Nukɔnyiyi Sinsɛnzɔ́ ɔ Tɔn Lɛ

Ðò Xwèjísun kpo Lidosun 2014 tɔn kpo mɛ ɔ, nɔví sunnu kpo nɔví nyɔnu gègě kpo wɛ “ɖɔ́” awǎjijɛ e ɖò gbexosin-alijitɔ́ alɔgɔtɔ́ tɔn sín azɔ̌ mɛ é kpɔ́n. Ðò sun enɛ lɛ vlamɛ ɔ, wɛnjlatɔ́ République centrafricaine tɔn lɛ má xójlawema 16 170 bɔ nɔví Tchad tɔn lɛ má 5 305. Wɛnɖagbe ɖevo lɛ gosin Cameroun. È bɛ́ Wemaxɔmɛ nú Wɛnɖagbejlatɔ́ Axɔsuɖuto ɔ Tɔn Lɛ nukɔntɔn ɔ ɖò azǎn 29 Zǒsun 2014 tɔn, bɔ wemaxɔmɛví 26 lɛ yí kúnnuɖewema yetɔn ɖò azǎn 23 Abɔxwísun 2014 tɔn. Wɛnɖagbejlatɔ́ enɛ lɛ e è kplɔ́n azɔ̌ ganji lɛ é na zɔ́n bɔ yɛhwexóɖiɖɔzɔ́ ɔ na lɛ́ sɛ́ sò d’eji, bɔ agun lɛ na lɛ́ lidǒ.—Mat. 9:38.