Ndi Isua 2024 Ọyọfọn?​—Nso ke Bible Etịn̄?

Ediwak owo ẹkere ke idotenyịn idụhe, ke isua 2024 idifọnke. Edi idotenyịn do. Ke m̀mọ̀n̄?

Bible ọdọhọ ke n̄kpọ ọyọfọn

Bible ọdọhọ ke Abasi eyetre kpukpru afanikọn̄ emi anamde etie nte idotenyịn idụhe. Idibịghike, Abasi “ọyọkwọhọde kpukpru mmọn̄eyet ke enyịn mmọ efep, n̄kpa idinyụn̄ idụhe aba, mfụhọ m̀mê ntuan̄a m̀mê ubiak idinyụn̄ idụhe aba.”​—Ediyarade 21:4.

• Edieke oyomde ndidiọn̄ọ se Bible etịn̄de aban̄a ini iso, kot ibuotikọ emi “A Real Hope for a Better Tomorrow.”

Didie ke Bible ekeme ndin̄wam fi idahaemi?

Bible ọnọ nnyịn idotenyịn emi anamde nnyịn ikụt ke n̄kpọ ọyọfọn, ke n̄kpọ iditiehe ntem aba. (Rome 15:13) Bible ekeme ndin̄wam fi ọdiọn̄ọ se akpanamde ke ini enyenede mfịna, utọ nte ke ini mûnyeneke se adade odu uwem, ke ini ẹfịkde fi, ye ke ini idem mîsọn̄ke fi.

• Se nte Bible an̄wamde ete kiet enyene emem ye inemesịt kpa ye oro ubuene emende enye emen. Se vidio emi, Juan Pablo Zermeño: Jehovah Anam Ndu Ata Uwem.

• Se nte Bible ekemede ndin̄wam fi edieke esịt obiomde fi, afịnade fi, etịmerede fi, ke ini ofụhọde, ye ke ini n̄kpọ mmọn̄eyet ọwọrọde fi. Kot ibuotikọ emi “Can I Find Words of Comfort in the Bible?”

• Se nte akani owoekọn̄ emi ọdọhọde ke ikedi ata idiọk owo, edi Bible ọnọ enye idotenyịn. Se vidio emi N̄n̄wanake Ekọn̄ Aba.

Yom usụn̄ nam isua 2024 edi eti isua ọnọ fi ye ubon fo. Se nte Bible ekemede ndin̄wam fi. Tiene se nte isikpepde owo Bible. Edieke anamde oro, oyokụt nte Abasi ekemede ndinọ fi emem ye idotenyịn ye eti ini iso.​—Jeremiah 29:11.