Bibliari buruzko galderak / Bizitza eta heriotza / Zein helburu du biziak?

Bibliaren erantzuna

Agian galdera honekin lotuta dauden beste galdera hauek ere egin dizkiozu zure buruari: Zergatik gaude hemen? Zentzurik ote du nire bizitzak? Bibliaren arabera, gure bizitzaren helburua Jainkoaren lagunak izatea da. Azter ditzagun Bibliak aipatzen dituen oinarrizko egia batzuk.

• Jainkoa gure sortzailea da. Bibliak dio: «Berak eginak eta bereak gaitu» (100. Salmoa 3; Apokalipsia 4:11).

• Sortu duen guztiarentzat helburu bat du, baita gizakiontzat ere (Isaias 45:18).

• Jainkoak behar espiritualarekin sortu gintuenez, gure bizitzari zentzua bilatzeko desioa dugu (Mateo 5:3, NWT). Jainkoak guk desio hau asetzea nahi du (145. Salmoa 16, NWT).

• Behar espiritual hau Jainkoa ezagutzen dugunean eta berarekin dugun adiskidetasuna estutzen dugunean asetzen dugu. Hau egitea zaila badirudi ere, Bibliak lortu dezakegula ziurtatzen digu: «Hurbil zaitezte Jainkoarengana, eta hurbildu egingo zaizue» (Santiago 4:8; 2:23).

• Jainkoaren lagunak izateko berak sortu gintuen helburuarekin bat bizi behar dugu. Bibliak helburu hau zein den argi uzten du: «Izan begirune Jainkoari eta bete beronen aginduak; horixe baita egiazko gizon-emakume izatea» (Kohelet 12:13).

• Etorkizunean Jainkoak sufrimendua kenduko du eta bere lagunak, hau da, bera adoratzen dutenak, betirako biziarekin sarituko ditu. Orduan, guztiz beteko da Jainkoak gizakiontzat duen helburua (37. Salmoa 10, 11).