Mme Mbụme Ẹtode Mme Andikot

◼ Ini ewe ke ẹketọn̄ọ ndifri ukorowo eke mme angel itiaba eke Ediyarade?

Ke Ediyarade ibuot 8. 9. ye 11, nnyịn ikot ban̄a mme angel itiaba oro ẹkefride ukorowo itiaba, ẹtan̄ade n̄kpọsọn̄ ufen ẹdori ubak ubonowo ke idem. Mmọemi ẹda ẹban̄a editan̄a oro ikọt Jehovah ẹtan̄ade ubiereikpe Jehovah an̄wan̄wa ke ofụri utịt ini emi ọkọtọn̄ọde akamba akamba ke mbono oro ẹkenịmde ke Cedar Point ke 1922.​—Se Revelation—lts Grand Climax At Hand!, ibuot 21 osịm 23 ye ibuot 26.

Akpa ukorowo inan̄ oro ẹfride ẹmeyarade n̄kpakpa idaha eke spirit ke ubak “isọn̄” ye “inyan̄” Christendom ọkọrọ ye idaha iduọ eke mme ọkwọrọ ederi ye idaha ekịm eke spirit oro omụmde Christendom,​—Ediyarade 8:7-12.

Mbụk owụt ke ediyarade mme akpanikọ emi an̄wan̄wa ekenen̄ede ọtọn̄ọ mbemiso 1922. Ke uwụtn̄kpọ. utịn̄ikọ an̄wa oro. Ediwak Million Owo Oro Ẹdude Uwem Idahaemi Idikpaha ke Nsinsi emi ekebemde iso ẹnọ ke 1918 ẹnyụn̄ ẹmịn̄de ke ekpri n̄wed ke 1920. ama etịn̄ aban̄a edikpu oro Christendom okpude ye edisan̄a n̄kpere eke utịt ererimbot emi. The Golden Age eke September 29. 1920. ama ayarade Christendom nte asan̄a akpara. abian̄a abian̄a oyịp inọ. ye andida mme owo ntụn usụn̄.

Ntak. ndien. n̄wed Revelation Climax ọdọhọde ke ẹketọn̄ọ ndifri ukorowo inan̄ ẹmi ke mbono oro ẹkenịmde ke Cedar Point ke 1922? Koro edi adan̄aoro ke ẹkenọ ikot ete “ẹtan̄a, ẹtan̄a. ẹtan̄a Edidem ye Obio Ubọn̄,” ẹsịnde akamba udọn̄ ẹnọ utom ukwọrọikọ. Nsiondi Enyọn̄-Ukpeme (Ikọmbakara) eke November 1, 1922, ọdọhọ ete: “Mme ufan . . . ẹkeda enye nte ibuotikọ mbono nte ke ata mbiomo ye ifetutom mbon oro ẹyakde idem ẹnọ idahaemi ke isọn̄ edi nditan̄a edidu Ọbọn̄, kpa Akamba Edidem ndidem. ye nte ke obio ubọn̄ esie odu mi, ye nte ke emi edi ata akpan n̄kpọ ọnọ mmọ ndinam.”

Ekpenyene n̄ko ndidiọn̄ọ nte ke adan̄aemi Mme Ntiense Jehovah ẹketan̄ade ofụri etop ubiereikpe inan̄ emi ọtọn̄ọde ke 1922, kiet kiet ama ọbọ okopodudu nsịnudọn̄ oto mme ubiere inan̄ oro ẹkenyịmede ke mme mbono ẹkenịmde ke ufọt 1922 ye 1925. Ke ẹtienede emi, ẹma ẹsuan mme ubiere emi ke uduot oro ẹmịn̄de-mịn̄ ke ediwak million ẹyararede n̄kpakpa idaha eke spirit Christendom uforo uforo.​—Se n̄wed Revelation Climax, page 133 ikpehe ekikere 15.

