ wɛ é ɔ, mǐ nɔ ɖó nukún ɖɔ hunnyahunnya to tɔn lɛ́, wɔ̌nxixogbɛwú kpó ahwan kpó ná fɔ́n bó ɖo jijɛjí wɛ. (Nǔ 6:4) Nɛ̌ mǐ ka sixú sɔ́ nǔ ɖ’ayǐ nú tagba sɔgúdo tɔn lɛ́ gbɔn?

• Sɔ́ nǔ ɖ’ayǐ ɖo gbigbɔ lixo: Nɔ ɖó kɛ́n nǔgbódodó Biblu tɔn kpó tan kpó ɖěɖěe ná ná hlɔ̌nhlɔ́n ji e a ɖe dó Jehovah kpó tutoblónúnǔ tɔn kpó wú, bɔ yě ná d’alɔ we bɔ a ná nɔ gbejí lɛ́ é jí. (Nǔx 12:5; jr 125-126 akpá. 23-24) Din wɛ nyí hwenu ɔ bɔ mǐ ná sɔ́ nǔ nú xɔ́ntɔn vívɛ́ lɛ́ bó zun ɖo agun ɔ mɛ.—1Pi 4:7, 8

• Sɔ́ nǔ ɖ’ayǐ ɖo agbaza lixo: Ényí a ma sixú jó xwé towe dó ǎ ɔ, blǒ tuto bó ná nɔ ayijayǐ mɛ, bó lɛ́ bló tuto nǔɖuɖu e ɖo jlɛ̌ jí é tɔn. Gɔ́ ná ɔ, ényí é byɔ́ ɖɔ a ɖó ná jó xwé towe dó hǔn, blǒ tuto nǔ e a ɖó ná wa é tɔn. Vɔ̌ nǔ ɖěɖěe ɖo sáki ajijimɛnú tɔn towe mɛ lɛ́ é gbéjé kpɔ́n, bó bɛ́ gǎan, awɔntíncyɔ́nnú, kpó akwɛ́ kpó d’é mɛ. Mɔ nǔ jɛ wú ɖɔ a tuun lěe a sixú mɔ mɛxó agun tɔn lɛ́ gbɔn é, bɔ yě lɔmɔ̌ tuun lěe yě sixú mɔ we gbɔn é.—Eza 32:2; g17.5 3-7

Ðo hunnyahunnya to tɔn hwenu ɔ, kpo ɖo nǔ ɖěɖěe a ko nɔ wa hwɛhwɛ dó sɛn Jehovah lɛ́ é wa wɛ; yě wɛ nyí ɖɛxixo, nǔkplɔ́nkplɔ́n, kpó kplé lɛ́ yiyi kpó. (Fili 1:10, nwt) Nyi alɔ nú tɛnsisɛ sín tɛn ɖé mɛ jɛ ɖěvo mɛ, afi nú é byɔ́ ɖɔ a ní wa mɔ̌ dandan ɔ nɛ́. (Mt 10:16) Nɔ má nǔɖuɖu kpó nǔ ɖěvo e a ɖó lɛ́ é kpó xá mɛ ɖěvo lɛ́.—Hlɔ̌ 12:13.

KPƆ́N VIDEO A KA KO SƆ́ NǓ Ð’AYǏ NÚ AWĚXOMƐ LƐ́ A? Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ Jehovah ka nɔ d’alɔ mǐ hwenu e adla j’ayǐ é gbɔn?

• Nǔ tawun tawun tɛ́ lɛ́ mǐ ka sixú wa dó sɔ́ nǔ ɖ’ayǐ?

• Nɛ̌ mǐ ka sixú d’alɔ mɛ ɖěɖěe awě xo lɛ́ é gbɔn?