Se Ẹkpetịn̄de Ẹban̄a Mme Magazine

Enyọn̄-Ukpeme May 1

Kot Matthew 24:3. Ekem dọhọ ete: “Ndusụk owo ẹkere ke mbụme emi aban̄a edisobo isọn̄ nnyịn emi. Ndi emekere ke ẹyesobo isọn̄ emi? [Bet ibọrọ.] Se Jesus ọkọbọrọde owụt ke idịghe isọn̄ emi ke ẹdisobo, edi ke ẹdisobo n̄kpọ en̄wen. Ibuotikọ emi odude ke page 16 etịn̄ se ẹdisobode.”

Awake! May

“Ndusụk mme ọkwọrọikọ ẹdọhọ ke edieke inamde se inemde Abasi esịt, ke enye ayanam nnyịn iforo. Edi ekeme ndidi afo ọmọdiọn̄ọ ndusụk nti owo oro ẹdide ubuene. Ndi ekere ke Abasi oyom nnyịn idi imọ owo? [Bet ibọrọ. Ekem kot Mme Hebrew 13:5.] Ibuotikọ emi etịn̄ usụn̄ oro Abasi ọdiọn̄de nnyịn.” Wụt ibuotikọ oro ọtọn̄ọde ke page 12.

Enyọn̄-Ukpeme June 1

“Ẹwet ediwak n̄wed mfịn ẹban̄a nte ẹkpebọkde nditọ, nte ẹkpemade mbon en̄wen, ye nte owo ekemede ndikụt unen ke uwem. Ndi mme n̄wed emi ẹn̄wam fi? [Bet ibọrọ.] Ediwak owo isimaha ndikot n̄wed emi ọnọde owo mfọnn̄kan item. [Kot 2 Timothy 3:16.] Magazine emi etịn̄ ntak emi ikpọbuọtde idem ke se Bible etịn̄de, onyụn̄ ọnọ uwụtn̄kpọ nti item emi ẹdọn̄ọde ke Bible.”

Awake! June

“Imọfiọk ke ndusụk owo ẹsidọhọ ke usion̄o idịbi ọdiọk ke adan̄aemi mbon en̄wen ẹdọhọde ke idiọkke. Ndi emekere ke Bible ekeme ndin̄wam owo ke n̄kpọ emi? [Bet ibọrọ. Ekem kot 2 Timothy 3:16, 17.] Magazine emi owụt se Bible etịn̄de aban̄a usion̄o idịbi.”