Ekebe Mbụme

◼ Nte odot ndikwak ubọk ke ini ẹtọtde edifiak nda?

Ke ima-mfọnido esie, Jehovah Abasi ọnọ usụn̄ oro ekemde ye N̄wed Abasi kaban̄a mme anamidiọk ẹmi ẹkabarede esịt ndifiak nnyene mfọn esie nnyụn̄ ndi se ẹfiakde ẹda ke esop Christian. (Ps. 51:12, 17) Ke ini ẹnamde emi, ẹsịn udọn̄ ẹnọ nnyịn ndisọn̄ọ ima emi nnyịn inyenede inọ utọ mbon oro ẹkabarede esịt ke ofụri esịt mi.—2 Cor. 2:6-8.

Kpa ye oro, ọkpọkọm nnyịn ikpokop idatesịt didie ke ini ẹfiakde ẹda iman m̀mê ọdiọn̄ọ, ndobo ndobo uku ekpenyene ndidu ke ini ẹtọtde esop nte ke ẹfiak ẹda owo. Enyọn̄-Ukpeme eke October 1, 1998, page 17, ọkọdọhọ ete: “Nte ededi, ana nnyịn iti ke ata ediwak owo ke esop ifiọkke mme akpan idaha oro ẹkedade ẹkesịm edisio owo oro mfep m̀mê edifiak nda enye nsịn. Ke adianade do, ekeme ndidu ndusụk owo oro idiọk edinam owo oro akabarede esịt do okotụkde m̀mê ọkọnọde unan ọkpọkpo—akam ekeme ndidi ke anyan ini. Ke ntre, ke ẹkerede ẹban̄a mme utọ n̄kpọ oro, ke ini ẹtọtde edifiak nda owo nsịn, nte owụtde ifiọk nnyịn iyetre nditịn̄ mme ikọ edidara owo oro tutu mme owo ẹkeme ndinam oro ọkpọkpọ.”

Okposụkedi nnyịn ikopde inemesịt ndikụt owo afiakde edi akpanikọ, ididotke ndikwak ubọk ke ini ẹtọtde edifiak nda enye.