Nukɔnyiyi Sinsɛnzɔ́ ɔ Tɔn Lɛ

Nɔví Mark Sanderson e ɖò hagbɛ̌ alixlɛ́mɛtɔ́ ɔ mɛ é ɖè Les Saintes Écritures: Traduction du monde nouveau tɔ́n dó Vegbe mɛ ɖò azǎn 28gɔ́ Woosun 2014 tɔn, ɖò kpléɖókpɔ́ sín xɔ Accra tɔn sá ɖò Ghana. Xomɛ hun nɔví sunnu kpo nɔví nyɔnu kpo 8 009 e kplé ɖò finɛ lɛ é tawun. È bló bɔ tuto ɔ lɛ́ dín ɖò fí wè ɖevo ɖò Ghana (bɔ mɛ 4 149 kpo mɛ 3 110 kpo ɖu lè tɔn), ɖò Côte d’Ivoire (bɔ mɛ 689 ɖu lè tɔn) kpo anyǔmlimli-safɔtɛn Kegue tɔn kpo ɖò Lomé, Togo (bɔ mɛ 25 317 ɖu lè tɔn). Hwenu e è ɖè Biblu ɔ tɔ́n lě bo jɛ mìmá nú mɛ e wá lɛ é ɖokpo ɖokpo jí é ɔ, asíkpɛ́ kɛɖɛ wɛ jɛ túnú tɔn. Mǐ ɖò awǎ jɛ xá nɔví mǐtɔn e nɔ dó Vegbe lɛ é wɛ, ɖó Traduction du monde nouveau ɔ blebu tɔn ɖò gbè yetɔn mɛ dìn lo.