27 MAI–2 JUIN
ÐƐHAN 42-44
Han 86 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Nɔ zán nǔ ɖěɖěe Jexóva nɔ kplɔ́n mǐ lɛ́ é
(Cɛ́jú 10)
Nɔ sɛn Jexóva ɖó kpɔ́ xá mɛ ɖěvo lɛ́, bɔ nú é nyɔ́ bló hǔn, nɔ wa mɔ̌ tlɔlɔ (Ðɛ 42:5, 6; w06 1/6 9 akpá. 4)
Nɔ xo ɖɛ cóbó nɔ jɛ Xó Mawu tɔn kplɔ́n jí (Ðɛ 42:9; w12 15/1 15 akpá. 2)
Jǒ Biblu dó nú é ní nɔ xlɛ́ ali we ɖo nǔ e a nɔ wa lɛ́ é bǐ mɛ (Ðɛ 43:3)
Nǔ e Jexóva nɔ kplɔ́n mǐ lɛ́ é nɔ d’alɔ mǐ bɔ mǐ nɔ dɛ ɖo wǔvɛ́ lɛ́ nu, bo nɔ ɖe akpá e mǐ dó ɖɔ mǐ ná sɛn ɛ káká sɔ́yi é.—1Pi 5:10; w16.09 5 akpá. 11-12.
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Ðɛ 44:20: Étɛ́ dó gesí wɛ xógbe “avǔn gbě tɔn lɛ́ tɛ́ntin” ɔ ka ɖe? (it-1 417)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 44:2-27 (th nǔkpɔ́nnúmɛ 11)
4. Xóɖɔɖókpɔ́ ɖé bíbɛ́
(Cɛ́jú 4) SÍN XWÉ ÐÉ GBE JƐ XWÉ ÐÉ GBE. Xwlé Biblu kplɔ́nkplɔ́n mɛ ɔ. (lmd nǔkplɔ́nkplɔ́n 5 kɛ́n 5)
5. D’afɔ nú jlǒ e mɛ ɔ ɖó é
(Cɛ́jú 5) SÍN XWÉ ÐÉ GBE JƐ XWÉ ÐÉ GBE. Ylɔ̌ mɛ ɔ nú xóɖiɖɔ jínjɔ́n Biblu jí nú mɛ bǐ e ná bɔ d’é wú é. Xlɛ́ video Nɛ̌ nǔ lɛ́ ka nɔ yi gbɔn ɖo kpléxɔ Axɔ́súɖuto ɔ tɔn ɖé mɛ? (lmd nǔkplɔ́nkplɔ́n 7 kɛ́n 5)
6. Xóɖiɖɔ
(Cɛ́jú 3) lmd mɔjɛmɛ ɖěvo lɛ́ A kɛ́n 4. Xóta: Mɛ bǐ ná ɖó lanmɛ syɛ́n hunsin ɖagbe. (th nǔkpɔ́nnúmɛ 2)
Han 21
7. Wǎ gbeta e nǔnywɛ́ kpé lɛ́ é kɔn dó azɔ̌ kpó wěma kplɔ́nkplɔ́n kpó wú
(Cɛ́jú 15) Xóɖɔɖókpɔ́.
Mɛ wínnyáwínnyá lɛ́ è mi, mi ka ɖo nǔ e mi ná wa ɖo wěmaxɔmɛ linsinmɛ tɔn gúdo é sín tuto bló wɛ a? Mi sixú ko ɖo linlin wɛ bá wa azɔ̌ e ná zɔ́n bɔ mi ná sixú nyí gběxosín-alijítɔ́ é ɖé. Alǒ bóyá, mi sixú ko ɖo tamɛ lin dó nǔ ɖěvo e mi sixú kplɔ́n d’é jí b’ɛ ná d’alɔ mi bɔ mi ná ɖó nǔwúkpíkpé, alǒ kúnnuɖewéma e ná zɔ́n bɔ mi ná sixú mɔ azɔ̌ mɔ̌hun é ɖé jí wɛ. Hwenu e sɔ́ akpakpa mɛ é ɖé wɛ é nyí ɖo gbɛzán mitɔn mɛ! É ɖo mɔ̌ có, mi sixú wá dán ɖěwagbɛn alǒ mɔ ɖɔ è ɖo kɔ gbídí nú mi wɛ bónú mi ná wá gbeta e ná hɛn xomɛ hun mɛ ɖěvo lɛ́ é ɖé kɔn. Étɛ́ ka sixú d’alɔ mi bɔ mi ná wá gbeta e nǔnywɛ́ kpé lɛ́ é kɔn?
Ylɔ̌ kpléwátɔ́ lɛ́ ɖokpó nú é ní xa Matíe 6:32, 33. Énɛ́ gúdo hǔn, kan nǔ élɔ́ lɛ́ byɔ́:
Étɛ́wú é ka nyɔ́ ɖɔ nǔ e gbé è ná nya ɖo gbigbɔ lixo lɛ́ é ní za wě nú mɛ ganjí cóbɔ è ná wá gbeta azɔ̌ kpó wěma kplɔ́nkplɔ́n kpó tɔn tají lɛ́ kɔn?
Nɛ̌ mɛjitɔ́ lɛ́ ka sixú d’alɔ vǐ yětɔn lɛ́ bɔ yě ná zán Matíe 6:32, 33 gbɔn?—Ðɛ 78:4-7
Nɔ acéjí bo ma jó jlǒ ayijayǐ biba ɖo akwɛ́ linu alǒ nyǐ ɖiɖi tɔn dó nú é wa nǔ dó gbeta e kɔn a ná wá lɛ́ é wú ó. (1Jn 2:15, 17) Flín ɖɔ dɔkun jijɛ kpowun sixú zɔ́n bɔ wɛn Axɔ́súɖuto ɔ tɔn yíyí ná vɛ́ wǔ nú mɛɖé. (Lk 18:24-27) Ényí mɛɖé ɖo dɔkun jijɛ gbé nya wɛ ɔ, é ná vɛ́ wǔ n’i bɔ é ná ɖó nǔɖiɖi syɛ́nsyɛ́n bo lɛ́ sɔ́ ayi ɖó nǔ e nɔ hɛn xomɛ hun Jexóva lɛ́ é jí.—Mt 6:24; Mk 8:36.
Xo VIDEO Cɔ́ hwiɖée dó jiɖiɖe dó nǔ e ma ná nɔ ayǐ ǎ lɛ́ é wú!: Dɔkun ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Nɛ̌ Nǔnywɛ́xó 23:4, 5 ka sixú d’alɔ we bɔ a ná wá gbeta e nǔnywɛ́ kpé lɛ́ é kɔn gbɔn?
8. Biblu kplɔ́nkplɔ́n agun tɔn
(Cɛ́jú 30) bt wět. 10 akpá. 5-12