Akpatre uyo ukorowo ita abuana ‘n̄kpọnnam.” (Ediyarade 8:13, NW) Mmọ ẹnyene ukpụhọde ye akpa uyo ukorowo inan̄ oro sia mmọ ẹnyenede ebuana ye mme akpan n̄kpọntịbe. Uyo ukorowo ọyọhọ ition enyene ebuana ye edision̄o ikot Abasi ke “akwa udem” ke 1919. Ọyọhọ itiokiet enyene n̄kpọ ndinam ye “udịmekọn̄ eke ẹdorode ke enan̄-mbakara” ye akwa ubịnikọt ukwọrọikọ eke ofụri ererimbot oro ọkọtọn̄ọde ke 1922. Ẹbuan ọyọhọ itiaba ye emana Obio Ubọn̄ Abasi ke 1914.​—Ediyarade 9:1-19:11:15-19.

N̄kpọntịbe emi kiet kiet amada n̄kpọnnam ọsọk Satan ye ererimbot esie. Edision̄o mbon oro ẹyetde aran ke akwa udem unana ẹdinam ke 1919 ama otop mme ọkwọrọ ederi Christendom onyụn̄ owụt ke Jehovah esịn enye ofụri ofụri. Ọtọn̄ọde ke 1922 tutu osịm mfịn. akwa udịmekọn̄ eke ẹdorode ke enan̄-mbakara omowot Christendom. ke nditịn̄ ke usụn̄ eke spirit, ayararede n̄kpakpa idaha esie onyụn̄ ọnọde ntọt aban̄a nsobo esie oro edide. Ndien ke Obio Ubọn̄ ama akamana ke 1914, ẹma esio Satan ke heaven ẹduọk, ẹdemerede ikpọ mfịna ke otu ubonowo. Ibịghike Obio Ubọn̄ oro ẹyesio n̄kaowo oro etiede nte ọsọn̄ọ ada emi Satan ọkọbọpde (kpa isọn̄), ẹmende ọsọn̄ibuot ubonowo (kpa inyan̄) efep ke Armageddon.​—Ediyarade 11:17-12:12; 21:1.

Ke mbono oro ẹkenịmde ke Cedar Point ke 1922, ofụri ‘n̄kpọnnam” ita oro ẹma ẹwụt idem ke ofụri ererimbot. Ubịnikọt ukwọrọikọ oro ẹketọn̄ọde adan̄aoro ama anam ana in̄wan̄în̄wan̄ nte ke “n̄kukun̄kpọyọriyọ” ẹma ẹwọn̄ọ ke “akwa udem” ye nte ke ufen oro “mbonekọn̄ eke ẹdorode ke enan̄-mbakara” ẹkamade ke edi ke usụn̄. Ndien aduai owo idem ikot nditan̄a Edidem ye Obio Ubọn̄ ama odu ke ọyọhọ n̄kemuyo ye edifri ọyọhọ ukorowo itiaba. Nsiondi Enyọn̄-Ukpeme (Ikọmbakara) eke March 1, 1925, ama anam an̄wan̄a ke ẹma ẹbemiso ẹtịn̄ ẹban̄a mme n̄kpọntịbe eke 1914. 1919, ye 1922 ke Ediyarade ibuot 12. Emi ekedi ntotụn̄ọ ifiọk aban̄ade emana Obio Ubọn̄ oro, ndien Mme Ntiense Jehovah ke edinam akpanikọ ẹma ẹtan̄a enye. Adianade do, editọt etop ufen emi ama ọbọ akwa odudu tọn̄ọ ẹkenyịme ndien ekem ẹsuande mme okopodudu ubiere ke mme mbono ẹkenịmde ọtọn̄ọde ke 1926 osịm 1928.​—Se Revelation—lts Grand Climax At Hand!, page 147, 149, 172.

Ntem, edifri mme ukorowo itiaba oro ọkọtọn̄ọ ke 1922 onyụn̄ aka iso ke mme iduọk isua 1920. Ọtọn̄ọde ke ini oro, ikọt Jehovah ye unana ndịk ke ediana ye mme angel ke ndisian ofụri ubonowo nte ke Christendom amakpa ke n̄kan̄ eke spirit, mme ọkwọrọ ederi esie edi mme adaiso oro ẹma ẹkeduọ, ndien ibịghike ẹyesobo enye ye nyọhọ-nsụhọ ererimbot Satan emi.