Zer da Jainkoaren Erreinua?

HARA BIBLIAK ZER ESATEN DUEN

«Erreinu bat ezarriko du zeruko Jainkoak: ez dute inoiz ere hondatuko» (Daniel 2:44, Elizen Arteko Biblia).

«Gure Jaunari eta beronen Mesiasi dagokie orain munduaren erregetza» (Apokalipsia 11:15).

ZER ERAGIN IZAN DEZAKE HONEK ZURE BIZIAN?

• Gobernu onak dakartzan onurak jaso ditzakezu (Isaias 48:17, 18).

• Osasuntsu eta zoriontsu biziko zara datorren mundu berrian (Apokalipsia 21:3, 4).

SINETS AL DEZAKEGU BENETAN BIBLIAK ESATEN DUENA?

Bai, badaude behintzat bi arrazoi:

• Jesusek Jainkoaren Erreinuak lortuko duena erakutsi zuen. Jesusek Jainkoaren Erreinua etor dadila eta Jainkoaren nahia lurrean bete dadila otoitzean eskatzen irakatsi zien bere jarraitzaileei (Mateo 6:9, 10). Jesusek otoitz horren erantzuna zein izango den ere agertu zuen.

  Lurrean bizi izan zenean, Jesusek gose zirenei jaten eman, gaixoak sendatu eta hildakoak berpiztu zituen! (Mateo 15:29-38; Joan 11:38-44). Zer lortu zuen era zoragarri honetan? Jainkoaren Erreinuko Errege izandakoan, Erreinuak bere herritarren alde zer egingo duen aldez aurretik erakustea (Apokalipsia 11:15).

• Munduko egoerak Jainkoaren Erreinuak laster esku hartuko duela agerian uzten du. Erreinu honek lurrean bakea ezarri aurretik gure planeta gerra, gosete eta lurrikarez josita izango zela iragarri zuen Jesusek (Mateo 24:3, 7).

  Egoera latz hori ikusten dugu gaur egun. Beraz, ziur egon gaitezke Jainkoaren Erreinuak laster arazo guzti horiek konponduko dituela.