Se Ẹkpetịn̄de Ẹban̄a Mme Magazine

Enyọn̄-Ukpeme Mar. 15

“Nnyịn ikot fi ite edidụk Udia Mbubịteyo Ọbọn̄ ke Sunday, April 4. [Da ikpaedem magazine m̀mê n̄wedikot Editi nam emi an̄wan̄a. Ekem kot Luke 22:19.] Ntọn̄ọ ibuotikọ ke nsiondi Enyọn̄-Ukpeme emi eneme se edinam emi edide ye nte ẹdinamde enye.”

Awake! Mar. 22

Ke ama eketịn̄ aban̄a n̄kpọ mmọn̄eyet emi mme owo ẹsụk ẹtide, bụp ete: “Nte akanam afo emekere ntak emi Abasi ayakde mme utọ n̄kpọ oro ẹtịbe? [Bet ibọrọ. Ekem kot James 1:13.] Ibuotikọ emi, emi ẹwetde akpan akpan ẹnọ mme uyen, anam an̄wan̄a ntak emi edima Andibot nnyịn mîsịbeke kan̄a idụk man etre ndutụhọ oro mme owo ẹkụtde.”

Enyọn̄-Ukpeme Apr. 1

“Idụhe itien̄wed emi mme owo ẹnọde nsio nsio ekikere nte se Bible etịn̄de aban̄a idiọn̄ọ unam oro. Nte akanam afo omokop aban̄a emi? [Bet ibọrọ. Ekem kot Ediyarade 13:16-18.] Bible ke idemesie etịn̄ nte ẹkemede ndidiọn̄ọ ndịben̄kpọ emi. Magazine emi anam an̄wan̄a se mmọ ẹdide.”

Awake! Apr. 8

“Ata ediwak owo ẹdiọn̄ọ mbụk eyouwem Moses. Edi nte afo ama ọfiọk ke Moses ama etịn̄ ikọ oro otụkde uwem nnyịn mfịn? [Bet ibọrọ. Ekem kot Deuteronomy 18:15.] Nsiondi Awake! emi eneme prọfet oro ẹkebemde iso ẹtịn̄ ẹban̄a ye ufọn oro enye edinamde ọnọ ubonowo.”