Jesu Kristo: agindutako Mesias

JEHOBAK biblia-profeta asko inspiratu zituen Mesiasen nortasuna zein zen jakinarazteko. Agindutako Askatzailearen jaiotza, bere Jainkoaren zerbitzua eta bere heriotzari buruzko xehetasun ugari eman zituen. Biblia-profezia guzti hauek Jesu Kristorengan bete ziren. Ezin zehatzagoak eta xehetasunez beteak dira. Adibide moduan, azter ditzagun Mesiasen jaiotza eta haurtzaroari buruz iragarri ziren hainbat gertakari.

Isaias profetak Mesias, Dabid erregearen ondorengoa izango zela iragarri zuen (Isaias 9:6 [9:7, NW]. Eta halaxe izan zen. Jesus Dabiden errotik jaio zen (Mateo 1:1, 6-17).

Jainkoaren beste profeta batek, Mikeasek, haurra agintari bilakatuko zela iragarri zuen, baita «Belen Efrata[n]» jaioko zela ere (Mikeas 5:1 [5:2, NW]). Jesusen jaiotzaren garaian, Israelen bi herrialde zeuden Belen izenekoak. Bata nazioaren iparraldean, Nazaretetik gertu zegoen; bestea, berriz, Judan, Jerusalemdik gertu. Bigarren honi, Efrata ere deitu izan zitzaion lehenago. Eta Jesus herrialde horretan jaio zen, profeziak zehatz-mehatz esan bezala! (Mateo 2:1).

Beste biblia-profezia batek Jainkoaren Semeari «Egiptotik etortzeko dei egin[go]» zitzaiola iragarri zuen. Jesus haurra zela, Egiptora eraman zuten. Eta Herodes hil ondoren handik itzuli zen, horrela profezia betez (Oseas 11:1; Mateo 2:15).

«Profezia» izeneko zutabea aurkituko duzu «Mesiasi Buruzko Profeziak» taulan. Bertan dauden biblia-pasarteek Mesiasi buruzko xehetasunak azaltzen dituzte. Konparatu itzazu, mesedez, «Betetzea» izeneko zutabean dauden biblia-pasarteekin. Honela, Jainkoaren Hitzak beti egia dioela ikustean zure fedea indartuko da.

Biblia-pasarte hauek aztertzen dituzun heinean, izan kontuan profezia hauek Jesus jaio baino mendeak lehenago idatzi zirela. Honakoa esan zuen Jesusek: «Moisesen legean, profeten liburuetan eta salmoetan nitaz idatzitako guztia bete beharrekoa ze[n]» (Lukas 24:44). Zure Biblian egiaztatu dezakezu profezia guzti-guztiak zehaztasun osoz bete zirela!