Se Ẹkpetịn̄de Ẹban̄a Mme Magazine

Enyọn̄-Ukpeme July 1

“Ediwak nnyịn isifiọkke se ikpetịn̄de ye ufan nnyịn oro enen̄erede ọdọn̄ọ m̀mê enye oro ọdọn̄ọde udọn̄ọ n̄kpa. Afo ese didie item emi? [Kot James 1:19. Ekem bet ibọrọ.] Ibuotikọ emi eneme nti ekikere oro ẹnyenede nsọn̄ọ ke Bible.” Wụt ibuotikọ emi ọtọn̄ọde ke page 10.

Awake! July

“Ndi akpana ẹdori iban ubọk nte mme ọkwọrọikọ ufọkederi? [Bet ibọrọ.] Kop se Bible etịn̄de mi aban̄a n̄wan kiet. [Kot Rome 16:1.] Edi itie Bible en̄wen ọdọhọ ke iban ẹkpenyene ndidu ke ndopuyo ke esop. Ntre, nso ke Bible enen̄ede etịn̄ aban̄a n̄kpọ emi? Ibuotikọ emi eneme n̄kpọ emi.” Wụt ibuotikọ emi ọtọn̄ọde ke page 28.

Enyọn̄-Ukpeme August 1

“Ediwak owo ẹkere ke ekọn̄ nuclear m̀mê ọkpọsọn̄ ufiop ye edịm ẹdibiat ererimbot. Ndi emekere ke utọ n̄kpọ oro eyetịbe tutu amama? [Bet ibọrọ.] Kop se Bible etịn̄de aban̄a n̄kpọ emi. [Kot Ediyarade 11:18.] Magazine emi ọbọrọ mbụme inan̄ oro ẹsiwakde ndibụp mban̄a utịt ererimbot.”

Awake! August

“Etie nte Mme Ntiense Jehovah ẹsinyene nneme ye afo. Ndi akanam emekere se isinamde isan̄a ke ufọk ke ufọk, akpan akpan ke emi ediwak owo mîmaha ndikop ikọ nnyịn? [Bet ibọrọ. Ekem kot Matthew 24:14.] Imokụt ke ediwak owo ẹnyene nsio nsio ukwan̄ ekikere ẹban̄a nnyịn. Magazine emi etịn̄ mbon emi Mme Ntiense Jehovah ẹdide.”