Nyǐ Gbexosin-Alijitɔ́ Dó Kpa Susu nú Jehovah

Izlayɛli-ví lɛ ɖó hwɛjijɔ titewungbe e wu ye na kpa susu nú Jehovah lɛ é. É ɖè ye tɔ́n sín Ejipu, bo hwlɛn ye ɖò ahwankpá Falawɔ́ɔn tɔn sí! (Tí 15:1, 2) Jehovah kpò ɖò ɖagbe wà nú togun tɔn wɛ. Nɛ̌ mǐ ka sixu ɖè nǔsumɛnukúnmɛ xlɛ́ Jehovah gbɔn?—Ðɛ 116:12.

Ali e nu mǐ sixu wà mɔ̌ ɖè é ɖokpo wɛ nyí ɖɔ mǐ na nyí gbexosin-alijitɔ́ alɔgɔtɔ́, alǒ hwebǐnu tɔn. A sixu xoɖɛ bá ɖó jlǒ kpo hlɔnhlɔn kpo bá dó nyí gbexosin-alijitɔ́. (Fili 2:13, nwt) Mɛ gegě nɔ tó nyí gbexosin-alijitɔ́ alɔgɔtɔ́ hwɛ̌. Enyi é jló we ɔ, a sixu zán ganxixo 30 alǒ 50 e è byɔ é ɖò mars kpo avril kpo, kpodo sun e mɛ nukúnkpénuwutɔ́ lɛdo tɔn na wá ba agun ɔ kpɔ́n é kpo mɛ. Enyi a ɖɔ́ awǎjijɛ e sinsɛnzɔ́ gbexosin-alijitɔ́ alɔgɔtɔ́ tɔn nɔ hɛn wá nú mɛ é kpɔ́n ɔ, é sixu jló we bɔ a na lɛ́ dó gǎn d’eji bá nyí gbexosin-alijitɔ́ hwebǐnu tɔn. Mɛ e nɔ wà agbazazɔ́ hwebǐnu alǒ azɔn ɖó dogbó nú ye é ɖé lɛ tlɛ kpéwú bo nyí gbexosin-alijitɔ́ hwebǐnu tɔn. (mwb16.07 8) É ɖò wɛn ɖɔ Jehovah jɛxa gǎn ɖebǔ e mǐ na dó dó kpa susu n’i é!—1Tan 16:25.

KPƆ́N VIDEO NƆVÍ NYƆNU ATƆN ÐÒ MONGOLIE Ɔ, ENƐ GUDO HǓN, NǍ XÓSIN NÚ NǓKANBYƆ E BƆ D’EWU LƐ É:

• Wuvɛ̌ tɛ lɛ jí nɔví nyɔnu atɔn lɛ ka ɖu ɖè cobo nyí gbexosin-alijitɔ́ hwebǐnu tɔn?

• 

  Nyɔna tɛ lɛ ye ka mɔ?

• 

  Ðó ye nyí gbexosin-alijitɔ́ hwebǐnu tɔn wutu ɔ, Jehovah sinsɛn sín ali yɔyɔ̌ ɖevo tɛ lɛ ka hun nú ye?

• 

  Ðagbe tɛ kpɔ́ndéwú yetɔn ka wà nú mɛ ɖevo lɛ?