Nɔ zán “nǔníná gbigbɔ tɔn” towe

Ényí mǐ zán hwenu ɖó kpɔ́ xá nɔví súnnu kpó nɔví nyɔ̌nu kpó mǐtɔn lɛ́ ɔ, é nɔ dó wǔsyɛ́n lanmɛ nú mǐ. Amɔ̌, wǔsyɛ́n dídó lanmɛ nú mɛ énɛ́ zɛ kpɔ́ ninɔ kpowun wú. Biblu ylɔ́ nǔwúkpíkpé e mǐ ɖó bo ná ná hlɔ̌nhlɔ́n nǔɖiɖi mǐɖée lɛ́ tɔn é ɖɔ “nǔníná gbigbɔ tɔn.” (Hlɔ̌. 1:11, 12) Nɛ̌ mǐ ka sixú zán nǔníná énɛ́ ganjí gbɔn?

Nɔ dó wǔsyɛ́n lanmɛ nú mɛ ɖěvo lɛ́ gbɔn nǔ e a nɔ ɖɔ lɛ́ é gblamɛ. Ði kpɔ́ndéwú ɔ, mǐ sixú nɔ ná xósin e ma nɔ dɔn ayi wá mǐɖésúnɔ jí ǎ lɛ́ é, é nyɔ́ wa ɔ, éé nɔ dɔn yi Jexóva, Xó tɔn kpó togun tɔn kpó jí lɛ́ é ɖo kplé lɛ́ jí. Hwenu e mǐ ɖo xó ɖɔ ɖó kpɔ́ xá nǔɖitɔ́ hǎtɔ́ mǐtɔn lɛ́ wɛ é ɔ, mǐ sixú wá gbeta ɔ kɔn bo ná nɔ ɖɔ xó dó xóta e nɔ dó wǔsyɛ́n lanmɛ nú mɛ lɛ́ é jí.

Nɔ dó wǔsyɛ́n lanmɛ nú mɛ ɖěvo lɛ́ gbɔn gbeta towe lɛ́ kpó nǔwiwa towe lɛ́ kpó gblamɛ. Ði kpɔ́ndéwú ɔ, mɛɖé lɛ́ ɖo xwi ɖí xá tagba mɛɖésúnɔ tɔn lɛ́ wɛ cóbó ka wá gbeta ɔ kɔn bá kpo ɖo sinsɛnzɔ́ hwebǐnu tɔn mɛ. Mɛ ɖěvo lɛ́ tíin bɔ azɔ̌ yětɔn nɔ zɔ́n bɔ nǔ nɔ ci kɔ nú yě tawun, alǒ yě ɖo azɔn syɛ́nsyɛ́n jɛ wɛ cóbó ka nɔ yi kplé aklúnɔzángbla tɛ́ntin tɔn lɛ́ ɖo gbesisɔmɛ.

Lěe a nɔ ɖe nǔɖiɖi towe xlɛ́ gbɔn é ka nɔ dó wǔsyɛ́n lanmɛ nú nɔví súnnu kpó nɔví nyɔ̌nu kpó towe lɛ́ a? A ka nɔ ɖ’ayi nǔ e nɔví súnnu kpó nɔví nyɔ̌nu kpó towe lɛ́ nɔ ɖɔ, bo nɔ lɛ́ wa bá dó dó wǔsyɛ́n lanmɛ nú we lɛ́ é wú a?