Wemaxɔmɛ Azɔ̌ Yɛhwexɔsuɖuto ɔ Tɔn Sín Vɔ̌gbɔnji
È na gbějé nùkanbyɔ elɔ lɛ kpɔ́n ɖò Wemaxɔmɛ Azɔ̌ Yɛhwexɔsuɖuto ɔ Tɔn e è na bló ɖò aklunɔzán gbla azǎn 27 Lidosun 2015 tɔn é hwenu. È wlan azǎn e jí è na w’azɔ̌ dó nǔ ɖokpo ɖokpo jí ɖè é d’emɛ bonu è na dó sixu ba dò nú nǔ hwenu e è ɖò nǔ sɔ́ nú wemaxɔmɛ ɔ wɛ ɖò aklunɔzán gbla ɖokpo ɖokpo mɛ é.
1. Wanyiyi alɔkpa tɛ ka nyí xomɛnyínyɔ́? Fitɛ lɛ mǐ ka ɖó hudo tɔn ɖè tawun ɖò gbɛzinzan mǐtɔn mɛ? (Hwli. 1:16, 17) [2 Xwèjísun, ia-EG wex. 38 akpá. 19]
2. Etɛ lɛ Hwliti ka bló b’ɛ xlɛ́ ɖɔ é nyí “nyɔnu jijɔ ɖagbenɔ” ɖé? (Hwli. 3:11) [2 Xwèjísun, ia-EG wex. 47-48 akpá. 19, 21]
3. Hwenu e mǐ ɖò tagba lɛ mɔ wɛ é ɔ, ali tɛ nu kpɔ́ndéwú Ana tɔn ka sixu hɛn lè wá nú mǐ ɖè? (1 Sam. 1:16-18) [9 Xwèjísun, w07-EG 15/3 wex. 16 akpá. 4-5]
4. Hwenu e Samuwɛli ɖò vǔ bo “ɖò susu wɛ ɖò Mawu Mavɔmavɔ nukɔn” é ɔ, etɛ ka d’alɔ ɛ b’ɛ ma xwedó kpɔ́ndéwú nyanya Eli ví lɛ tɔn ǎ? (1 Sam. 2:21) [9 Xwèjísun, ia-EG wex. 62-63 akpá. 16-17]
5. Etɛ kplakpla jí e Sawulu ma nɔ bo wà nǔ hwenu e “nùvɔnɔ” ɖé lɛ gbɛ́ ɖɔ é kún na ɖu axɔsu dó emi jí ó é ka sixu kplɔ́n mǐ? (1 Sam. 10:22, 27) [23 Xwèjísun, w05-EG 15/3 wex. 23 akpá. 2]
6. Nǔ taji tɛ linlin agɔ e Sawulu ɖó ɖɔ è sixu sɔ́ vɔsisa ɖó tónúsíse nú Jehovah tɛnmɛ é ka kplɔ́n mǐ? (1 Sam. 15:22, 23) [30 Xwèjísun, w07-EG 15/6 wex. 26 akpá. 3-4]
7. Etɛ ɖɔ wɛ Biblu ka ɖè hwenu e é ɖɔ ɖɔ ‘ayi mɛ wɛ Mawu Mavɔmavɔ nɔ kpɔ́n’ é? (1 Sam. 16:7) [6 Lidosun, w04-EG 15/11 wex. 20 akpá. 1-2]
8. Sɔgbe kpo Nùnywɛxó 1:4 kpo ɔ, etɛ lɛ mǐ ka ɖó bɔ Jehovah nɔ ɖó nukún ɖɔ mǐ ni zán ɖò ninɔmɛ syɛnsyɛn lɛ mɛ? (1 Sam. 21:12, 13) [13 Lidosun, w05-EG 15/3 wex. 24 akpá. 4]
9. Etɛwu mǐ ka sixu ɖɔ ɖɔ Abigayilu kún fɔ́n gǔ dó gǎn e asú tɔn nyí nú xwédo ɔ é jí hwenu e é hɛn nùɖuɖu yì jó nú Davidi kpo mɛ tɔn lɛ kpo é ó? (1 Sam. 25:10, 11, 18, 19) [20 Lidosun, w09-EG 1/7 wex. 24 akpá. 4]
10. Abigayilu dó kɛnklɛn dó nǔ e é ma wà ǎ é tamɛ. Etɛ kpɔ́ndéwú tɔn ka sixu kplɔ́n mǐ? (1 Sam. 25:24) [20 Lidosun, w02-EG 1/11 wex. 5 akpá. 1, 4]